Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Timoteo 4:1-22

4  Sipapasnek a bilinenka iti imatang ti Dios ken ni Kristo Jesus, a naikeddeng a mangukom+ kadagiti sibibiag ken kadagiti natay,+ ken babaen iti pannakaiparangarangna+ ken iti pagarianna,+  ikasabam ti sao,+ naganetgetka koma iti dayta iti mainugot a panawen,+ iti nariribuk a panawen,+ mangtubngarka,+ mangtinggarka, mamagbagaka, buyogen ti isuamin a mabayag a panagitured+ ken arte ti panangisuro.  Ta addanto las-ud ti tiempo a saandanto nga anusan ti makapasalun-at a sursuro,+ no di ket, maitunos kadagiti bukodda a tarigagay, mangurnongdanto kadagiti mannursuro a maipaay iti bagbagida tapno gagatelenda dagiti lapayagda;+  ket iyadayodanto dagiti lapayagda iti kinapudno, idinto ta maisiasidanto nga agturong iti ulbod a sarsarita.+  Sika, nupay kasta, agtalinaedka a sipupuot+ iti amin a bambanag, anusam ti dakes,+ aramidem ti trabaho ti managebanghelio,+ naan-anay nga itungpalmo ti ministeriom.+  Ta maiparparukpokakon a kasla maysa a daton nga inumen,+ ket dandanin ti naikeddeng a tiempo a pannakaluk-atko.+  Nakirupakak iti nasayaat a dangadang,+ tinarayko ti tarayen agingga iti pagpatinggaan,+ inalagadko ti pammati.+  Manipuden itoy a tiempo sisasaganan maipaay kaniak ti korona ti kinalinteg,+ nga itdento kaniak ti Apo, ti nalinteg nga ukom,+ kas maysa a gunggona+ iti dayta nga aldaw,+ ngem saan laeng a kaniak, no di ket kasta met kadagidiay amin a nagayat iti pannakaiparangarangna.  Aramidem ti amin a kabaelam nga umay kaniak iti mabiit.+ 10  Ta binaybay-annakon ni Demas+ agsipud ta inayatna ti agdama a sistema+ ti bambanag, ket napan idiay Tesalonica; ni Crescente napan idiay Galacia,+ ni Tito napan idiay Dalmacia. 11  Ni laeng Lucas ti adda kaniak. Alaem ni Marcos ket ikuyogmo, ta adu ti usarna+ kaniak maipaay iti panagserbi. 12  Ngem ni Tiquico+ imbaonko idiay Efeso. 13  Inton umayka, itugotmo ti kagay a nabatik ken Carpo idiay Troas,+ ken dagiti lukot, nangnangruna dagiti pergamino. 14  Ni Alejandro+ nga agpampanday iti gambang nagaramid kaniak iti adu a panangdangran—supapakanto ni Jehova sigun kadagiti aramidna+ 15  ket agaluadka met kenkuana, ta ti sasaomi binusorna iti nakalablabes unay. 16  Iti immuna a depensak awan ti dimmasig kaniak, no di ket isuda amin binaybay-andak+—saan koma a maisingir dayta kadakuada+ 17  ngem ti Apo nagtakder iti sibayko+ ket nangipastrek kaniak iti pannakabalin,+ tapno babaen kaniak naan-anay a maitungpal ti panangaskasaba ket amin dagiti nasion mangngegda koma dayta;+ ket naispalak iti ngiwat ti leon.+ 18  Ti Apo ispalennakto iti tunggal nadangkes nga aramid+ ket isalakannakto maipaay iti nailangitan a pagarianna.+ Kenkuana maadda koma ti dayag iti agnanayon ken awan inggana. Amen. 19  Idanonmo dagiti kablaawko kada Prisca+ ken Aquila ken iti sangakabbalayan ni Onesiforo.+ 20  Ni Erasto+ nagtalinaed idiay Corinto,+ ngem imbatik ni Trofimo+ a masakit idiay Mileto.+ 21  Aramidem ti amin a kabaelam a makagteng sakbay ti kalam-ekna. Ni Eubulo ipaw-itna dagiti kablaawna kenka, ken kasta met da Pudente ken Lino ken Claudia ken amin dagiti kakabsat. 22  Ti Apo maadda koma iti espiritu nga ipakpakitam.+ Ti di kaikarian a kinamanangngaasina maadda koma kadakayo.

Footnotes