Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Samuel 7:1-29

7  Ket naaramid nga, idi nagnaed ti ari iti bukodna a balay+ ken impaayan ni Jehova iti inana kadagiti amin a kabusorna iti aglikmut,+  idin ti ari kinunana ken Natan+ a mammadto: “Kitaem, ita, agnanaedak iti balay a sedro+ idinto ta ti lakasa ti pudno a Dios agnanaed iti tengnga dagiti lupot ti tolda.”+  Kalpasan dayta ni Natan kinunana iti ari: “Isuamin nga adda ita pusom—inka, aramidem,+ agsipud ta adda kenka ni Jehova.”  Ket naaramid iti dayta a rabii a ti sao+ ni Jehova dimteng ken Natan, a kunkunana:  “Mapanka, ket masapul a kunaem ken adipenko a David, ‘Daytoy ti kinuna ni Jehova: “Sika ibangonannak kadi iti balay a pagnaedak?+  Ta saanak a nagnaed iti balay nanipud idi aldaw a panangaonko iti annak ti Israel idiay Egipto agingga itoy nga aldaw,+ no di ket nagtultuloyak a nagpagnapagna+ iti tolda+ ken iti tabernakulo.+  Bayat ti isuamin a tiempo a panagpagnapagnak iti tengnga dagiti amin nga annak ti Israel,+ adda kadi sao a sinaok iti maysa kadagiti tribu ti Israel+ a binilinko a mangipastor iti ilik nga Israel, a kinunak, ‘Apay a saandak nga imbangonan iti balay a sedro?’”’  Ket ita daytoy ti kunaemto ken adipenko a David, ‘Daytoy ti kinuna ni Jehova ti buybuyot: “Siak innalaka iti pagpaaraban manipud panangsaruno iti arban+ tapno agbalinka a panguluen+ iti ilik nga Israel.  Ket addaakto kenka sadinoman a papanam,+ ket gessatekto dagiti amin a kabusormo manipud sanguanam;+ ket sigurado nga iyaramidankanto iti naindaklan a nagan,+ kas iti nagan dagidiay naindaklan nga adda iti daga. 10  Ket sigurado a mangitudingakto iti lugar+ maipaay iti ilik nga Israel ket imulak+ ida, ket pudno nga agtaengdanto iti ayanda, ket saandanton a mariribuk; ket saanto ida a parigaten manen ti annak ti kinakillo kas iti inaramidda idi damo,+ 11  uray nanipud idi aldaw a panangikabilko iti uk-ukom+ a mangituray iti ilik nga Israel; ket ipaayankanto iti inana kadagiti amin a kabusormo.+ “‘“Ket imbaga kenka ni Jehova a maysa a balay+ ti aramiden ni Jehova maipaay kenka. 12  Inton maan-anay dagiti aldawmo,+ ket makikaiddakanto kadagidi ammam,+ ngarud sigurado a bangonekto ti bin-im a sumaruno kenka, a rummuarto manipud iti makin-uneg a paspasetmo; ket pudno nga ipasdekkonto a sititibker ti pagarianna.+ 13  Isunto ti mangibangon iti balay a maipaay iti naganko,+ ket sigurado nga ipasdekkonto a sititibker ti trono ti pagarianna agingga iti tiempo a di nakedngan.+ 14  Siak agbalinakto nga amana,+ ket isu agbalinto nga anakko.+ No agaramid iti dakes, tubngarekto met babaen ti sarukod+ ti tattao ken babaen kadagiti pannaplit ti annak ni Adan. 15  No maipapan ti naayat a kinamanangngaasik, saanto a sumina kenkuana kas ti panangikkatko iti dayta ken Saul,+ nga inikkatko maigapu kenka. 16  Ket ti balaymo ken ti pagariam sigurado a natibkerto agingga iti tiempo a di nakedngan iti sangom; ti mismo a tronom agbalinto a maysa a naipasdek a sititibker agingga iti tiempo a di nakedngan.”’”+ 17  Maitunos kadagitoy amin a sasao ken maitunos iti isuamin daytoy a sirmata kasta ti panagsao ni Natan ken David.+ 18  Iti kasta simrek ni Ari David ket nagtugaw iti sango ni Jehova ket kinunana: “Siasinoak,+ O Soberano nga Apo Jehova? Ket ania ti balayko ta inyegnak agingga ditoy? 19  Uray kasla maysa daytoy a banag a bassit kadagita matam, O Soberano nga Apo Jehova, kaskasdi nga agsaoka met maipapan iti balay ti adipenmo agingga iti adayo pay a tiempo iti masanguanan; ket daytoy ti linteg a naited maipaay iti sangatauan,+ O Soberano nga Apo Jehova.+ 20  Ket ania pay ti mabalin nga inayon ken sawen kenka ni David, idinto ta sika pagaammom unay ti adipenmo,+ O Soberano nga Apo Jehova? 21  Maipagapu iti saom+ ken maitunos iti bukodmo a puso+ inaramidmo amin dagitoy naindaklan a banag tapno ipakaammom ida iti adipenmo.+ 22  Dayta ti makagapu a pudno a naindaklanka,+ O Soberano nga Apo Jehova; ta awan sabali nga umasping kenka,+ ket awan ti Dios malaksid kenka+ kadagiti amin a nangngegmi kadagiti lapayagmi. 23  Ket ania a maysa a nasion iti daga ti umasping iti ilim nga Israel,+ a sinubbot ti Dios maipaay kenkuana kas maysa nga ili+ ken tapno mangituding maipaay kenkuana iti nagan+ ken tapno agaramid maipaay kadakuada iti naindaklan ken nakaam-amak a bambanag+—tapno pagtalawem gapu iti ilim, a sinubbotmo+ maipaay kenka manipud Egipto, dagiti nasion ken ti didiosda? 24  Ket impasdekmo a sititibker ti ilim nga Israel+ maipaay kenka kas ilim agingga iti tiempo a di nakedngan; ket sika, O Jehova, nagbalinka a Diosda.+ 25  “Ket ita, Jehova a Dios, ti sao a sinaom maipapan iti adipenmo ken maipapan iti balayna itungpalmo agingga iti tiempo a di nakedngan ket aramidem kas iti sinaom.+ 26  Ket agbalin koma a naindaklan ti bukodmo a nagan agingga iti tiempo a di nakedngan,+ a kunaen, ‘Ni Jehova ti buybuyot ket Dios iti Israel,’+ ket maipasdek koma a sititibker iti sangom ti mismo a balay ni adipenmo a David.+ 27  Ta sika, Jehova ti buybuyot a Dios ti Israel, nagipaltiingka iti lapayag ti adipenmo, a kinunam, ‘Ibangonankanto iti balay.’+ Dayta ti makagapu a bimmileg ti puso ti adipenmo nga agkararag kenka babaen itoy a kararag.+ 28  Ket ita, O Soberano nga Apo Jehova, sika ti pudno a Dios; ket no maipapan iti sasaom, agbalinda koma a kinapudno,+ yantangay ikarim iti adipenmo daytoy a kinaimbag.+ 29  Ket ita aklonem ket bendisionam+ ti balay ti adipenmo tapno agtalinaed dayta agingga iti tiempo a di nakedngan iti sangom;+ ta sika, O Soberano nga Apo Jehova, inkarim, ket gapu iti pamendisionmo mabendisionan koma ti balay ti adipenmo agingga iti tiempo a di nakedngan.”+

Footnotes