Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Samuel 6:1-23

6  Ket inummong manen ni David dagiti amin a napili a lallaki ti Israel,+ tallopulo a ribu.  Kalpasanna timmakder ni David ken dagiti amin nga umili a naikuyog kenkuana ket napanda idiay Baale-juda+ tapno isang-atda manipud sadiay ti lakasa+ ti pudno a Dios, a nakainaganan ti maysa a nagan, ti nagan+ ni Jehova ti buybuyot,+ a situtugaw kadagiti kerubin.+  Nupay kasta, inluganda ti lakasa ti pudno a Dios iti maysa a baro a kareson,+ tapno maipanawda dayta manipud balay ni Abinadab,+ nga adda iti turod; ket da Uzzah ken Ahio,+ ti annak ni Abinadab, iturturongda ti baro a kareson.  Gapuna impanawda dayta manipud balay ni Abinadab, nga adda iti turod—agraman ti lakasa ti pudno a Dios; ket ni Ahio magmagna idi iti masanguanan ti Lakasa.  Ket ni David ken ti intero a balay ti Israel agramrambakda iti sango ni Jehova buyogen ti amin a kita dagiti pagtokar a kayo a parwa ken buyogen dagiti arpa+ ken buyogen dagiti pagtokar nga adda kuerdasna+ ken buyogen dagiti pandereta+ ken buyogen dagiti sistrum ken buyogen dagiti piangpiang.+  Ket nagin-inut a nakagtengda agingga iti pagirikan ni Nacon, ket inyunnat ita ni Uzzah+ ti imana iti lakasa ti pudno a Dios ket tinengngelna dayta,+ ta dagiti baka gistayda nakaigapuan ti pannakapattog.  Iti kasta gimmil-ayab ti unget ni Jehova+ maibusor ken Uzzah ket kinabil sadiay ti pudno a Dios+ gapu iti awan panagraemna a tignay, iti kasta natay sadiay iti asideg ti lakasa ti pudno a Dios.+  Ket nakaunget ni David gapu iti kinapudno a bimtak ti pungtot ni Jehova maibusor ken Uzzah, ket naawagan dayta a disso iti Perez-uzza agingga itoy nga aldaw.+  Ket ni David nagbuteng ken Jehova+ iti dayta nga aldaw ket rinugianna a kunaen: “Kasano ti iyaayto kaniak ti lakasa ni Jehova?”+ 10  Ket saan a sitatallugod ni David a mangipanaw iti lakasa ni Jehova tapno ipanna kenkuana idiay Siudad ni David.+ Gapuna impaipan ni David iti balay ni Obed-edom+ a Gitita.+ 11  Ket ti lakasa ni Jehova nagtultuloy a nagnaed idiay balay ni Obed-edom a Gitita iti tallo a bulan; ket ni Jehova nagtultuloy a binendisionanna+ ni Obed-edom ken ti intero a sangakabbalayanna.+ 12  Kamaudiananna naipadamag ken Ari David, a naikuna: “Binendisionan ni Jehova ti balay ni Obed-edom ken ti isuamin a kukuana maigapu iti lakasa ti pudno a Dios.” Iti kasta napan ni David ket insang-atna ti lakasa ti pudno a Dios manipud iti balay ni Obed-edom agingga iti Siudad ni David buyogen ti panagrag-o.+ 13  Ket naaramid nga idi a dagiti agaw-awit+ iti lakasa ni Jehova nakapagmartsada iti innem nga addang, dagus a nangisakripisio iti maysa a toro ken maysa a napalukmeg.+ 14  Ket nagsalsala ni David iti sango ni Jehova buyogen ti isuamin a bilegna, a bayat dayta sibabarikes ni David iti efod+ a lienso. 15  Ket ni David ken ti intero a balay ti Israel isangsang-atda idi ti lakasa+ ni Jehova buyogen ti narag-o a panagdir-i+ ken uni ti tangguyob.+ 16  Ket napasamak nga idi a ti lakasa ni Jehova dimteng iti Siudad ni David, ni Mical,+ anak a babai ni Saul, timmannawag a mismo iti tawa ket nakitana ni Ari David nga aglaglagto ken agsalsala iti sango ni Jehova; ket rinugianna nga umsien+ iti pusona.+ 17  Gapuna inserrekda ti lakasa ni Jehova ket insaadda iti lugarna iti uneg ti tolda nga imbangon ni David maipaay iti dayta;+ a kalpasan dayta nangidaton ni David kadagiti mapuoran a sakripisio+ ken kadagiti sakripisio a pakikaykaysa+ iti sango ni Jehova. 18  Idi nalpas ni David nga indaton dagiti mapuoran a sakripisio ken dagiti sakripisio a pakikaykaysa, idin binendisionanna+ dagiti umili iti nagan ni Jehova+ ti buybuyot. 19  Kanayonanna, biningaybingayna+ kadagiti amin nga umili, iti intero a bunggoy ti Israel, lalaki kasta met ti babai, iti tunggal maysa ti nagtimbukel a bibingka a tinapay ken datiles a bibingka ken bibingka a pasas,+ a kalpasan dayta dagiti amin nga umili napanda tunggal maysa iti bukodna a balay. 20  Nagsubli ita ni David a mangbendision iti bukodna a sangakabbalayan,+ ket ni Mical,+ anak a babai ni Saul, rimmuar a sumabet ken David ket kalpasanna kinunana: “Anian a nagdayag ti namagbalinan ti ari ti Israel iti bagina ita nga aldaw+ idi linukasanna ti bagina ita nga aldaw iti matmata dagiti tagabo a babbai dagiti adipenna, no kasano a ti maysa kadagiti kawaw ti panagul-ulona a tattao silalawag a lukasanna ti bagina!”+ 21  Gapu itoy ni David kinunana ken Mical: “Iti sango idi ni Jehova, a nangpili kaniak imbes a ni amam ken ti intero a sangakabbalayanna tapno ikabilnak a mangituray+ kas panguluen iti ili ni Jehova nga Israel, ket agrambakakto iti sango ni Jehova.+ 22  Ket pagbalinekto ti bagik a nalaglag-an pay ti pannakaipategna ngem iti daytoy,+ ket agbalinakto a nababa kadagiti matak; ket kadagiti tagabo a babbai a dinakamatmo, determinadoak a mangipadayag iti bagik kadakuada.”+ 23  Gapuna, no maipapan ken Mical,+ anak a babai ni Saul, awanan iti anak agingga iti aldaw ti ipapatayna.

Footnotes