Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Samuel 9:1-13

9  Ket kinuna ni David: “Adda kadi pay asinoman a natedda iti balay ni Saul, tapno watwatek ti naayat a kinamanangngaasi+ maipaay kenkuana maipagapu ken Jonatan?”+  Ita ti balay ni Saul addaan iti adipen nga agnagan Ziba.+ Gapuna inayabanda a mapan ken David, ket kinuna kenkuana ti ari kalpasanna: “Sika kadi ni Ziba?” nga iti dayta kinunana: “Siak ti adipenmo.”  Ket kinuna ti ari: “Awan kadin ti asinoman iti balay ni Saul, tapno watwatek maipaay kenkuana ti naayat a kinamanangngaasi ti Dios?”+ Gapu itoy kinuna ni Ziba iti ari: “Adda pay maysa nga anak a lalaki ni Jonatan, pilay dagiti sakana.”+  Idin kinuna kenkuana ti ari: “Sadino ti ayanna?” Gapuna kinuna ni Ziba iti ari: “Adtoy! Adda iti balay ni Maquir+ nga anak ni Amiel idiay Lo-debar.”+  Dagus a nagbaon ni Ari David ket innalana manipud balay ni Maquir nga anak ni Amiel idiay Lo-debar.  Idi a ni Mefiboset nga anak ni Jonatan nga anak ni Saul simrek a napan ken David, inkurnona a madagdagus ti rupana ket inruknoyna ti bagina.+ Idin kinuna ni David: “Mefiboset!” nga iti dayta kinunana: “Adtoy ti adipenmo.”  Ket kinuna kenkuana ni David: “Dika agbuteng, ta di bumurong a watwatek ti naayat a kinamanangngaasi+ maipaay kenka maipagapu ken Jonatan nga amam;+ ket isublikto kenka ti intero a talon+ ni Saul nga apongmo a lakay, ket sika mangankanto a patinayon iti tinapay iti lamisaanko.”+  Iti kasta inruknoyna ti bagina ket kinunana: “Ania ti adipenmo, ta intaliawmo ta rupam iti natay nga aso+ a kas kaniak?”  Ti ari inayabanna ita ni Ziba, a katulongan ni Saul, ket kinunana kenkuana: “Isuamin a kukua ni Saul ken ti intero a balayna itedko+ iti apoko ni apom. 10  Ket masapul a talonem ti daga maipaay kenkuana, sika ken ti annakmo ken dagiti adipenmo, ket masapul nga agurnongka, ket agserbinto dayta kas taraon maipaay kadagidiay kukua ti apoko ni apom, ket mangandanto; ngem ni met laeng Mefiboset, ti apoko ni apom, manganto a patinayon iti tinapay iti lamisaanko.”+ Ita ni Ziba addaan iti sangapulo ket lima nga annak ken duapulo nga adipen.+ 11  Gapuna kinuna ni Ziba iti ari: “Maitunos iti amin nga ibilin ti apok nga ari maipaay iti adipenna kasta ti aramidento ti adipenmo; ngem mangmangan ni Mefiboset+ iti lamisaanko a kas maysa kadagiti annak ti ari.” 12  Ita addaan ni Mefiboset iti anak a barito nga agnagan Mica,+ ket amin dagidiay agnanaed iti balay ni Ziba ket ad-adipen ni Mefiboset. 13  Ket ni met laeng Mefiboset agnanaed idi idiay Jerusalem, ta patinayon a nangnangan iti lamisaan ti ari;+ ket isu pilay iti dua a sakana.+

Footnotes