Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Aramid 18:1-28

18  Kalpasan dagitoy a banag isu pimmanaw idiay Atenas ket dimteng idiay Corinto.  Ket nakasarak iti maysa a Judio a managan Aquila,+ a katutubo iti Ponto a nabiit pay a naggapu idiay Italia,+ ken ni Priscila nga asawana, gapu iti banag a ni Claudio+ binilinna dagiti amin a Judio a pumanawda iti Roma. Gapuna isu napan kadakuada  ket gapu ta agpapadada iti pagsapulan nagyan iti pagtaenganda, ket nagtrabahoda,+ ta agar-aramid iti tolda ti pagsapulanda.  Nupay kasta, isu mangipaay ti palawag idiay sinagoga+ iti tunggal sabbath ket guyugoyenna dagiti Judio ken dagiti Griego.  Itan, idi agpadpada a simmalog da Silas+ ken Timoteo+ manipud Macedonia, nangrugi a pakakumikoman unay ni Pablo ti sao, a nangsaksaksi kadagiti Judio tapno paneknekanna a ni Jesus isu ti Kristo.+  Ngem kalpasan a bimmusbusorda ken nagsasaoda a sibabassawang,+ winagwagna dagiti kawesna+ ket kinunana kadakuada: “Ti darayo+ maiparabaw koma kadagiti mismo nga uloyo. Nadalusak.+ Manipud ita mapanakon kadagiti tattao iti nasnasion.”+  Iti kasta immalis manipud sadiay ket napan iti balay ti lalaki a managan Ticio Justo, maysa a managdaydayaw iti Dios, a ti balayna dumna iti sinagoga.  Ngem ni Crispo+ a mangidadaulo nga opisial iti sinagoga nagbalin a manamati iti Apo, ken kasta met ti intero a sangakabbalayanna. Ket adu kadagiti taga Corinto a nakangngeg nangrugida a mamati ken mabautisaran.  Mainayon pay, iti rabii kinuna ti Apo ken Pablo+ iti maysa a sirmata: “Dika agbuteng, no di ket agtultuloyka nga agsao ket dika agulimek, 10  agsipud ta addaak kenka+ ket awanto ti tao a mangdarup kenka tapno dangrannaka; ta adu ti tattaok iti daytoy a siudad.” 11  Gapuna nagtalinaed sadiay iti makatawen ken innem a bulan, nga insursurona iti nagtetengngaanda ti sao ti Dios. 12  Ita bayat a ni Galion ket prokonsul+ idi iti Acaya, dagiti Judio nagkaykaysada a timmakder a maibusor ken Pablo ket impanda iti tugaw iti panangukom,+ 13  a kunkunada: “Daytoy a tao iturturongna+ dagiti tattao iti sabali a pakaguyugoyan iti panagdayaw iti Dios maikaniwas iti linteg.” 14  Ngem idi luktan ni Pablo ti ngiwatna, kinuna ni Galion kadagiti Judio: “No dayta koma ket, kinapudnona, maysa a biddut wenno nadangkes nga aramid ti kinadangkok, O dakayo a Judio, adda rason nga ibturankayo a siaanus. 15  Ngem no dayta ket panagsusubang maipapan iti sasao ken nagnagan+ ken iti linteg+ iti tengngayo, dakayo masapul a siguraduenyo. Diak kayat ti agbalin nga ukom kadagitoy a banag.” 16  Gapu iti dayta pinagtalawna ida iti tugaw iti panangukom. 17  Gapuna isuda amin tinengngelda ni Sostenes+ a mangidadaulo nga opisial iti sinagoga ket kinabkabilda iti sanguanan ti tugaw iti panangukom. Ngem ni Galion saan a pulos makibibiang kadagitoy a banag. 18  Nupay kasta, kalpasan ti panagtalinaedna iti sumagmamano pay nga aldaw, ni Pablo nagpakada kadagiti kakabsat ket naglayag nga agturong idiay Siria, ket kakuyogna da Priscila ken Aquila, ket pinaputdanna ti buok ti ulona+ sadiay Cencrea,+ ta isu addaan iti kari. 19  Iti kasta dimtengda idiay Efeso, ket pinanawanna ida sadiay; ngem isu simrek iti sinagoga+ ket nakirinnason kadagiti Judio. 20  Nupay kinidkiddawda kenkuana nga agtalinaed iti naun-unday a tiempo, saan nga immannugot 21  no di ket nagpakada+ ket imbagana kadakuada: “Agsubliakto manen kadakayo, no pagayatan ni Jehova.”+ Ket naglayag manipud Efeso 22  ket dimsaag idiay Cesarea. Ket simmang-at ken kinablaawanna ti kongregasion, ket simmalog a napan idiay Antioquia. 23  Ket idi nakapagpalabas sadiay iti sumagmamano a tiempo pimmanaw ket napan iti linuganlugar iti pagilian ti Galacia+ ken Frigia,+ a pinabpabilegna+ dagiti amin nga adalan. 24  Ita maysa a Judio a managan Apolos,+ a katutubo iti Alejandria, lalaki a nalaing nga agbitla, dimteng idiay Efeso; ket nalaing iti Kasuratan.+ 25  Daytoy a tao berbal a nasursuruan iti dalan ni Jehova ket, yantangay nasged iti espiritu,+ insasao ken insursurona a siuumiso ti bambanag maipapan ken Jesus, ngem ti laeng pammautisar+ ni Juan ti ammona. 26  Ket daytoy a tao rinugianna ti agsao a situtured idiay sinagoga. Idi nangngeg da Priscila ken Aquila,+ isu inkuyogda ket ad-adda a siuumiso nga imbinsabinsada kenkuana ti dalan ti Dios. 27  Kanayonanna, agsipud ta tartarigagayanna ti bumallasiw idiay Acaya, dagiti kakabsat nagsuratda kadagiti adalan, a binagbagaanda ida nga isu awatenda a siaayat. Gapuna idi nakagteng sadiay, tinulonganna iti kasta unay+ dagidiay namati maigapu iti di kaikarian a kinamanangngaasi [ti Dios];+ 28  ta buyogen ti kinanasged naan-anay a pinaneknekanna iti publiko a dagiti Judio saanda nga umiso, bayat nga imparangarangna babaen kadagiti Kasuratan+ a ni Jesus isu daydi Kristo.+

Footnotes