Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Amos 7:1-17

7  Daytoy ti impakita kaniak ti Soberano nga Apo Jehova, ket, adtoy! isu mangbukbukel iti pangen dagiti dudon iti rugi ti iyaay ti maud-udi a panagimula.+ Ket, adtoy! dayta ti maud-udi a panagimula kalpasan ti napatpat a ruot ti ari.  Ket napasamak nga idi nalpasna nga inibus ti mulmula ti daga, kinunak: “O Soberano nga Apo Jehova, mamakawanka, pangngaasim.+ Siasino ti tumakderto manipud ken Jacob? Ta isu bassit!”+  Nagladingitan ni Jehova daytoy.+ “Saanto a mapasamak dayta,” kinuna ni Jehova.  Daytoy ti impakita kaniak ti Soberano nga Apo Jehova, ket, adtoy! ti Soberano nga Apo Jehova umaw-awag iti rinnupir babaen iti apuy;+ ket inibusna ti nakalawlawa a nadanum a yuyeng ket inibusna ti benneg ti daga.  Ket kinunak: “O Soberano nga Apo Jehova, agtantanka, pangngaasim.+ Siasino ti tumakderto manipud ken Jacob? Ta isu bassit!”+  Nagladingitan ni Jehova daytoy.+ “Dayta, met, saanto a mapasamak,” kinuna ti Soberano nga Apo Jehova.  Daytoy ti impakitana kaniak, ket, adtoy! nagsaad ni Jehova iti maysa a pader a naaramid babaen iti tinnag,+ ket adda tinnag iti imana.  Idin kinuna kaniak ni Jehova: “Ania ti makitam, Amos?” Ngarud kinunak: “Maysa a tinnag.” Ket kinuna ni Jehova: “Adtoy mangisaadak iti tinnag iti tengnga ti ilik nga Israel.+ Saankonton a palabsen pay dayta.+  Ket sigurado a mapaglangalangto dagiti nangato a disso ni Isaac,+ ket mapagwalangwalangto+ dagiti mismo a santuario+ ti Israel; ket tumakderakto a bumusor iti balay ni Jeroboam buyogen ti kampilan.”+ 10  Ket ni Amazias a padi ti Bethel+ nagbaon ken Jeroboam+ nga ari ti Israel, a kunkunana: “Ni Amos nakikumplot a maibusor kenka iti mismo nga uneg ti balay ti Israel.+ Ti daga saanna a kabaelan nga anusan dagiti amin a saona.+ 11  Ta daytoy ti kinuna ni Amos, ‘Babaen ti kampilan matayto ni Jeroboam; ket no maipapan iti Israel, di bumurong a maidestieronto manipud bukodna a daga.’”+ 12  Ket ni Amazias kinunana ken Amos: “O managsirmata,+ mapanka, agtarayka a mapan iti daga ti Juda, ket sadiay manganka iti tinapay, ket sadiay agipadtoka. 13  Ngem idiay Bethel masapul a saankan a mangaramid iti kanayonan pay a panagipadto,+ ta isu ti santuario ti ari+ ken isu ti balay ti pagarian.” 14  Idin simmungbat ni Amos ket kinunana ken Amazias: “Saanak a mammadto, wenno uray anak ti mammadto;+ no di ket maysaak a pumapastor+ ken agkedkeddel kadagiti higos ti kaykayo a sikomoro. 15  Ket innalanak ni Jehova manipud panangsurot iti arban, ket kinuna kaniak ni Jehova, ‘Mapanka, agipadtoka iti ilik nga Israel.’+ 16  Ket ita denggem ti sao ni Jehova, ‘Kunkunaem kadi: “Dika agipadto maibusor iti Israel,+ ket dika mangyebbat iti sao+ maibusor iti balay ni Isaac”? 17  Ngarud daytoy ti kinuna ni Jehova: “No maipapan iti asawam, agbalinto a balangkantis iti siudad.+ Ket no maipapan iti annakmo a lallaki ken iti annakmo a babbai, mapasagdanto babaen ti kampilan. Ket no maipapan iti dagam, mabingaybingayto babaen ti pagrukod a tali. Ket no maipapan kenka, mataykanto iti narugit a daga;+ ket no maipapan iti Israel, di bumurong a maidestieronto manipud iti bukodna a daga.”’”+

Footnotes