Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Tesalonica 1:1-12

1  Ni Pablo ken ni Silvano ken ni Timoteo+ agpaay iti kongregasion dagiti taga Tesalonica a naikaykaysa iti Dios nga Amatayo ken iti Apo a ni Jesu-Kristo:  Maaddaankay koma iti di kaikarian a kinamanangngaasi ken talna manipud iti Dios nga Ama ken iti Apo a ni Jesu-Kristo.+  Pagrebbenganmi ti agyaman a kankanayon iti Dios maipaay kadakayo,+ kakabsat, kas mayanatup, agsipud ta ti pammatiyo dumakdakkel+ iti kasta unay ket ti ayat ti tunggal maysa ken dakayo amin rumangrang-ay maipaay iti maysa ken maysa.+  Kas nagbanaganna dakami a mismo ipagpannakkeldakayo+ iti nagtetengngaan dagiti kongregasion ti Dios gapu iti panagibtur ken pammatiyo kadagiti amin a pannakaidadanesyo ken kadagiti rigat a sagsagabaenyo.+  Daytoy ket pammaneknek iti nalinteg a panangukom ti Dios,+ a mangiturturong iti pannakaibilangyo a maikari iti pagarian ti Dios,+ a maigapu iti dayta pudno unay nga agsagsagabakayo.+  Daytoy ibilangna a nalinteg iti biang ti Dios ti panangisupapak iti rigat kadagidiay mangparigat kadakayo,+  ngem, kadakayo nga agsagaba iti rigat, gin-awa a mairaman kadakami iti pannakaipanayag+ ni Apo Jesus manipud langit a kadua dagiti mannakabalin nga anghelna+  iti dumardarang nga apuy, bayat nga iyegna ti pammales+ kadagidiay saan a makaammo iti Dios+ ken kadagidiay saan nga agtulnog+ iti naimbag a damag maipapan ken Apotayo a Jesus.+  Dagitoy a mismo agpasardanto iti pannakaukom a dusa+ nga agnanayon a pannakadadael+ manipud iti sanguanan ti Apo ken manipud iti dayag ti pigsana,+ 10  iti tiempo nga iyaayna tapno maipadayag mainaig kadagiti sasantona+ ken tapno mapagsiddaawan iti dayta nga aldaw mainaig kadagidiay amin a nangwatwat iti pammati, agsipud ta ti pangsaksi nga impaaymi naabrasa babaen iti pammati iti tengngayo. 11  Iti dayta met laeng a panggep pudno unay a kankanayon nga ikararagandakayo, tapno ti Diostayo ibilangnakayo a maikari iti panangayabna+ ken naan-anay nga aramidenna ti isuamin a pakaay-aywanna a kinaimbag ken ti aramid ti pammati buyogen ti pannakabalin; 12  tapno ti nagan ni Apotayo a Jesus maipadayag kadakayo,+ ken dakayo a naikaykaysa+ kenkuana, maitunos iti di kaikarian a kinamanangngaasi+ ti Diostayo ken ni Apo Jesu-Kristo.

Footnotes