Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Aramid 12:1-25

12  Agarup iti dayta met laeng a tiempo, ni Herodes nga ari inaramatna ti im-imana a pangranggas+ iti sumagmamano kadagiti kameng ti kongregasion.  Pinapatayna ni Santiago a kabsat ni Juan+ babaen iti kampilan.+  Idi nakitana a makaay-ayo dayta kadagiti Judio,+ inarestona met ni Pedro. (Kas iti sigud, dagidiay idi ti al-aldaw dagiti di pinaalsa a tinapay.)+  Ket idi matiliwna, inkabilna iti pagbaludan,+ nga inyawatna iti uppat nga agsisinnublat a batang dagiti sinagpapat a soldado a mangbantay kenkuana, ta panggepna nga iparang kadagiti tattao kalpasan ti paskua.+  Iti kasta ni Pedro nakapupok iti pagbaludan; ngem ti kongregasion nagtultuloy iti nasged a panagkararag+ iti Dios maipaay kenkuana.  Itan idi a dandanin iparang ni Herodes, iti dayta a rabii matmaturog ni Pedro a sipaparaut iti dua a kawar iti nagbaetan ti dua a soldado, ket dagiti guardia iti sango ti ruangan bambantayanda ti pagbaludan.  Ngem, adtoy! ti anghel ni Jehova nagtakder+ iti sibay, ket adda lawag a nagsilnag iti selda ti pagbaludan. Idi tinugkikna ti bakrang ni Pedro, riniingna,+ a kunkunana: “Darasem ti tumakder!” Ket nagtinnag dagiti kawarna+ manipud kadagiti imana.  Kinuna kenkuana ti anghel:+ “Bariksam ta bagim ket igalutmo dagita pallokam.” Inaramidna ti kasta. Kamaudiananna kinunana kenkuana: “Ikawesmo ti makinruar a kawesmo+ ket agtultuloy a surotennak.”  Ket rimmuar ket nagtultuloy a simmurot kenkuana, ngem saanna nga ammo a ti mapaspasamak babaen iti anghel ket agpayso. Iti kinapudnona, impapanna a makakitkita iti sirmata.+ 10  Idi nalabsanda ti umuna a guardia iti ruangan ken ti maikadua nakadanonda iti landok a ruangan nga agturong iti siudad, ket naglukat kadakuada daytoy a bukbukodna.+ Ket idi nakaruardan nagtultuloyda pay iti maysa a kalsada, ket dagus a simmina kenkuana ti anghel. 11  Ket ni Pedro, idi napasublinan ti riknana, kinunana: “Ita agpayso nga ammokon nga imbaon ni Jehova ti anghelna+ ket inispalnak+ iti ima ni Herodes ken kadagiti amin nga in-inanamaen ti tattao a Judio.” 12  Ket kalpasan nga inusigna dayta, napan iti balay ni Maria nga ina ni Juan a napanaganan ti Marcos,+ a sadiay adda sumagmamano a naguurnong a sangsangkamaysa ken agkarkararag. 13  Idi nagtuktok iti ridaw ti dalan a pagserkan, maysa nga adipen a babai a managan Roda ti napan nangasikaso iti awag, 14  ket, idi mailasinna ti timek ni Pedro, gapu iti rag-o saanna a linuktan ti ruangan, no di ket nagtaray nga immuneg ket impadamagna a ni Pedro agtaktakder iti sanguanan ti pagserkan. 15  Kinunada kenkuana: “Agmauyongka.” Ngem impappapatina unay nga agpayso dayta. Rinugianda a kunaen: “Ti anghelna dayta.”+ 16  Ngem ni Pedro nagtalinaed sadiay nga agtuktuktok. Idi linuktanda, nakitada ket nagmalmalangada. 17  Ngem sineniasanna+ ida babaen ti imana nga agulimekda ket imbagana a detalyado kadakuada no kasano nga isu inruar ni Jehova iti pagbaludan, ket kinunana: “Ipadamagyo dagitoy a banag ken Santiago+ ken kadagiti kakabsat.” Iti kasta isu rimmuar ket nagbaniaga iti sabali a lugar. 18  Ala ket, idi bimmigaten,+ napasamak ti saan a bassit a riribuk iti nagtetengngaan dagiti soldado no ania ti pudpudno a naaramid ken Pedro. 19  Sigaganetget a binirok ni Herodes+ ket, idi saanna a nasarakan, pinalutpotna dagiti guardia ket imbilinna a maipanda iti pannakadusa;+ ket simmalog manipud Judea nga agturong idiay Cesarea ket nangbusbos sadiay iti sumagmamano a tiempo. 20  Ita agraguten a makirupak kadagiti tattao ti Tiro ken Sidon. Gapuna nagkaykaysada nga immay kenkuana ket, kalpasan a naguyugoyda ni Blasto, nga agay-aywan iti siled a pagturogan ti ari, rinugianda ti dumawat iti kappia, agsipud ta ti pagilianda naabastuan iti taraon+ manipud iti kukua ti ari. 21  Ngem iti naituding nga aldaw kinawesan ni Herodes ti bagina iti naarian a kawes ket nagtugaw iti tugaw iti panangukom ket rinugianna ti nangipaay kadakuada iti publiko a bitla. 22  Kalpasanna dagiti tattao a naguurnong rinugianda nga impukkaw: “Timek ti maysa a dios, ket saan a timek ti tao!”+ 23  Dagus a kinabil ti anghel ni Jehova,+ agsipud ta saanna nga inted ti dayag iti Dios;+ ket kinnan dagiti igges ket nauyos ti biagna. 24  Ngem ti sao+ ni Jehova nagtultuloy a rimmang-ay ken nagsaknap.+ 25  No maipapan kada Bernabe+ ken Saulo, kalpasan a naan-anay a naitungpaldan ti tulong+ a pagserbi idiay Jerusalem, nagsublida ket inkuyogda ni Juan,+ daydiay napanaganan ti Marcos.

Footnotes