Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Aramid 27:1-44

27  Ita idi naikeddeng nga aglayagkami nga agturong idiay Italia,+ inyawatda ni Pablo ken ti dadduma pay a balud iti opisial ti buyot a managan Julio iti bunggoy ni Augusto.  Idi limmugankami iti barangay manipud Adrumeto a dandanin aglayag kadagiti lugar iti igid ti baybay iti distrito ti Asia, naglayagkami, a naikuyog kadakami ni Aristarco+ a taga Macedonia a naggapu idiay Tesalonica.  Ket iti sumaganad nga aldaw simmangladkami idiay Sidon, ket ni Julio trinatona ni Pablo buyogen ti natauan a kinamanangngaasi+ ket pinalubosanna a mapan kadagiti gagayyemna ken mangtagiragsak iti panangasikasoda.+  Ket idi nagluaskami manipud sadiay naglayagkami iti sidong ti malingdan ti Chipre, agsipud ta sumuba dagiti angin;  ket nagdaliasatkami iti nawayang a baybay a nangnurnor iti Cilicia ken Pamfilia ket simmangladkami idiay Mira iti Licia.  Ngem sadiay ti opisial ti buyot nakasarak iti barangay manipud Alejandria+ nga aglaylayag nga agturong idiay Italia, ket inlugannakami iti dayta.  Idin, kalpasan ti adu nga aldaw a nainayad a panaglayag ken nakarigrigat nga idadateng idiay Cnido, agsipud ta ti angin saannakami a pinalubosan nga agtultuloy, naglayagkami iti sidong ti malingdan ti Creta idiay Salmone,  ket iti nakarigrigat a panagparparaigidmi iti dayta dimtengkami iti maysa a lugar a maawagan Nasayaat a Sasangladan, nga iti asidegna ket siudad ti Lasea.  Yantangay napalabasen ti adu a tiempo ket itan napeggaden ti agdaliasat agsipud ta uray ti panagayunar [iti aldaw ti panangabbong+] naglabasen, nangirekomenda ni Pablo, 10  a kunkunana kadakuada: “Lallaki, makitak a ti panagdaliasat mamataudto iti dadael ken dakkel a pukaw saan laeng nga iti karga ken iti barangay no di ket kadagiti kararuatayo pay.”+ 11  Nupay kasta, ti opisial ti buyot impangagna ti piloto ken ti makinkukua iti barko imbes a ti bambanag a kinuna ni Pablo. 12  Ita gapu ta ti sasangladan saan a mainugot a pagpalabasan iti kalam-ekna, imbalakad ti kaaduan nga aglayagda manipud sadiay, ta kitaenda no makagtengda uray kasano idiay Fenix tapno agpalabasda iti kalam-ekna, maysa a sasangladan iti Creta nga aglukat a sumango iti amianan a daya ken iti abagatan a daya. 13  Mainayon pay, idi a ti abagat pimmul-oy iti nakapsut, impagarupda a kasla naitungpaldan ti panggepda, ket inngatoda ti angkla ket rinugianda ti nagparparaigid iti asideg ti takdang ti Creta. 14  Nupay kasta, kalpasan ti saan unay a nabayag, maysa a nadawel unay nga angin+ a maawagan Euroaquilo ti simmalapon iti dayta. 15  Gapu ta sidadawel a naringbawan ti barangay ket saanna a kabaelan a subaen ti angin, timmulokkami ket naisurotkami. 16  Ita nagdaliasatkami iti sidong ti malingdan ti maysa a bassit nga isla a maawagan Cauda, ket kaskasdi a nganngani saanmi a matngelan ti bilog+ idiay kutit. 17  Ngem kalpasan ti panangisagpatda iti dayta rinugianda ti nagusar kadagiti pangtulong tapno patibkeren ti sirok ti barangay; ket gapu ta amakenda ti maisadsad idiay Sirte, imbabada ti alikamen a paglayag ket iti kasta nayanudda. 18  Kaskasdi gapu ta sidadawel nga iyallo-allonnakami ti nadawel a bagyo, iti sumaruno nga aldaw rinugianda a palag-anan+ ti barko; 19  ket iti maikatlo nga aldaw, babaen kadagiti bukodda nga ima, impalladawda ti aruaten ti barangay. 20  Itan, idi a ti init wenno uray dagiti bituen saanda a nagparang iti adu nga aldaw, ket agtaltalinaed kadakami ti saan a bassit a nadawel a bagyo,+ isuamin a namnamami a maisalakan nangrugin a matungday iti kamaudianan. 21  Ket kalpasan ti nabayagen a di pampannangan, iti kasta timmakder ni Pablo iti tengngada+ ket kinunana: “Lallaki, pudno unay a rebbeng koma a sinurotyo ti balakadko ket saankayo koma a naglayag manipud Creta ken nagpasar itoy a dadael ken pukaw.+ 22  Kaskasdi, ita irekomendak nga agragsakkayo, ta awanto ti mapukaw nga uray maysa a kararua kadakayo, no di laeng ti barangay. 23  Ta iti daytoy a rabii nagtakder iti asidegko ti maysa nga anghel+ ti Dios a makinkukua kaniak ken pangipapaayak iti sagrado a panagserbi,+ 24  a kunkunana, ‘Dika agbuteng, Pablo. Masapul nga agtakderka iti saklang ni Cesar,+ ket, adtoy! ti Dios sibubulos nga impaayna kenka amin dagidiay makipaglaylayag kenka.’ 25  Gapuna agragsakkayo, lallaki; ta mamatiak iti Dios+ a maaramidto nga apagpag-isu kas iti naibaga kaniak. 26  Nupay kasta, masapul a maisadsadtayo iti igid ti maysa nga isla.”+ 27  Itan idi dimteng ti maikasangapulo ket uppat a rabii ken mayallo-allonkami nga agsublisubli iti baybay ti Adria, iti tengnga ti rabii rinugian nga ipapan dagiti lumalayag nga umas-asidegda iti maysa a daga. 28  Ket tinukodda ti kaadalem ket nasarakanda a duapulo a deppa; gapuna nagpatuloyda iti saan unay nga adayo ket tinukodda manen ket nasarakanda a sangapulo ket lima a deppa. 29  Ket gapu iti panagbuteng a maisadsadkami iti sadinoman kadagiti bato, nangitapuakda iti uppat nga angkla manipud iti kutit ket kinalkalikagumanda a bumigat koman. 30  Ngem idi a dagiti lumalayag rinugianda nga inkagumaan ti agtalaw manipud iti barangay ket imbabada ti bilog idiay baybay nga aginkukunada a panggepda nga ipababa dagiti angkla manipud iti purua, 31  kinuna ni Pablo iti opisial ti buyot ken kadagiti soldado: “Malaksid no dagitoy a lallaki agtalinaedda iti barangay, saankayo a maisalakan.”+ 32  Iti kasta dagiti soldado pinugsatda dagiti tali ti bilog+ ket binay-anda a matnag. 33  Itan idi dandanin bumigat inrugi ni Pablo a paregtaen ti isuamin a manganda, a kunkunana: “Ita ti maikasangapulo ket uppat nga aldaw nga agbambantaykayo ken agtultuloy nga awan taraonyo, nga awan a pulos ti impaunegyo. 34  Gapuna paregtaenkayo a mangan, ta agpaay daytoy iti pagimbagan ti kinatalgedyo; ta awanto ti mapukaw uray maysa a buok+ iti ulo ti siasinoman kadakayo.” 35  Kalpasan a naisaona daytoy, nangala met iti tinapay, nagyaman+ iti Dios iti sanguananda amin ket pinispisina ket rinugianna ti mangan. 36  Iti kasta naay-ayatanda amin ket nangrugida a nangan. 37  Ita, ti dagupna amin, dua gasut pitopulo ket innemkami a kararua iti barangay. 38  Idi napnekdan iti taraon, inrugida a palag-anan+ ti barangay babaen ti panagitapuakda iti trigo idiay baybay. 39  Kamaudiananna idi bimmigaten, saanda a mailasin ti daga ngem makitkitada ti maysa a luek nga addaan aplaya, ket iti daytoy determinadoda, no mabalinanda, nga isadsad+ ti barangay. 40  Gapuna, idi pinugsatda dagiti angkla, binay-anda a matinnagda iti baybay, bayat a winarwarda ti galgalut dagiti pangtimon a gaud ket, kalpasan nga impangatoda ti makinsango a layag iti angin, nagturongda iti aplaya. 41  Idi nakadap-awda iti baknad nga agsinnumbangir a sabsabuagan ti baybay, insadsadda ti barko ket nailumlom ti puruana ket nagtalinaed a di makagaraw, ngem ti kutit nangrugi a nalasanglasang a sidadawel.+ 42  Gapu itoy determinado dagiti soldado a mangpapatay kadagiti balud, tapno awan ti asinoman nga aglangoy nga umadayo ket aglibas. 43  Ngem ti opisial ti buyot tinarigagayanna nga iyeg a sitatalged ni Pablo ket pinawilanna ida iti panggepda. Ket binilinna dagidiay makabael nga aglangoy a tumapuakda iti baybay ket umunada a sumang-at iti daga, 44  ket ti dadduma aramidenda ti kasta, ti sumagmamano ket kadagiti tabla ken ti sumagmamano ket iti dadduma a bambanag manipud iti barangay. Ket iti kasta napasamak a ti isuamin naiyeg a sitatalged iti daga.+

Footnotes