Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Apocalipsis 5:1-14

5  Ket nakitak iti makannawan nga ima Daydiay situtugaw iti trono+ ti maysa a lukot a nasuratan iti uneg ken iti ruar,+ siiirut a naselioan+ iti pito a selio.  Ket nakitak ti maysa a napigsa nga anghel a mangiwarwaragawag buyogen ti natbag a timek: “Siasino ti maikari a mangukrad iti lukot ken mangwarwar kadagiti seliona?”  Ngem awan uray maysa idiay langit wenno iti rabaw ti daga wenno iti uneg ti daga ti makabalin a mangukrad iti lukot wenno kumita iti unegna.  Ket nagsangitak iti napalalo agsipud ta awan maysa a nasarakan a maikari a mangukrad iti lukot wenno kumita iti unegna.+  Ngem kuna kaniak ti maysa kadagiti panglakayen: “Sumardengka nga agsangit. Adtoy! Ti Leon a nagtaud iti tribu ni Juda,+ ti ramut+ ni David,+ nagballigi+ tapno ukradenna ti lukot ken ti pito a seliona.”  Ket nakitak nga agtaktakder iti nagtengngaan ti trono+ ken ti uppat a sibibiag a parsua ken iti tengnga dagiti panglakayen+ ti maysa a kordero+ a kasla napapatay,+ nga addaan iti pito a sara ken pito a mata, a dagiti mata kaipapananda ti pito nga espiritu+ ti Dios a naibaon iti intero a daga.  Ket napan ken dagus nga innalana dayta manipud iti makannawan nga ima Daydiay situtugaw iti trono.+  Ket idi innalana ti lukot, ti uppat a sibibiag a parsua ken ti duapulo ket uppat a panglakayen+ nagruknoyda iti sanguanan ti Kordero, nga addaanda tunggal maysa iti arpa+ ken nabalitokan a malmalukong a napno iti insienso, ket ti insienso+ kaipapananna ti karkararag+ dagiti sasanto.  Ket kankantaenda ti maysa a baro a kanta,+ a kunkunada: “Maikarika a mangala iti lukot ken manglukat kadagiti seliona, agsipud ta napapatayka ket babaen iti daram+ nanggatangka+ iti tattao maipaay iti Dios+ manipud iti tunggal tribu ken pagsasao ken ili ken nasion, 10  ket pinagbalinmo ida a kas pagarian+ ken papadi+ iti Diostayo,+ ket agturayda a kas ar-ari+ iti daga.” 11  Ket nakitak, ket nangngegko ti timek ti adu nga anghel iti aglawlaw ti trono ken dagiti sibibiag a parsua ken dagiti panglakayen, ket ti bilangda linaklaksa a laksa+ ken rinibu a ribu,+ 12  a kunkunada buyogen iti natbag a timek: “Ti Kordero a napapatay+ ket maikari nga umawat iti pannakabalin ken kinabaknang ken sirib ken bileg ken dayaw ken dayag ken bendision.”+ 13  Ket tunggal parsua nga adda idiay langit ken iti rabaw ti daga ken iti uneg ti daga+ ken iti baybay, ken amin a bambanag nga adda kadakuada, nangngegko a kunkunada: “Iti Daydiay situtugaw iti trono+ ken iti Kordero+ maadda koma ti bendision ken ti dayaw+ ken ti dayag+ ken ti pannakabalin iti agnanayon ken awan inggana.” 14  Ket kinunkuna ti uppat a sibibiag a parsua: “Amen!” ket nagruknoy dagiti panglakayen+ ket nagdaydayawda.+

Footnotes