Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

2 Tesalonica 3:1-18

3  Kamaudiananna, kakabsat, itultuloydakami nga ikararagan,+ tapno ti sao ni Jehova+ agtultuloy nga agtignay a sipapardas+ ket maipadayag a kas adda kadakayo iti kinapudnona;  ken tapno maispalkami kadagiti makadangran ken nadangkes a tattao,+ ta ti pammati saan nga ik-ikutan dagiti amin a tattao.+  Ngem ti Apo matalek, ket patibkerennakayto ken aluadannakayo manipud iti daydiay nadangkes.+  Mainayon pay, adda panagtalekmi+ iti Apo maipapan kadakayo, nga ar-aramidenyo ken itultuloyyonto nga aramiden ti bambanag nga ibilinmi.+  Itultuloy koma ti Apo nga iturong a sibaballigi ti puspusoyo iti ayat+ iti Dios ken iti panagibtur+ maipaay iti Kristo.  Ita ipaayandakayo kadagiti bilin,+ kakabsat, iti nagan ni Apo Jesu-Kristo, nga adaywanyo+ ti tunggal kabsat a magmagna a nakagulgulo+ ken saan a maitunos iti tradision nga inawatyo kadakami.+  Ta dakayo pagaammoyo ti wagas a rebbeng a panangtuladyo kadakami,+ agsipud ta saankami a nagtignay a nakagulgulo iti tengngayo+  wenno uray nangan iti taraon manipud iti asinoman nga awan bayadna.+ Iti kasupadina, babaen ti panagbannog ken panagrigat+ rabii ken aldaw a nagtrabahokami tapno saankami a mangipaay iti nangina a dadagsen iti asinoman kadakayo.+  Saan a gapu ta awanankami iti autoridad,+ no di ket tapno maipaaymi ti bagbagimi kas pagulidanan kadakayo tapno tuladendakami.+ 10  Iti kinapudnona, idi addakami met kadakayo, impapaaymi kadakayo daytoy a bilin:+ “No ti asinoman saanna a kayat ti agtrabaho, saan met koma a mangan.”+ 11  Ta mangmangngegmi nga adda sumagmamano a magmagna a nakagulgulo+ iti tengngayo, a saanda a pulos agtrabaho no di ket makibibiangda iti saanda a pakaseknan.+ 12  Kadagiti kasta a tattao ipaaymi ti bilin ken pammagbaga gapu ken ni Apo Jesu-Kristo a babaen ti panagtrabaho buyogen ti kinaulimek manganda koma iti taraon a mateggedda a mismo.+ 13  Iti biangyo, kakabsat, dikay sumuko nga agaramid iti umiso.+ 14  Ngem no ti asinoman saan nga agtulnog iti saomi+ babaen itoy a surat, pagtalinaedenyo a namarkaan daytoy a tao,+ isardengyo ti makitimpuyog kenkuana,+ tapno mabainan.+ 15  Ket kaskasdi a dikay ibilang a kas kabusor, no di ket itultuloyyo a bagbagaan+ a kas kabsat. 16  Ita ti mismo nga Apo ti talna ikkannakayo koma a patinayon iti talna iti amin a wagas.+ Ti Apo adda koma kadakayo amin. 17  Adtoy ti kablaawko, ni Pablo, iti bukodko nga ima,+ a dayta ti pagilasinan iti tunggal surat; kastoy ti wagas ti panagsuratko. 18  Ti di kaikarian a kinamanangngaasi+ ni Apotayo a Jesu-Kristo maadda koma kadakayo amin.

Footnotes