Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Amos 5:1-27

5  “Denggenyo daytoy a sao a sawek kadakayo kas maysa a dung-aw,+ O balay ti Israel:   “Ti birhen,+ ti Israel, narba;+ Saanen a makabangon.+ Nabaybay-an iti bukodna a daga; Awan ti mangpatakder kenkuana.+  “Ta daytoy ti kinuna ti Soberano nga Apo Jehova, ‘Ti mismo a siudad a rimmuar buyogen ti sangaribu addaanto iti sangagasut a matedda; ket daydiay rummuar buyogen ti sangagasut addaanto iti sangapulo a matedda, iti balay ti Israel.’+  “Ta daytoy ti kinuna ni Jehova iti balay ti Israel, ‘Birokendak,+ ket agtultuloykayo nga agbiag.+  Ket dikay biroken ti Bethel,+ ket dikay umay iti Gilgal,+ ket dikay bumallasiw iti Beer-seba;+ agsipud ta ti met laeng Gilgal di bumurong a maidestieronto;+ ket no maipapan iti Bethel, agbalinto a banag a karkarna.+  Birokenyo ni Jehova, ket agtultuloykayo nga agbiag,+ tapno saan nga agtignay a kas iti apuy,+ O balay ni Jose,+ ket pudno a saan a mangalun-on, ket ti Bethel saan a maawanan iti mangiddep+ iti dayta,  O dakayo a mamagbalin nga ajenjo laeng ti kinahustisia,+ ken dagidiay nangibelleng iti mismo a kinalinteg agingga iti daga.+  Ti Nangaramid iti Kimah+ a konstelasion, ken ti Kesil+ a konstelasion,+ ken Daydiay mamagbalin a bigat ti napuskol a kinasipnget,+ ken Daydiay namagbalin a nasipnget a kas rabii ti mismo nga aldaw,+ Daydiay mangaw-awag iti dandanum ti baybay, tapno ibukbokna ida iti rabaw ti daga+—Jehova ti naganna;+  isuna a mangipagteng iti kellaat a panangagaw iti daydiay napigsa, tapno ti mismo a panangagaw dumteng koma uray iti nasarikedkedan a lugar. 10  “‘Iti ruangan ginurada ti manangtubngar,+ ket ti managsao iti naan-anay a bambanag karimonda.+ 11  Ngarud, iti rason a pilitenyo a singiren ti abang ti talon manipud iti daydiay nanumo, ket ti impuesto a bukbukel itultuloyyo nga alaen kenkuana;+ nangbangonkayo kadagiti balay a tinikapan a bato,+ ngem saankayto nga agtultuloy nga agnaed kadakuada; ket nagmulakayo kadagiti makaay-ayo a kaubasan, ngem saankayto nga agtultuloy nga uminum iti arakda.+ 12  Ta naammuak no kasano kaadu dagiti iyaalsayo+ ken no kasano ti kinabantot dagiti basolyo,+ O dakayo a mangbusbusor iti maysa a nalinteg,+ dakayo a mangal-ala iti pasuksok a kuarta,+ ken dagidiay nangiwalin kadagiti napanglaw a tattao+ iti mismo a ruangan.+ 13  Gapuna iti dayta a tiempo agulimekto a mismo daydiay addaan iti pannakatarus, ta makadidigranto a tiempo dayta.+ 14  “‘Birokenyo ti naimbag, ket saan a ti dakes,+ iti panggep nga agtultuloykayo nga agbiag;+ ken tapno iti kasta maadda kadakayo ni Jehova a Dios ti buybuyot, kas iti kinunayo.+ 15  Guraenyo ti dakes, ket ayatenyo ti naimbag,+ ket ti kinahustisia ipaayanyo iti lugar iti ruangan.+ Mabalin a ni Jehova a Dios ti buybuyot mangipaayto iti parabur+ kadagidiay nabatbati ken Jose.’+ 16  “Gapuna daytoy ti kinuna ni Jehova a Dios ti buybuyot, ni Jehova, ‘Kadagiti amin a publiko a plasa addanto panagdung-aw,+ ket kadagiti amin a kalsada kunaento dagiti tattao: “Ah! Ah!” Ket kasapulanto nga ayabanda ti mannalon iti panagleddaang,+ ket iti panagdung-aw ayabanda dagidiay aduan kapadasan iti panagun-unnoy.’+ 17  ‘Ket kadagiti amin a kaubasan addanto panagdung-aw;+ ta lumasatakto iti tengngam,’+ kinuna ni Jehova. 18  “‘Asi pay dagidiay aggartem iti aldaw ni Jehova!+ Anianto, ngarud, ti kaipapanan kadakayo ti aldaw ni Jehova?+ Kinasipngetto, ket awan ti lawag,+ 19  kas iti panagtaray ti maysa a lalaki gapu iti leon, ket isu pudno a sabten ti oso; ken kas no isu simrek iti balay ket insadagna ti imana iti diding, ket kinagat ti serpiente.+ 20  Saan kadi a ti aldaw ni Jehova sipngetto, ket saan a lawag; ket saan kadi nga addaanto iti daguyemyem, ket saan a kinaraniag?+ 21  Ginurak, linaksidko dagiti piestayo,+ ket saankonto a tagiragsaken ti angot dagiti nadaeg a gimongyo.+ 22  Ngem no mangidatonkayo kaniak kadagiti sibubukel a daton a mapuoran,+ uray kadagiti datonyo a sagut saanakto a makasarak iti ragsak,+ ket kadagiti napalukmeg a sakripisioyo a pakikaykaysa saanakto a kumita.+ 23  Ikkatem kaniak dagiti bellaak ti kankantam; ket saanko koma a mangngeg ti nasamiweng a tokar dagiti pagtokarmo nga adda kuerdasna.+ 24  Ket ti kinahustisia agayus koma a kas iti dandanum,+ ken ti kinalinteg kas iti patinayon nga agay-ayus a karayan.+ 25  Dagiti aya sakripisio ken daton a sagsagut ti inyadaniyo kaniak idiay let-ang iti uppat a pulo a tawen, O balay ti Israel?+ 26  Ket sigurado nga awitenyonto ni Saccut nga ariyo+ ken ni Caiwan, ti ladladawanyo, ti bituen ti diosyo, nga inaramidyo maipaay iti bagbagiyo.+ 27  Ket paidestierokayto iti labes ti Damasco,’+ kinuna daydiay agnagan Jehova a Dios ti buybuyot.”+

Footnotes