Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

2 Timoteo 2:1-26

2  Sika, ngarud, anakko,+ agtultuloyka a gumun-od iti bileg+ iti di kaikarian a kinamanangngaasi+ a mainaig ken Kristo Jesus,  ket ti bambanag a nangngegmo kaniak buyogen ti pammatalged ti adu a saksi,+ dagitoy a banag italekmo kadagiti matalek a lallaki, a, kalpasanna, makaanayto a kualipikado a mangisuro iti sabsabali.+  Kas maysa a nasayaat a soldado+ ni Kristo Jesus makipasetka iti panagsagaba iti dakes.+  Awan tao nga agserserbi kas maysa a soldado+ ti makiraman kadagiti panagkomersio iti biag,+ tapno magun-odanna ti anamong daydiay nangipasalista kenkuana kas maysa a soldado.  Mainayon pay, no ti asinoman makidangadang uray pay kadagiti ay-ayam,+ isu saan a makoronaan malaksid no nakidangadang maitunos kadagiti pagannurotan.  Ti nagaget a mannalon masapul nga isu ti umuna a makiraman kadagiti bunga.+  Naynay a panunotem ti sasawek; ti Apo pudno nga ikkannakanto ti panangilasin+ iti amin a bambanag.  Laglagipem a ni Jesu-Kristo naibangon manipud kadagiti natay+ ken nagtaud iti bin-i ni David,+ sigun iti naimbag a damag nga ikaskasabak;+  a mainaig iti dayta agsagsagabaak iti dakes agingga iti pannakaparaut iti pagbaludan+ kas maysa a managaramid iti dakes. Nupay kasta, ti sao ti Dios saan a naparautan.+ 10  Gapu itoy itultuloyko nga ibturan amin a bambanag maipagapu kadagidiay napili,+ tapno magun-odanda met ti pannakaisalakan a naikaykaysa ken Kristo Jesus agraman ti agnanayon a dayag.+ 11  Matalek ti pagsasao:+ Pudno unay a no nataytayo a sangsangkamaysa, agbiagtayo met a sangsangkamaysa;+ 12  no agtultuloytayo nga agibtur, agturaytayo met a sangsangkamaysa kas ar-ari;+ no ilibaktayo,+ ilibaknatayto met; 13  no saantayo a matalek, isu agtalinaed a matalek,+ ta saanna a mabalin nga ilibak ti bagina. 14  Itultuloymo a palagipan+ ida maipapan kadagitoy a banag, a bilinem+ ida iti sanguanan ti Dios kas saksi,+ a saanda nga agaapa maipapan iti sasao,+ maysa a banag nga awan a pulos ti pagimbaganna agsipud ta balintuagenna dagidiay agim-imdeng. 15  Aramidem ti amin a kabaelam a mangiparang iti bagim a naanamongan+ iti Dios, maysa a mangmangged+ nga awan ti aniaman nga ibainna,+ nga aramatem a siuumiso ti sao ti kinapudno.+ 16  Ngem adaywam dagiti ubbaw a panagsasao a sumalungasing iti nasantuan;+ ta rumang-aydanto iti ad-adda pay a di kinanadiosan,+ 17  ket ti saoda agsaknapto a kas gangrena.+ Da Himeneo ken Fileto mairamanda kadakuada.+ 18  Dagitoy met laeng a lallaki simiasida iti kinapudno,+ a kunkunada a napasamaken ti panagungar;+ ket iluluodda ti pammati ti sumagmamano.+ 19  Nupay kasta, ti natibker a pamuon ti Dios agtalinaed a sitatakder,+ nga addaan itoy a selio: “Ammo ni Jehova dagidiay kukuana,”+ ken: “Tunggal maysa nga umaw-awag iti nagan ni Jehova+ pagpanawanna koma ti kinakillo.”+ 20  Ita iti maysa a dakkel a balay adda basbasehas a saan laeng a balitok ken pirak no di ket kayo ken damili met, ket ti sumagmamano agpaayda iti nadayaw a panggep ngem ti dadduma agpaayda iti panggep nga agkurang iti dayaw.+ 21  Ngarud, no ti asinoman agtalinaed a nadalus manipud kadagidiay naud-udi a nadakamat, isu maysanto a basehas nga agpaay iti nadayaw a panggep, nasantipikar, adu ti usarna iti makinkukua kenkuana, naisagana a maipaay iti tunggal naimbag nga aramid.+ 22  Gapuna, umadayoka kadagiti tarigagay a naikasigudan iti kinaagtutubo,+ ngem surotem ti kinalinteg,+ pammati, ayat, talna,+ a kadua dagidiay umaw-awag iti Apo manipud iti nadalus a puso.+ 23  Kanayonanna, laksidem dagiti minamaag ken ignorante a panagus-usisa,+ yantangay ammom a mangpataudda iti panagaapa.+ 24  Ngem ti adipen ti Apo saan a kasapulan a makiapa,+ no di ket kasapulan nga agbalin a naalumamay kadagiti isuamin,+ kualipikado a mangisuro,+ nga agtultuloy a medmedanna ti bagina iti sidong ti dakes,+ 25  nga isurona a buyogen ti kinaalumamay dagidiay saan a sidadaan nga umannugot;+ bareng no ti Dios ipaayanna ida iti panagbabawi+ a mangiturong iti umiso a pannakaammo iti kinapudno,+ 26  ket agsublida kadagiti umiso a panagpampanunotda manipud iti silo+ ti Diablo, yantangay tiniliwna ida a sibibiag+ maipaay iti pagayatan dayta.

Footnotes