Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Aramid 3:1-26

3  Itan sumangsang-at idi da Pedro ken Juan idiay templo maipaay iti oras ti panagkararag, ti maikasiam nga oras,+  ket maaw-awit idi ti maysa a lalaki a pilay manipud aanakan ni inana,+ ket inaldaw nga ikabilda iti asideg ti ruangan ti templo a naawagan Napintas,+ tapno dumawat kadagiti sagut ti asi kadagidiay sumsumrek iti templo.+  Idi nataldiapanna da Pedro ken Juan a dandanin sumrek iti templo nangrugi a nagkiddaw tapno makaala kadagiti sagut ti asi.+  Ngem ni Pedro, agraman ni Juan, pimmerreng+ kenkuana ket kinunana: “Kitaennakami.”  Gapuna impamaysana a minatmatan ida, nga in-inanamaenna nga adda maawatna kadakuada.  Nupay kasta, kinuna ni Pedro: “Awan ik-ikutak a pirak ken balitok, ngem ti adda kaniak isu ti itedko kenka:+ Iti nagan ni Jesu-Kristo a Nazareno,+ magnaka!”+  Gapuna iniggamanna iti makannawan nga imana+ ket pinatakderna. Giddato a timmibker dagiti dapan ti saksakana ken dagiti tulang ti palaypalayna;+  ket, idi a limmagto,+ timmakder ket nangrugi a nagna, ket simrek a nakikuyog kadakuada idiay templo,+ a magmagna ken lumaglagto ken mangidaydayaw iti Dios.  Ket amin dagiti tattao+ nakitada a magmagna ken mangidaydayaw iti Dios. 10  Mainayon pay, nangrugi a mabigbigda, nga isu daytoy daydi lalaki nga agtugtugaw maipaay kadagiti sagut ti asi idiay Napintas+ a Ruangan ti templo, ket napnoda iti panagmalmalanga ken iti napalaus a ragsak+ gapu iti napasamak kenkuana. 11  Ala ket, bayat a ti lalaki kumkumpet kada Pedro ken Juan, amin dagiti tattao nagtatarayda a sangsangkamaysa kadakuada idiay naawagan iti kolonada ni Solomon,+ a nagsidsiddaawda unay. 12  Idi nakita daytoy ni Pedro, kinunana kadagiti tattao: “Lallaki a taga Israel, apay a pagsidsiddaawanyo daytoy, wenno apay a matmatmatandakami a kasla ket babaen ti kabukbukodan a pannakabalin wenno nadiosan a debosion nga isu pinapagnami?+ 13  Ti Dios ni Abraham ken ni Isaac ken ni Jacob,+ ti Dios dagidi ammatayo, impadayagna+ ti Adipenna,+ ni Jesus, nga, iti biangyo, inyawatyo+ ken pinaglikudanyo iti imatang ni Pilato, idi inkeddengna a luk-atanna.+ 14  Wen, pinaglikudanyo daydiay nasantuan ken nalinteg,+ ket dinawatyo ti maysa a lalaki, maysa a manangpapatay,+ a siwayawaya a maited kadakayo, 15  idinto ta pinapatayyo ti Kangrunaan nga Ahente ti biag.+ Ngem imbangon ti Dios manipud kadagiti natay, nga iti daytoy a kinapudno saksikami.+ 16  Gapu itoy ti naganna, babaen ti pammatimi iti naganna, pinapigsana daytoy a tao a kitkitaenyo ken am-ammoyo, ket ti pammati a baeten kenkuana isu ti nangted iti lalaki iti daytoy a naan-anay a kinasimbeng iti imatangyo amin. 17  Ket ita, kakabsat, ammok a nagtignaykayo iti kinaignorante,+ a kas met iti panagtignay dagiti agturay+ kadakayo. 18  Ngem iti kastoy a pamay-an tinungpal ti Dios ti bambanag nga impakaammona a nasaksakbay babaen ti ngiwat dagiti amin a mammadto, a ti Kristona agsagaba.+ 19  “Agbabawikayo,+ ngarud, ket agbaw-ingkayo+ tapno mapunas dagiti basolyo,+ iti kasta dagiti panawen ti pannakabang-ar+ umayda manipud iti persona ni Jehova 20  ken iti kasta ibaonna koma ti Kristo a naituding kadakayo, ni Jesus, 21  nga iti kinapudnona, masapul nga ikutan a mismo+ ti langit agingga kadagiti tiempo ti pannakaisubli+ ti amin a bambanag a sinao ti Dios babaen ti ngiwat dagiti nasantuan a mammadtona+ idi un-unana a tiempo. 22  Kinapudnona, kinuna ni Moises, ‘Ibangonto ni Jehova a Dios maipaay kadakayo manipud iti kakabsatyo ti maysa a mammadto a kas kaniak.+ Masapul nga agimdengkayo kenkuana sigun iti amin a bambanag a sawenna kadakayo.+ 23  Kinapudnona, asinoman a kararua a saan nga agimdeng iti dayta a Mammadto madadaelto a naan-anay manipud kadagiti umili.’+ 24  Ket amin dagiti mammadto, iti kinapudnona, manipud ken Samuel ken kadagidiay simmaruno, kas iti kaadun dagiti nagsao, indeklarada met a silalawag dagitoy nga aldaw.+ 25  Dakayo ti annak+ dagiti mammadto ken ti tulag a nakitulagan ti Dios kadagidi ammayo, a kunkunana ken Abraham, ‘Ket iti bin-im mabendisionanto dagiti amin a pamilia iti daga.’+ 26  Kadakayo nga umuna,+ kalpasan ti panangibangonna iti Adipenna, ti nangibaonan ti Dios tapno bendisionannakayo babaen ti panamagtallikudna iti tunggal maysa manipud iti nadangkes nga ar-aramidyo.”

Footnotes