Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Abdias 1:1-21

1  Ti sirmata ni Abdias: Daytoy ti kinuna ti Soberano nga Apo Jehova maipapan iti Edom:+ “Adda damag a nangngegmi ken Jehova, ket adda babaonen a naibaon kadagiti nasion, ‘Tumakderkayo ket tumakdertayo koma a maibusor kenkuana iti bakal.’”+  “Adtoy! Pinagbalinka a bassit iti tengnga dagiti nasion.+ Maum-umsika iti kasta unay.+  Ti kinadursok ta pusom inallilawnaka,+ sika nga agtataeng kadagiti paglemmengan iti napasdok a bato,+ ti kangatuan a pagnanaedanna, nga agkunkuna iti pusona, ‘Siasino ti mangipababanto kaniak iti daga?’  No pagbalinem ti saadmo a nangato a kas iti agila, wenno maisaad ti umokmo iti tengnga dagiti bituen, manipud sadiay ipababakanto,”+ kuna ni Jehova.  “No koma dagiti mannanakaw ti immay kenka, no dagiti manangagaw dimtengda iti rabii, agingga iti ania a kakaro a napagulimekka koma?+ Saanda ngata nga agtakaw agingga iti kaykayatda? Wenno no koma dagiti agburburas iti ubas ti immay kenka, saanda ngata a mangitedda iti sumagmamano a maadas?+  O anian ti kasaknap ti pannakasukimat dagidiay kameng ni Esau!+ Anian ti pannakasukimat dagiti naitalimeng a gamengna!  Imbaondaka agingga iti beddeng. Amin dagiti mismo a tattao a nakitulag kenka inallilawdaka.+ Dagiti tattao a nakikappia kenka inabakdaka.+ Dagidiay makipangpangan kenka iti taraon mangikabildanto ti iket iti sirokmo kas maysa nga awanan panangilasin.+  Saanto aya nga iti dayta nga aldaw?” kuna ni Jehova. “Ket sigurado a dadaelekto dagidiay mamasirib manipud Edom,+ ken ti panangilasin manipud nakabambantay a rehion ni Esau.  Ket mapagkullayawto dagiti nabileg a lallakim,+ O Teman,+ iti rason a tunggal maysa magessatto+ iti nakabambantay a rehion ni Esau, gapu iti pannakapapatay.+ 10  Gapu iti kinaranggas ken kabsatmo a Jacob,+ abbongannakanto ti bain,+ ket kasapulanto a magessatka agingga iti tiempo a di nakedngan.+ 11  Idi aldaw a nagpaspasulika lattan, idi aldaw a dagiti sangsangaili innalada ti puersa militarna maipaay iti pannakakautibo+ ken idi a dagiti mismo a ganggannaet sinerrekda ti ruanganna+ ket nagbibinnunotanda ti Jerusalem,+ kaslaka met idi iti maysa kadakuada. 12  “Ket saan a rebbeng nga imatangam ti buya iti aldaw ni kabsatmo,+ iti aldaw ti dakes a kalak-amanna; ket saan a rebbeng nga agrag-oka iti annak ni Juda iti aldaw ti pannakadadaelda;+ ket saan a rebbeng a taginayonem a dakkel ti ngiwatmo iti aldaw ti rigatda. 13  Saan a rebbeng a sumrekka iti ruangan ti ilik iti aldaw ti pannakadidigrada.+ Sika, mismo a sika, saan a rebbeng nga imatangam ti kalamidadna iti aldaw ti pannakadidigrana; ket saan a rebbeng a mangyunnatka iti ima iti kinabaknangna iti aldaw ti pannakadidigrana.+ 14  Ket saan a rebbeng nga agtakderka iti pagsinaan ti daldalan, tapno gessatem dagiti nakapagtalaw a kukuana;+ ket saan a rebbeng nga iyawatmo dagiti nakalasat a kukuana iti aldaw ti rigat.+ 15  Ta asidegen ti aldaw ni Jehova maibusor kadagiti amin a nasion.+ Ti wagas nga inaramidmo, maaramidto kenka.+ Ti kita ti panangtratom agsublinto iti rabaw ti ulom.+ 16  Ta iti wagas nga iyiinumyo iti rabaw ti nasantuan a bantayko, amin dagiti nasion umin-inumdanto a patinayon.+ Ket sigurado nga uminumdanto ken mangalun-onda ken agbalinda a kasla saanda a pulos naadda. 17  “Ket idiay Bantay Sion ti ayanto dagidiay makalisi,+ ket agbalinto a nasantuan a banag;+ ket ti balay ni Jacob tagikuaennanto ti bambanag nga ikutanda.+ 18  Ket ti balay ni Jacob agbalinto nga apuy,+ ket ti balay ni Jose gil-ayab, ket ti balay ni Esau kas punget ti garami;+ ket paggayebgebendanto ida ken lamutenda ida. Ket awanto ti makalasat iti balay ni Esau;+ ta ni met laeng Jehova sinaona dayta. 19  Ket tagikuaendanto ti Negeb, uray ti nakabambantay a rehion ni Esau,+ ken ti Sefela, uray dagiti Filisteo.+ Ket tagikuaendanto ti tay-ak ti Efraim+ ken ti tay-ak ti Samaria;+ ket ti Benjamin tagikuaennanto ti Galaad.+ 20  Ket no maipapan kadagiti destiero daytoy a baluarte,+ kukuanto ti annak ti Israel ti tinagikua dagiti Canaanita+ agingga iti Sarepta.+ Ket dagiti destiero ti Jerusalem, nga adda idiay Sefarad, tagikuaendanto dagiti siudad ti Negeb.+ 21  “Ket dagiti manangisalakan+ sigurado a sumang-atdanto iti Bantay Sion,+ tapno ukomenda ti nakabambantay a rehion ni Esau;+ ket ti kinaari agbalinto a kukua ni Jehova.”+

Footnotes