Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Apocalipsis 4:1-11

4  Kalpasan dagitoy a banag nakitak, ket, adtoy! maysa a naluktan a ruangan idiay langit, ket ti immuna a timek a nangngegko ket kas iti maysa a trumpeta,+ a makisasao kaniak, a kunkunana: “Umulika ditoy,+ ket ipakitak kenka ti bambanag a masapul a maaramid.”+  Kalpasan dagitoy a banag dagus a naaddaak iti pannakabalin ti espiritu: ket, adtoy! maysa a trono+ ti nakasaad idiay langit,+ ket adda maysa a situtugaw iti trono.+  Ket daydiay situtugaw, ti langana,+ umasping iti bato a jaspe+ ken iti napateg a nalabaga ti marisna a bato, ket iti aglikmut ti trono adda bullalayaw+ a ti langana umasping iti esmeralda.+  Ket iti aglikmut ti trono adda duapulo ket uppat a trono, ket kadagitoy a trono+ nakitak a situtugaw ti duapulo ket uppat+ a panglakayen+ a nakakawes iti puraw a makinruar a kawkawes,+ ket iti rabaw dagiti uloda nabalitokan a korkorona.+  Ket manipud iti trono adda rumrummuar a kimkimat+ ken timtimek ken gurgurruod;+ ket adda pito a pagsilawan+ nga apuy a sumsumged iti sanguanan ti trono, ket dagitoy kaipapananda ti pito nga espiritu+ ti Dios.  Ket iti sanguanan ti trono adda ti, no ar-arigen, maysa a simmarming a baybay+ nga umasping iti kristal. Ket iti tengnga ti trono ken iti aglawlaw ti trono adda uppat a sibibiag a parsua+ a napno iti matmata iti sanguanan ken iti likudan.  Ket ti umuna a sibibiag a parsua umasping iti leon,+ ket ti maikadua a sibibiag a parsua umasping iti urbon a toro,+ ket ti maikatlo a sibibiag a parsua+ addaan iti rupa nga umasping iti rupa ti tao, ket ti maikapat a sibibiag a parsua+ umasping iti tumaytayab nga agila.+  Ket no maipapan iti uppat a sibibiag a parsua,+ tunggal maysa kadakuada addaan iti sagiinnem a payak;+ iti aglikmut ken iti sirok napnoda iti matmata.+ Ket awan ti panaginanada iti aldaw ken rabii bayat a kunaenda: “Santo, santo, santo ni Jehova+ a Dios, ti Mannakabalin-amin,+ nga adda idi ken adda ita+ ken um-umay.”  Ket kaanoman a dagiti sibibiag a parsua mangipaayda iti dayag ken dayaw ken panagyaman+ iti Daydiay situtugaw iti trono,+ Daydiay sibibiag iti agnanayon ken awan inggana,+ 10  ti duapulo ket uppat a panglakayen+ agruknoyda iti sanguanan Daydiay situtugaw iti trono ket daydayawenda+ Daydiay sibibiag iti agnanayon ken awan inggana, ket ipuruakda dagiti koronada iti sanguanan ti trono, a kunkunada: 11  “Maikarika, Jehova, a mismo a Diosmi, nga umawat iti dayag+ ken iti dayaw+ ken iti pannakabalin,+ agsipud ta pinarsuam ti amin a bambanag,+ ket gapu iti pagayatam+ napaaddada ken naparsuada.”+

Footnotes