Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Amos 3:1-15

3  “Denggenyo daytoy a sao a sinao ni Jehova maipapan kadakayo,+ O annak ti Israel, maipapan iti intero a pamilia nga inaonko iti daga ti Egipto,+ a kunana,  ‘Dakayo laeng ti naam-ammok+ kadagiti amin a pamilia iti daga.+ Dayta ti makagapu a makikuentaakto maibusor kadakayo gapu kadagiti amin a biddutyo.+  “‘Ti dua magnadanto aya nga agkadua malaksid no nagsarakda babaen iti tulagan?+  Agngerngerto aya ti leon iti bakir no awan anupenna?+ Iyesngawto aya ti burboran a bumaro a leon ti timekna manipud paglemmenganna a lugar no awan a pulos natiliwna?  Matnagto aya ti tumatayab iti palab-og iti daga no awan ti silo maipaay iti dayta?+ Ti palab-og agpangato aya manipud iti daga no awan a pulos natiliwna?  No ti tangguyob mapuyot iti siudad, saan aya nga agpigerger met dagiti umili?+ No ti didigra dumteng iti siudad, saan aya a ni Jehova met ti nagtignay?  Ta ti Soberano nga Apo Jehova saanto nga agaramid iti maysa a banag malaksid no impalgakna ti kompidensial a banagna kadagiti adipenna a mammadto.+  Adda leon a nagngernger!+ Siasinonto ti di agbuteng? Ti met laeng Soberano nga Apo Jehova nagsao! Siasinonto ti di agipadto?’+  “‘Ipablaakyo kadagiti pagnaedan a torre idiay Asdod ken kadagiti pagnaedan a torre iti daga ti Egipto,+ ket kunaenyo: “Maummongkayo a sangsangkamaysa maibusor iti bambantay ti Samaria,+ ket kitaenyo dagiti adu a riribuk iti tengngana ken dagiti kaso ti panangsaur iti unegna.+ 10  Ket saanda a naammuan no kasano ti agaramid iti nalinteg,”+ kuna ni Jehova, “dagidiay agipempempen iti kinaranggas+ ken agag-agaw kadagiti pagnaedan a torreda.”’ 11  “Gapuna daytoy ti kinuna ti Soberano nga Apo Jehova, ‘Adda kabusor iti mismo nga aglikmut ti daga,+ ket sigurado nga ipababananto ta pigsam manipud kenka, ket pudno a masamsamto dagiti pagnaedan a torrem.’+ 12  “Daytoy ti kinuna ni Jehova, ‘No kasano a ti pastor rabsutenna iti ngiwat ti leon ti dua a kukod wenno paset ti maysa a lapayag,+ kasta ti pannakarabsutto ti annak ti Israel, dagidiay agtugtugaw idiay Samaria iti nangayed a sopa+ ken iti idda ti taga Damasco.’+ 13  “‘Dumngegkayo ken mangipaaykayo iti pangsaksi+ iti balay ni Jacob,’ kuna ti Soberano nga Apo Jehova, ti Dios ti buybuyot. 14  ‘Ta, iti aldaw ti pannakikuentak+ gapu kadagiti iyaalsa kenkuana ti Israel, makikuentaakto met maibusor kadagiti altar ti Bethel;+ ket dagiti sara ti altar sigurado a maputedto ket agtinnagdanto iti daga.+ 15  Ket kabilekto ti balay a pagnaedan iti kalam-ekna+ a mainayon iti balay a pagnaedan iti kalgaw.’+ “‘Ket kasapulanto a mapukaw dagiti balay a marfil,+ ket adu a balay ti kasapulanto a dumteng iti panagpatinggada,’+ kuna ni Jehova.”

Footnotes