Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Aramid 21:1-40

21  Itan idi simminakami kadakuada ket naglayagkami, nagdaliasatkami a nagtartarus ket dimtengkami idiay Cos, ngem iti sumaganad nga aldaw idiay Rodas, ket manipud sadiay idiay Patara.  Ket idi nakasarakkami iti barangay a bumallasiw nga agturong idiay Fenicia, limmugankami ket naglayagkami.  Kalpasan a natannawaganmi ti isla ti Chipre+ pinanawanmi dayta iti makannigid a deppaar ket naglayagkami nga agturong idiay Siria,+ ket simmangladkami idiay Tiro, ta ti barangay agidissaag sadiay iti kargana.+  Iti panangbirbirokmi nasarakanmi dagiti adalan ket nagtalinaedkami ditoy iti pito nga aldaw. Ngem babaen ti espiritu+ maulit-ulit nga imbagada ken Pablo a saan a bumaddek idiay Jerusalem.  Gapuna idi naturposmin dagiti aldaw, napankami ket nangrugikamin iti pannagnami; ngem isuda amin, agraman dagiti babbai ken annak, intuloddakami agingga iti ruar ti siudad. Ket idi nagparintumengkami+ iti igid ti baybay nagkararagkami  ket nagpipinnakadakami,+ ket limmugankami iti barangay ngem nagsublida kadagiti pagtaenganda.  Iti kasta naturposmi ti panaglayag manipud Tiro ket dimtengkami idiay Tolemaida, ket kinablaawanmi dagiti kakabsat ket nakipagyankami kadakuada iti maysa nga aldaw.  Iti sumaganad nga aldaw nagluaskami ket dimtengkami idiay Cesarea,+ ket simrekkami iti balay ni Felipe a managebanghelio, a maysa kadagidi pito a lallaki,+ ket nakipagyankami kenkuana.  Daytoy a tao addaan uppat nga annak a babbai, birhen, a nagipadpadto.+ 10  Ngem bayat ti panagtalinaedmi iti adu nga aldaw, maysa a mammadto a managan Agabo+ simmalog manipud Judea, 11  ket immay kadakami ket innalana ti barikes ni Pablo, pinarautanna ti bukodna a saksaka ken im-ima ket kinunana: “Kastoy ti kuna ti nasantuan nga espiritu, ‘Ti lalaki a makinkukua itoy a barikes parautanto+ dagiti Judio iti kastoy a pamay-an idiay Jerusalem ket iyawatda+ iti im-ima dagiti tattao iti nasnasion.’” 12  Itan idi nangngegmi daytoy, agpadpada a dakami ken dagidiay taga idiay a lugar rinugianmi nga impakaasi kenkuana a saan a sumang-at+ idiay Jerusalem. 13  Idin simmungbat ni Pablo: “Ania ti ar-aramidenyo nga agsangsangit+ ken mangpakpakapuy iti pusok?+ Manginanamakayo, sisasaganaak saan laeng a maparautan no di ket kasta met a matay+ idiay Jerusalem maigapu iti nagan ni Apo Jesus.” 14  Idi saan a maallukoy, timmulokkami buyogen iti sasao a: “Maaramid koma ti pagayatan+ ni Jehova.” 15  Ita kalpasan dagitoy nga aldaw nagsaganakami a maipaay iti panagbaniaga ket nangrugikami a simmang-at idiay Jerusalem.+ 16  Ngem sumagmamano kadagiti adalan manipud Cesarea+ nakikuyogda met kadakami, tapno iyegdakami iti lalaki nga iti pagtaenganna ti pakasangailianmi, maysa a Mnason a taga Chipre, nagkauna nga adalan. 17  Idi nakagtengkami idiay Jerusalem,+ siraragsak nga inawatdakami dagiti kakabsat.+ 18  Ngem iti sumaganad nga aldaw kaduami ni Pablo a napan ken Santiago;+ ket amin dagiti lallakay addada idi. 19  Ket kinablaawanna ida ket rinugianna ti nangted a detalyado iti salaysay+ maipapan iti bambanag nga inaramid ti Dios iti tengnga dagiti nasion babaen ti ministeriona.+ 20  Kalpasan a nangngegda daytoy rinugianda nga idaydayaw ti Dios, ket kinunada kenkuana: “Makitam, kabsat, no mano a ribu a manamati ti adda kadagiti Judio; ket naregtada amin iti Linteg.+ 21  Ngem nangngegda a naipadpadamag maipapan kenka nga isursurom iti amin a Judio kadagiti nasion ti panagapostasia ken Moises,+ nga ibagbagam kadakuada a saanda a kugiten+ ti annakda wenno uray magna kadagiti nadaeg a kaugalian. 22  Ania, ngarud, ti maaramid iti dayta? Mangngegdanto latta a dimtengkan. 23  Gapuna aramidem daytoy ibagami kenka: Addaankami iti uppat a lallaki nga adda karida iti bagbagida. 24  Ikuyogmo dagitoy a lallaki+ ket dalusam ta bagim babaen iti seremonia a kaduam ida ket asikasuem dagiti gastosda,+ tapno makiskisan dagiti uloda.+ Ket iti kasta maammuanto ti isuamin nga awan kapapay-an dagiti sayangguseng a naibaga kadakuada maipapan kenka, no di ket magmagnaka a siuurnos, a sika salsalimetmetam met ti Linteg.+ 25  No maipapan kadagiti manamati manipud kadagiti nasion, nangipatulodkami, nga impaaymi ti pangngeddengmi a rebbeng nga iyadayoda ti bagbagida kadagiti naisakripisio kadagiti idolo+ kasta met iti dara+ ken iti nabekkel+ ken iti pannakiabig.”+ 26  Idin ni Pablo inkuyogna dagiti lallaki iti sumaganad nga aldaw ket dinalusanna ti bagina babaen ti seremonia a kaduana ida+ ket simrek iti templo, tapno ipakaammona dagiti aldaw a matungpal+ maipaay iti naseremoniaan a pannakadalus, agingga a ti daton+ maidiaya maipaay iti tunggal maysa kadakuada.+ 27  Ita idi dandanin malpas ti pito+ nga aldaw, dagiti Judio manipud Asia idi isu nakitada idiay templo rinugianda a riribuken ti intero a bunggoy,+ ket isu tiniliwda, 28  nga ipukpukkawda: “Lallaki a taga Israel, tumulongkayo! Daytoy ti tao nga iti amin a lugar mangisursuro iti isuamin maibusor kadagiti umili+ ken iti Linteg ken iti daytoy a lugar ket, kanayonanna, nangiserrek pay kadagiti Griego iti templo ket tinulawanna daytoy nasantuan a lugar.”+ 29  Ta iti napalabas nakitada ni Trofimo+ a taga Efeso a nakikuyog kenkuana idiay siudad, ngem impagarupda nga isu inserrek ni Pablo idiay templo. 30  Ket nariribuk ti intero a siudad,+ ket napasamak ti panagtataray a sangsangkamaysa dagiti umili; ket tinengngelda ni Pablo ket inulod-ulodda iti ruar ti templo.+ Ket dagus a naserraan dagiti ruangan. 31  Ket bayat nga ikagkagumaanda idi a papatayen, dimmanon ti pakaammo iti komandante ti bunggoy a ti intero a Jerusalem ket nariribuk;+ 32  ket isu dagus a nangala kadagiti soldado ken kadagiti opisial ti buyot ket timmaray a simmalog nga agturong kadakuada.+ Idi nakitada ti komandante ti militar+ ken dagiti soldado, nagsardengda a nangkabkabil ken Pablo. 33  Idin immasideg ti komandante ti militar ket isu tinengngelna ket imbilinna a maparautan iti dua a kawar;+ ket inimtuodna no siasino isuna ken no ania ti naaramidna. 34  Ngem ti sumagmamano iti bunggoy rinugianda nga impukkaw ti maysa a banag, ket ti dadduma sabali met.+ Iti kasta, gapu ta saanna a maammuan ti aniaman nga agpayso gapu iti arimbangaw, imbilinna nga isu maipan iti kuartel dagiti soldado.+ 35  Ngem idi nakagteng iti agdan, kimmaro ti kasasaad nga iti kasta isu aw-awitenen dagiti soldado gapu iti kinaranggas ti bunggoy; 36  ta ti umariwekwek dagiti umili nagtultuloyda a simmurot, nga iyik-ikkisda: “Ipanawyo!”+ 37  Ket idi dandanin maiserrek iti kuartel dagiti soldado, kinuna ni Pablo iti komandante ti militar: “Mapalubosanak kadi nga agsao kenka iti maysa a banag?” Kinunana: “Makasaoka kadi iti Griego? 38  Saan kadi a pudno a sika ti Egipcio a sakbay dagitoy nga aldaw nangparnuay iti iyaalsa+ ken nangiturong iti uppat a ribu a nagtagipunial a lallaki idiay let-ang?” 39  Idin kinuna ni Pablo: “Iti kinapudnona, maysaak a Judio,+ taga Tarso+ iti Cilicia, umili iti di nalmeng a siudad. Gapuna ipakaasik kenka, palubosannak nga agsao kadagiti umili.” 40  Kalpasan a nangted ti pammalubos, ni Pablo, a sitatakder iti agdan, nagsenias+ kadagiti umili babaen iti imana. Idi immapay ti dakkel a panagulimek, nagbitla kadakuada iti Hebreo+ a pagsasao, a kunkunana:

Footnotes