Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Apocalipsis 6:1-17

6  Ket nakitak idi linuktan ti Kordero+ ti maysa kadagiti pito a selio,+ ket nangngegko ti maysa kadagiti uppat a sibibiag a parsua+ a kunana buyogen ti timek a kas iti gurruod: “Umayka!”+  Ket nakitak, ket, adtoy! maysa a puraw a kabalio;+ ket daydiay sisasakay+ iti dayta addaan iti bai;+ ket naited kenkuana ti maysa a korona,+ ket rimmuar a mangparmek+ ken tapno an-anayenna ti panagballigina.+  Ket idi linuktanna ti maikadua a selio, nangngegko ti maikadua a sibibiag a parsua+ a kunana: “Umayka!”  Ket sabali pay ti rimmuar, maysa a maris-apuy a kabalio; ket iti daydiay sisasakay iti dayta naipalubos nga ikkatenna ti talna iti daga tapno papatayenda ti maysa ken maysa; ket maysa a dakkel a kampilan ti naited kenkuana.+  Ket idi linuktanna+ ti maikatlo a selio, nangngegko ti maikatlo a sibibiag a parsua+ a kunana: “Umayka!” Ket nakitak, ket, adtoy! maysa a nangisit a kabalio; ket daydiay sisasakay iti dayta addaan iti maysa a paris a timbangan+ iti imana.  Ket nakangngegak iti timek a kasla adda iti nagtengngaan+ ti uppat a sibibiag a parsua+ a kunana: “Maysa a litro ti trigo maipaay iti maysa a denario,+ ket tallo a litro ti sebada maipaay iti maysa a denario; ken dika dangran ti lana ti olibo ken ti arak.”+  Ket idi linuktanna ti maikapat a selio, nangngegko ti timek ti maikapat a sibibiag a parsua+ a kunana: “Umayka!”  Ket nakitak, ket, adtoy! maysa a nabessag a kabalio; ket daydiay sisasakay iti dayta addaan iti nagan a Patay. Ket ti Hades+ nakaas-asideg a sumursurot kenkuana. Ket naited kadakuada ti autoridad iti apagkapat ti daga, tapno mangpapatayda babaen ti atiddog a kampilan+ ken babaen ti kinakirang ti taraon+ ken babaen ti makapapatay a saplit ken babaen kadagiti atap nga animal+ iti daga.  Ket idi linuktanna ti maikalima a selio, nakitak iti sirok ti altar+ dagiti kararua+ dagidiay napapatay+ gapu iti sao ti Dios ken gapu iti panangsaksi+ a trabaho nga adda kadakuada idi. 10  Ket nagikkisda buyogen ti natbag a timek, a kunkunada: “Agingga iti kaano, Soberano+ nga Apo a nasantuan ken napudno,+ nga agkedkedka a mangukom+ ken mangibales iti darami+ kadagidiay agnanaed iti daga?” 11  Ket maysa a puraw+ a pagan-anay ti naited iti tunggal maysa kadakuada; ket naibaga kadakuada nga aginanada iti bassit pay a kanito, agingga a ti bilang ket napno met kadagiti padada nga adipen ken ti kakabsatda a dandanin mapapatay+ a kas met kadakuada idi. 12  Ket nakitak idi linuktanna ti maikanem a selio, ket napasamak ti dakkel a ginggined; ket ti init ngimmisit a kasla iti tinakpil+ a buok, ket ti intero a bulan nagbalin a kasla dara,+ 13  ket dagiti bituen ti langit nagtinnagda iti daga, a kas no ti maysa a kayo a higos a gunggonen ti nangato nga angin iregregna dagiti di naluom a higosna. 14  Ket ti langit simmina a kas maysa a pagbasaan a nalukot,+ ket tunggal bantay ken tunggal isla naikkatda manipud kadagiti dissoda.+ 15  Ket ti ar-ari ti daga ken dagidiay nangato ti saadna ken dagiti komandante ti militar ken dagiti nabaknang ken dagiti nabileg ken tunggal adipen ken tunggal siwayawaya a tao naglemmengda kadagiti rukib ken kadagiti dadakkel a bato+ ti bambantay. 16  Ket kunkunaenda kadagiti bantay ken kadagiti dadakkel a bato: “Agtinnagkayo kadakami+ ket ilemmengdakami manipud iti rupa Daydiay situtugaw iti trono+ ken manipud iti pungtot ti Kordero,+ 17  agsipud ta dimtengen ti naindaklan nga aldaw+ ti pungtotda,+ ket siasino ti makabael nga agtakder?”+

Footnotes