Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Aramid 4:1-37

4  Ita bayat a dagiti dua agsasaoda kadagiti tattao, dimmarup kadakuada ti panguluen a papadi ken ti kapitan iti templo+ ken dagiti Saduceo,+  a siluluksawda agsipud ta isursuroda dagiti tattao ken idekdeklarada a silalawag ti panagungar kadagiti natay iti kaso ni Jesus;+  ket tiniliwda ida ket impupokda ida agingga iti sumaganad nga aldaw,+ ta rabii idin.  Nupay kasta, adu kadagidiay nagimdeng iti sasao namatida,+ ket ti bilang dagiti lallaki nagbalin nga agarup lima ribu.+  Iti sumaganad nga aldaw naaramid idiay Jerusalem ti panaguurnong dagiti agtuturayda ken dagiti lallakay ken dagiti eskriba+  (kasta met ni Anas+ a panguluen a padi ken ni Caifas+ ken ni Juan ken ni Alejandro ken dagiti amin a kabagian ti panguluen a padi),  ket pinagtakderda ida iti tengngada ket rinugianda nga imtuoden: “Babaen iti ania a pannakabalin wenno makinnagan nga inaramidyo daytoy?”+  Idin ni Pedro, a napno iti nasantuan nga espiritu,+ kinunana kadakuada: “Agtuturay iti ili ken lallakay,  no iti daytoy nga aldaw maus-usigkami, maibatay iti naimbag nga aramid iti maysa a masaksakit a tao,+ no babaen iti siasino a napaimbag daytoy a tao, 10  maipakaammo koma kadakayo amin ken kadagiti amin nga umili iti Israel, nga iti nagan ni Jesu-Kristo a Nazareno,+ nga inlansayo+ ngem imbangon ti Dios manipud kadagiti natay,+ babaen kenkuana sisasalun-at nga agtaktakder daytoy a tao ditoy sanguananyo. 11  Daytoy ‘ti bato a dakayo a managibangon trinatoyo a kas awan patpategna a nagbalin nga ulo ti nagsulian.’+ 12  Kanayonanna pay, awan ti asinoman a sabali a pakaisalakanan, ta awan ti sabali a nagan+ iti baba ti langit a naited kadagiti tattao a masapul a pakaisalakanantayo.”+ 13  Itan idi nakitada ti kinaprangka da Pedro ken Juan, ket natarusanda a tattaoda nga awan adalna ken gagangay,+ nagsiddaawda. Ket nangrugi a mabigbigda ti maipapan kadakuada a nakikuykuyogda idi ken Jesus;+ 14  ket bayat a kitkitaenda ti naagasan a tao a sitatakder a kaduada,+ awan ti masaoda a pangsupiat.+ 15  Gapuna binilinda ida a mapanda iti ruar ti siled ti Sanhedrin, ket rinugianda ti nagiinnuman, 16  a kunkunada: “Ania ti aramidentayo kadagitoy a tattao?+ Agsipud ta, iti kinapudnona, maysa a nakalatlatak a pagilasinan ti napasamak babaen kadakuada, maysa a naiparangarang kadagiti amin nga agnanaed iti Jerusalem;+ ket ditay mabalin nga ilibak dayta. 17  Nupay kasta, tapno saanen a mairakurak pay a sisasaknap kadagiti tattao, ibagatayo kadakuada a buyogen ti panangipangta a saandan a pulos agsao iti asinoman a tao maipuon iti daytoy a nagan.”+ 18  Gapuna inayabanda ida ket binilinda ida, nga iti sadinoman saandan nga agsao iti uray aniaman wenno mangisuro maipuon iti nagan ni Jesus. 19  Ngem kas sungbat kinuna kadakuada da Pedro ken Juan: “No nalinteg iti imatang ti Dios nga imdengandakayo imbes a ti Dios, ipatoyo iti bagbagiyo. 20  Ngem no kadakami, saan a mabalin nga agsardengkami nga agsao maipapan iti bambanag a nakita ken nangngegmi.”+ 21  Gapuna, idi a napangtaanda idan nga ad-adda pay, linuk-atanda ida, yantangay saanda a nakasarak iti aniaman a pangibatayan a pangdusaan kadakuada ken maigapu kadagiti tattao,+ agsipud ta isuda amin indaydayawda ti Dios gapu iti daydi a napasamak; 22  ta ti tao a nakapasamakan daytoy a pagilasinan ti panangpaimbag ket nasurok nga uppat a pulo ti tawenna. 23  Kalpasan a naluk-atanda napanda kadagiti kakaduada+ ket impadamagda ti bambanag nga imbaga kadakuada ti panguluen a papadi ken dagiti lallakay. 24  Idi mangngegda daytoy sangsangkamaysada a nangipigsa ti timekda iti Dios+ ket kinunada: “Soberano+ nga Apo, sika Daydiay nangaramid ti langit ken ti daga ken ti baybay ken ti amin a bambanag nga adda kadakuada,+ 25  ken nagkuna baeten ti nasantuan nga espiritu babaen ti ngiwat ni amami a David,+ nga adipenmo, ‘Apay a nagaarimbangaw dagiti nasion ket dagiti ili nagmennamennada iti ubbaw a bambanag?+ 26  Ti ar-ari ti daga timmakderda ket dagiti agtuturay naguurnongda a nagmaymaysa maibusor ken Jehova ken maibusor iti daydiay pinulotanna.’+ 27  Nupay kasta, agpadpada a da Herodes ken Poncio Pilato+ agraman dagiti tattao iti nasnasion ken agraman dagiti tattao ti Israel iti kinaagpaysuanna naguurnongda a sangsangkamaysa iti daytoy a siudad maibusor iti nasantuan+ nga adipenmo a ni Jesus, a pinulotam,+ 28  tapno aramidenda ti bambanag a nasakbay nga intuding ta imam ken ti pammatigmaanmo a mapasamak.+ 29  Ket ita, Jehova, asikasuem dagiti pamutbutengda,+ ket ipaaymo kadagiti adipenmo nga itultuloyda a sawen ti saom buyogen ti isuamin a kinatured,+ 30  bayat nga unnatem ta imam a mangpaimbag ken bayat a dagiti pagilasinan ken dagiti tanda+ mapasamakda babaen ti nagan+ ti nasantuan nga adipenmo+ a ni Jesus.” 31  Ket idi nakaararawdan, nagkintayeg ti lugar a nakaurnonganda a sangsangkamaysa;+ ket isuda amin napnoda iti nasantuan nga espiritu+ ket situtured a sasawenda idi ti sao ti Dios.+ 32  Mainayon pay, ti umariwekwek kadagidiay namati addaanda iti maymaysa a puso ken kararua,+ ket awan ti uray maysa nga agkuna a kukuana ti aniaman iti bambanag nga ik-ikutanna; no di ket amin a bambanag kukuada amin.+ 33  Kasta met, buyogen ti dakkel a pannakabalin intultuloy dagiti apostol ti nangipaay iti pangsaksi maipapan ti panagungar ni Apo Jesus;+ ket ti naruay a di kaikarian a kinamanangngaasi adda kadakuada amin. 34  Iti kinapudnona, awan uray maysa kadakuada ti nagkasapulan;+ ta amin dagidiay agik-ikut kadagiti talon wenno balbalay ilakoda ida ket iyegda dagiti pateg ti bambanag a nailako 35  ket ikabilda ida iti sakaanan dagiti apostol.+ Kalpasanna maibunong+ iti tunggal maysa, a kas iti pakasapulanna. 36  Gapuna ni Jose, a pinanaganan dagiti apostol iti Bernabe,+ a kayatna a sawen, no maipatarus, Anak ti Liwliwa, maysa a Levita, katutubo iti Chipre, 37  agik-ikut iti sangkapaset a daga, inlakona dayta ket inyegna ti kuarta ket inkabilna iti sakaanan dagiti apostol.+

Footnotes