Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Apocalipsis 1:1-20

1  Ti palgaak+ ni Jesu-Kristo, nga inted kenkuana ti Dios,+ tapno ipakitana kadagiti adipenna+ ti bambanag a masapul a maaramid iti mabiit.+ Ket imbaonna ti anghelna+ ket baeten kenkuana imparangna dayta babaen kadagiti pagilasinan+ iti adipenna a ni Juan,+  a nangsaksi iti sao nga inted ti Dios+ ken iti pangsaksi nga inted ni Jesu-Kristo,+ uray pay iti amin a bambanag a nakitana.  Naragsak+ daydiay mangbasa a sipipigsa+ ken dagidiay dumngeg iti sasao daytoy a padto,+ ken mangtungpal iti bambanag a naisurat iti dayta;+ ta ti naituding a tiempo asidegen.+  Ni Juan iti pito a kongregasion+ nga adda iti distrito ti Asia: Maaddaankay koma iti di kaikarian a kinamanangngaasi ken talna manipud iti “Daydiay adda ita ken adda idi ken um-umay,”+ ken manipud iti pito nga espiritu+ nga adda iti sanguanan ti tronona,  ken manipud ken Jesu-Kristo, “ti Matalek a Saksi,”+ “Ti inauna manipud kadagiti natay,”+ ken “Ti Agturay iti ar-ari ti daga.”+ Kenkuana a mangay-ayat kadatayo+ ken nangluk-at kadatayo manipud basbasoltayo babaen ti bukodna a dara+  ket pinagbalinnatayo a pagarian,+ papadi+ iti Dios ken Amana—wen, kenkuana maadda koma ti dayag ken ti pannakabalin iti agnanayon.+ Amen.  Adtoy! Isu um-umay a buyogen dagiti ulep,+ ket isu makitanto ti tunggal mata,+ ken dagidiay nangduyok kenkuana;+ ket amin dagiti tribu iti daga saplitendanto ti bagbagida iti ladingit gapu kenkuana.+ Wen, Amen.  “Siak ti Alfa ken ti Omega,”+ kuna ni Jehova a Dios, “Daydiay adda ita ken adda idi ken um-umay,+ ti Mannakabalin-amin.”+  Siak ni Juan, ti kabsatyo ken makiraman kadakayo iti rigat+ ken pagarian+ ken panagibtur+ a maikuyog ken Jesus,+ addaak idi iti isla a maawagan Patmos gapu iti panagsao maipapan iti Dios ken panangsaksi ken Jesus.+ 10  Babaen iti paltiing+ addaak idi+ iti aldaw ti Apo,+ ket nangngegko iti likudak ti maysa a napigsa a timek+ a kas iti trumpeta, 11  a kunkunana: “Ti makitam isuratmo+ iti maysa a lukot ket ipatulodmo dayta iti pito a kongregasion,+ idiay Efeso+ ken idiay Smirna+ ken idiay Pergamo+ ken idiay Tiatira+ ken idiay Sardis+ ken idiay Filadelfia+ ken idiay Laodicea.”+ 12  Ket timmaliawak tapno kitaek ti timek a makisasao kaniak, ket, idi nakataliawak, nakakitaak iti pito a nabalitokan a pagsaadan ti silaw,+ 13  ket iti tengnga dagiti pagsaadan ti silaw adda maysa nga umasping iti anak ti tao,+ a nagkawes iti pagan-anay a dumanon agingga kadagiti saka, ken nabariksan kadagiti barukongna iti nabalitokan a barikes. 14  Mainayon pay, ti ulona ken ti buokna ket purawda+ a kas iti puraw a delana, kas iti niebe, ket dagiti matana kaslada iti gumilgil-ayab nga apuy;+ 15  ket dagiti sakana umaspingda iti nasudi a gambang+ no bumegbeggang iti urno; ket ti timekna+ kas iti daranudor ti adu a danum. 16  Ket iti makannawan nga imana isu addaan iti pito a bituen,+ ket manipud iti ngiwatna rumrummuar ti maysa a natarumamis, atiddog a kampilan a dua ti tademna,+ ket ti rupana kas iti init no agsilnag iti pannakabalinna.+ 17  Ket idi isu nakitak, napasagak a kasla natay iti sakaananna. Ket impatayna kaniak ti makannawan nga imana ket kinunana: “Dika agbuteng.+ Siak ti Umuna+ ken ti Maudi,+ 18  ken daydiay sibibiag;+ ket natayak idi,+ ngem, adtoy! sibibiagak iti agnanayon ken awan inggana,+ ket adda kaniak dagiti tulbek ni patay+ ken ti Hades.+ 19  Gapuna isuratmo ti bambanag a nakitam, ken ti bambanag nga addan ken ti bambanag a maaramidto kalpasan dagitoy.+ 20  No maipapan iti sagrado a palimed ti pito a bituen+ a nakitam iti makannawan nga imak, ken ti pito a nabalitokan a pagsaadan ti silaw:+ Ti pito a bituen kaipapananda dagiti anghel iti pito a kongregasion, ket ti pito a pagsaadan ti silaw kaipapananda ti pito a kongregasion.+

Footnotes