Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Aramid 25:1-27

25  Gapuna ni Festo, kalpasan a nakastrek+ iti gobierno ti probinsia, simmang-at idiay Jerusalem manipud Cesarea tallo nga aldaw kalpasanna;+  ket ti panguluen a papadi ken dagiti kangrunaan a lallaki kadagiti Judio nangtedda kenkuana iti pakaammo+ a maibusor ken Pablo. Iti kasta nangrugida nga agpakaasi kenkuana,  a dawdawatenda kas pabor kadakuada maibusor iti lalaki a paayabanna koma tapno umay idiay Jerusalem, ta agsagsaganada idi a mangsaneb+ tapno papatayenda iti dalan.  Nupay kasta, insungbat ni Festo a ni Pablo maaywanan idiay Cesarea ket isu dandanin pumanaw a mapan sadiay iti mabiit.  “Gapuna, dagidiay adda iti pannakabalin iti nagtetengngaanyo,” kinunana, “sumalogda koma a kumuyog kaniak ket isu akusarenda,+ no adda aniaman a di maitunos maipapan iti lalaki.”  Iti kasta idi nabusbosnan kadakuada ti saan a nasursurok ngem walo wenno sangapulo nga aldaw, simmalog idiay Cesarea, ket iti sumaganad nga aldaw nagtugaw iti tugaw iti panangukom+ ket imbilinna a maiyeg ni Pablo.  Idi simmangpet, dagiti Judio a simmalog manipud Jerusalem nagtakderda a nanglikmut kenkuana, a nangisangoda maibusor kenkuana iti adu ken nadadagsen a pammabasol+ a maipapan kadagita saanda a nabalinan ti mangiparang iti pammaneknek.  Ngem kinuna ni Pablo kas depensana: “Saanak a nakaaramid iti aniaman a basol+ uray maikaniwas iti Linteg dagiti Judio wenno uray maikaniwas iti templo+ wenno uray maikaniwas ken Cesar.”  Ni Festo, nga agtartarigagay a makagun-od iti pabor+ dagiti Judio, kinunana kas sungbat ken Pablo: “Kayatmo kadi ti sumang-at idiay Jerusalem ken maukom sadiay iti sanguanak maipapan kadagitoy a banag?”+ 10  Ngem kinuna ni Pablo: “Sitatakderak iti sanguanan ti tugaw iti panangukom ni Cesar,+ a rebbeng a pakaukomak. Awan ti dakes a naaramidko kadagiti Judio,+ kas iti pagaammom met unay. 11  No, iti maysa a bangir, pudno a managdakdakesak+ ket nakaaramidak iti aniaman a maikari iti ipapatay,+ diak agkitakit a matay; no, iti sabali a bangir, awan dagidiay bambanag a pangak-akusaran kaniak dagitoy a lallaki, awan ti tao a mabalin a mangyawat kaniak kadakuada a kas pabor. Agapelarak ken Cesar!”+ 12  Idin ni Festo, kalpasan a nakisao iti ummong dagiti manangbalakad, simmungbat: “Nagapelarka ken Cesar; mapankanto ken Cesar.” 13  Ita idi napalabasen ti sumagmamano nga aldaw, ni Agripa nga ari ken ni Bernice dimtengda idiay Cesarea a sumarungkar kas pammadayaw ken Festo. 14  Iti kasta, bayat a busbusbosenda sadiay ti adu nga aldaw, indatag ni Festo iti ari ti bambanag maipapan ken Pablo, a kunkunana: “Adda maysa a tao a sibabalud a napanawan ni Felix, 15  ket idi addaak idiay Jerusalem nangyeg iti pakaammo maipapan kenkuana ti panguluen a papadi ken ti lallakay dagiti Judio,+ a dumawdawatda iti panangukom a panangkondenar kenkuana. 16  Ngem insungbatko kadakuada a saan a pamay-an ti taga Roma ti mangyawat iti asinoman a tao kas maysa a pabor sakbay a ti naakusar a tao makasangona iti rupanrupa dagiti mangak-akusar kenkuana+ ken maaddaan iti gundaway nga agsao kas depensana maipapan iti darum. 17  Gapuna idi naguurnongda ditoy, diak nagtaktak, no di ket iti sumaganad nga aldaw nagtugawak iti tugaw iti panangukom ket imbilinko a maiyeg ti tao. 18  Idi timmakderda, dagiti mangak-akusar awan napataudda a pammabasol+ maipapan iti nadangkes a bambanag nga impagarupko maipapan kenkuana. 19  Addaanda laeng kadagiti pannakisupiat kenkuana maipapan iti bukodda a panagdayaw+ iti didiosen ken maipapan iti maysa a Jesus a natay ngem nagtultuloy nga impapati ni Pablo nga isu sibibiag.+ 20  Gapuna, yantangay mariribukanak iti supiat maipapan kadagitoy a banag, inimtuodko no kayatna ti mapan idiay Jerusalem ket sadiay a maukom maipapan kadagitoy a banag.+ 21  Ngem idi a ni Pablo nagapelar+ nga agtalinaed pay a maipaay iti pangngeddeng Daydiay Augusto, imbilinko nga isu agtalinaed pay agingga a maipatulodko ken Cesar.” 22  Ditoy ni Agripa kinunana ken Festo: “Siak kayatko met a denggen ti tao.”+ “Inton bigat,” kinunana, “isu mangngegmonto.” 23  Gapuna, iti sumaganad nga aldaw, immay da Agripa ken Bernice buyogen ti naranga unay+ a pabuya ket simrekda iti siled a pagdengngegan agraman dagiti komandante ti militar kasta met dagiti natan-ok a lallaki iti siudad, ket idi inted ni Festo ti bilin, naiyeg ni Pablo. 24  Ket kinuna ni Festo: “Ari Agripa ken dakayo amin a lallaki nga adda a kaduami ditoy, makitkitayo daytoy a tao a maipapan kenkuana nagkiddaw kaniak ti intero nga umariwekwek dagiti Judio agpadpada idiay Jerusalem ken ditoy, nga ipukpukkawda a saanen a rebbeng nga agbiag pay.+ 25  Ngem natarusak nga awan ti aniaman a naaramidanna a maikari iti ipapatay.+ Iti kasta idi a daytoy a mismo a tao nagapelar+ iti Daydiay Augusto, inkeddengko nga ibaon. 26  Ngem no maipapan kenkuana awan ti sigurado a maisuratko iti Apok. Gapuna inyegko iti saklangyo, ken nangnangruna iti saklangmo, Ari Agripa, tapno iti kasta, kalpasan a maaramid ti hudisial a panangusig,+ adda maisuratko. 27  Ta kasla di maiparbeng kaniak nga ibaonko ti maysa a balud ket saanko met nga iparipirip dagiti pammabasol a maibusor kenkuana.”

Footnotes