Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Samuel 8:1-18

8  Ket naaramid kalpasanna a ni David kinabilna dagiti Filisteo+ ket pinarukmana ida,+ ket naala ni David ti Meteg-amma iti ima dagiti Filisteo.  Ket kinabilna dagiti Moabita+ ket rinukodna ida iti maysa a banteng, a pinagiddana ida iti daga, iti kasta makarukod iti dua a banteng tapno papatayenna ida, ken sanganayon a banteng tapno taginayonenna ida a sibibiag;+ ket dagiti Moabita nagbalinda nga ad-adipen ni David+ nga agibaklay iti impuesto.+  Ket ni David kinabilna ni Hadadezer+ nga anak ni Rehob nga ari ti Zoba+ bayat a mapmapanna isubli manen ti panangiturayna idiay karayan Eufrates.+  Ket nakakautibo ni David manipud kenkuana iti sangaribu pito gasut a kumakabalio ken duapulo a ribu a lallaki a magmagna;+ ket linugpi+ ni David dagiti amin a kabalio ti karuahe,+ ngem nangitedda kadakuada iti sangagasut a kabalio ti karuahe.  Idi immay ti Siria ti Damasco+ tapno tumulong ken Hadadezer nga ari ti Zoba, idin nangkabil ni David iti duapulo ket dua a ribu a lallaki kadagiti Sirio.+  Kanayonanna, nangisaad ni David kadagiti garison+ idiay Siria ti Damasco; ket dagiti Sirio nagbalinda nga ad-adipen ni David nga agibaklay iti impuesto.+ Ket intultuloy ni Jehova nga isalakan ni David sadinoman a napananna.+  Mainayon pay, innala ni David dagiti nagsirkulo a kalasag+ a balitok nga adda idi kadagiti adipen ni Hadadezer ket inyegna ida idiay Jerusalem.  Ket manipud Beta ken Berotai, dagiti siudad ni Hadadezer, nangala ni Ari David iti nakaad-adu unay a gambang.+  Ita ni Toi nga ari ti Hamat+ nangngegna a kinabil ni David ti intero a puersa militar ni Hadadezer.+ 10  Gapuna ni Toi imbaonna ken Ari David ni Joram nga anakna tapno imtuodenna ti kasasaadna+ ken kablaawanna gapu iti kinapudno nga isu nakirupak ken Hadadezer iti kasta kinabilna (ta nasanay ni Hadadezer iti pannakigubat ken Toi); ket iti imana adda ar-aruaten a pirak ken ar-aruaten a balitok ken ar-aruaten a gambang.+ 11  Dagitoy met sinantipikar ni Ari David ken Jehova, agraman ti pirak ken ti balitok a sinantipikarna manipud iti amin a nasnasion a pinarukmana,+ 12  manipud iti Siria ken manipud iti Moab+ ken manipud iti annak ni Ammon ken manipud kadagiti Filisteo+ ken manipud iti Amalek+ ken manipud iti samsam ni Hadadezer nga anak ni Rehob nga ari ti Zoba.+ 13  Ket ni David nangaramid iti maysa a nagan idi nagsubli manipud panangkabilna kadagiti Edomita idiay Ginget ti Asin+—sangapulo ket walo a ribu.+ 14  Ket pinagtalinaedna a naisaad dagiti garison idiay Edom.+ Iti intero nga Edom nangisaad kadagiti garison, ket amin dagiti Edomita nagbalinda nga ad-adipen ni David;+ ket intultuloy ni Jehova nga insalakan ni David sadinoman a napananna.+ 15  Ket nagtultuloy ni David a nagturay iti intero nga Israel;+ ket nagtultuloy ni David a nangipaay iti hudisial a pangngeddeng ken kinalinteg+ kadagiti amin a kailianna.+ 16  Ket ni Joab+ nga anak ni Zeruia isu idi ti panguluen ti buyot; ket ni Jehosafat+ nga anak ni Ahilud isu ti agilislista. 17  Ket ni Sadok+ nga anak ni Ahitub ken ni Ahimelec+ nga anak ni Abiatar papadida, ket ni Seraias isu ti sekretario. 18  Ket ni Benaias+ nga anak ni Jehoiada isu idi ti panguluen dagiti Kereteo+ ken dagiti Peleteo.+ No maipapan iti annak ni David, nagbalinda a papadi.+

Footnotes