Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Aramid 20:1-38

20  Itan kalpasan a nagtalna ti derraaw, pinaayaban ni Pablo dagiti adalan, ket idi naparegtanan ida ken nakapagpakadan kadakuada,+ napan nagbaniaga idiay Macedonia.+  Kalpasan a linasatna dagidiay a paset ken pinaregtana dagiti adda sadiay babaen ti adu a sao,+ dimteng idiay Grecia.  Ket idi nakabusbos sadiay iti tallo a bulan, agsipud ta nangpartuat dagiti Judio iti panangisikat+ maibusor kenkuana idi dandanin aglayag nga agturong idiay Siria, inkeddengna ti agsubli a lumasat idiay Macedonia.  Isu kinuyog ni Sopatro+ nga anak ni Pirro a taga Berea, da Aristarco+ ken Segundo a taga Tesalonica, ken ni Gayo a taga Derbe, ken ni Timoteo,+ ket manipud iti distrito ti Asia isu da Tiquico+ ken Trofimo.+  Immuna dagitoy ket inur-uraydakami idiay Troas;+  ngem naglayagkami manipud Filipos kalpasan ti al-aldaw dagiti di pinaalsa a tinapay,+ ket dimtengkami kadakuada idiay Troas+ iti las-ud ti lima nga aldaw; ket sadiay binusbosmi ti pito nga aldaw.  Iti umuna nga aldaw+ ti lawas, idi naurnongkami a sangsangkamaysa tapno mangan, rinugian ni Pablo ti agbitla kadakuada, ta pumanaw iti sumaganad nga aldaw; ket inyatiddogna ti palawagna agingga iti tengnga ti rabii.  Iti kasta adda sumagmamano a pagsilawan iti makinngato a siled+ a nakaurnonganmi a sangsangkamaysa.  Bayat a nakatugaw iti tawa, maysa nga agtutubo a lalaki a managan Eutico ti nakaturog iti nargaan bayat ti agtultuloy a panagpalawag ni Pablo, ket, idi nakul-ob iti pannaturogna, natnag manipud iti maikatlo a kadsaaran ket inakupda a natay. 10  Ngem immulog ni Pablo, pinaklebanna+ ken inarakupna ket kinunana: “Sumardengkayo nga agar-ariwawa, ta ti kararuana adda kenkuana.”+ 11  Itan isu immuli ket rinugianna ti pannangan ket nangan, ket kalpasan a nakipatpatang iti nabayag, agingga iti pumarbangon, idi agangay pimmanaw. 12  Iti kasta inyawidda a sibibiag ti ubing a lalaki ket di marukod ti pannakaliwliwada. 13  Itan immun-unakami a napan iti barangay ket naglayagkami nga agturong idiay Assos, a sadiay pinanggepmi nga ilugan ni Pablo, ta, kalpasan a nangted iti pammilin maipapan iti daytoy, isu pinanggepna ti magmagna. 14  Gapuna idi nakamakamnakami idiay Assos, inluganmi ket napankami idiay Mitilene; 15  ket, idi naglayagkami manipud sadiay iti sumuno nga aldaw, dimtengkami iti ballasiw ti Chios, ngem iti sumaganad nga aldaw dimmanonkami idiay Samos, ket iti sumaruno nga aldaw dimtengkami idiay Mileto. 16  Ta naikeddeng ni Pablo ti aglayag a labasanna ti Efeso,+ tapno iti kasta saan a makabusbos iti aniaman a tiempo iti distrito ti Asia; ta aggangganat a makagteng idiay Jerusalem+ iti aldaw ti piesta ti Pentecostes no mabalinna koma. 17  Nupay kasta, manipud Mileto nagbaon idiay Efeso ket pinaayabanna dagiti lallakay+ iti kongregasion. 18  Idi nakagtengda kenkuana kinunana kadakuada: “Pagaammoyo unay no kasano a manipud idi umuna nga aldaw a bimmaddekak iti distrito ti Asia+ kaduadak iti amin a tiempo,+ 19  a nagpapaadipenak+ iti Apo buyogen ti naindaklan unay a kinapakumbaba iti panagpampanunot+ ken lulua ken pannakasusuot a napagteng kaniak babaen kadagiti panangisikat+ dagiti Judio; 20  bayat a saanko a minedmedan ti panangibaga kadakayo ti aniaman kadagiti banag a makagunggona wenno uray ti panangisuro+ kadakayo iti publiko ken iti binalaybalay.+ 21  Ngem naan-anay a nangsaksiak+ agpadpada kadagiti Judio ken kadagiti Griego maipapan ti panagbabawi+ iti Dios ken ti pammati ken Apotayo a Jesus. 22  Ket ita, adtoy! sigagalut iti espiritu,+ agbaniagaak nga agturong idiay Jerusalem, nupay diak ammo ti bambanag a mapasamakto kaniak sadiay, 23  malaksid nga iti siniudansiudad maulit-ulit a sinaksiannak ti nasantuan nga espiritu+ a kunana nga agur-uray kaniak dagiti pannakaparaut ken rigrigat.+ 24  Nupay kasta, diak ilalaen ti kararuak a kas napateg kaniak,+ maturposko la ketdi ti tarayek+ ken ti ministerio+ nga inawatko+ ken Apo Jesus, tapno naan-anay a mangsaksiak iti naimbag a damag ti di kaikarian a kinamanangngaasi ti Dios.+ 25  “Ket ita, adtoy! ammok a dakayo amin a nangikaskasabaak iti pagarian saanyonton a makita ti rupak. 26  Gapuna ayabankayo tapno iti daytoy met laeng nga aldaw saksianyo a nadalusak iti dara+ dagiti amin a tattao, 27  ta saanko a minedmedan ti panangibaga kadakayo iti isuamin a pammatigmaan+ ti Dios. 28  Asikasuenyo+ ti bagbagiyo+ ken ti isuamin nga arban,+ a kadakuada dinutokannakayo ti nasantuan nga espiritu kas manangaywan,+ tapno ipastoranyo ti kongregasion ti Dios,+ a ginatangna babaen ti dara+ ti bukodna nga Anak. 29  Ammok a kalpasan ti ipapanawko sumrekto iti nagtetengngaanyo dagiti manangirurumen a lobo+ ket saandanto a tratuen a sidudungngo ti arban, 30  ket manipud kadakayo tumakderto dagiti tattao ket agsaodanto iti tiritir a bambanag+ tapno iyadayoda a pasuroten kadakuada dagiti adalan.+ 31  “Gapuna agtalinaedkayo a siririing, ket laglagipenyo nga iti las-ud ti tallo a tawen,+ rabii ken aldaw, diak simmardeng a nangbagbaga+ iti tunggal maysa buyogen ti lulua. 32  Ket ita italekkayo iti Dios+ ken iti sao ti di kaikarian a kinamanangngaasina, a dayta a sao mapabilegnakayo+ ken makaited kadakayo ti tawid iti tengnga dagiti amin a nasantipikar.+ 33  Diak inaguman ti pirak wenno balitok wenno pagan-anay ti asinoman a tao.+ 34  Dakayo ammoyo a dagitoy nga ima inasikasoda dagiti kasapulak+ ken dagidiay kakaduak. 35  Impakitak kadakayo iti amin a bambanag a babaen ti kasta a panagbannog+ masapul a badanganyo dagidiay nakapuy,+ ket masapul a laglagipenyo ti sasao ni Apo Jesus, idi isu kinunana, ‘Ad-adu ti kinaragsak iti panangted+ ngem iti panangawat.’” 36  Ket idi naisaonan dagitoy a banag, nagparintumeng+ agraman kadakuada amin ket nagkararag. 37  Kinapudnona, adu a panagsangit ti a napasamak kadakuada amin, ket inapungolda ti tengnged ni Pablo+ ket sidudungngo nga inagkanda,+ 38  agsipud ta nasaktanda a nangnangruna iti sao nga insawangna a saandanton a makita ti rupana.+ Gapuna intulodda+ iti barangay.

Footnotes