Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

2 Samuel 5:1-25

5  Idi agangay amin dagiti tribu ti Israel immayda ken David+ idiay Hebron+ ket kinunada: “Adtoy! Dakami ket tulangmo ken lasagmo.+  Agpadpada idi kalman ken iti napalabas+ bayat a ni Saul idi ti ari kadakami, sika daydiay nagbalin a mangiruruar iti Israel ken mangiserserrek iti dayta.+ Ket kinuna kenka ni Jehova, ‘Sika ipastoramto+ ti ilik nga Israel, ket sika agbalinkanto a panguluen+ iti Israel.’”  Gapuna amin dagiti lallakay+ ti Israel immayda iti ari idiay Hebron, ket ni Ari David nakipinnatalged kadakuada iti tulag+ idiay Hebron iti sango ni Jehova; a kalpasan dayta pinulotanda+ ni David kas ari iti Israel.+  Tallopulo ti tawen ni David idi nagbalin nga ari. Iti uppat a pulo a tawen+ nagturay kas ari.  Idiay Hebron nagturay kas ari iti Juda iti pito a tawen ken innem a bulan;+ ket idiay Jerusalem+ nagturay kas ari iti tallopulo ket tallo a tawen iti intero nga Israel ken Juda.  Iti kasta ti ari ken dagiti tattaona napanda idiay Jerusalem maibusor kadagiti Jebuseo+ nga agnanaed iti daga, ket rinugianda a kunaen ken David: “Saankanto a sumrek ditoy, no di ket sigurado a papanawendakanto dagiti bulsek ken pilay,”+ a pampanunotenda: “Saanto a sumrek ditoy ni David.”  Uray pay kasta, innala ni David ti salindeg ti Sion,+ awan sabali, ti Siudad ni David.+  Gapuna kinuna ni David iti dayta nga aldaw: “Asinoman a mangkabil kadagiti Jebuseo,+ bay-anyo, babaen iti usok ti danum,+ a makaasideg nga agpadpada iti pilay ken bulsek, a kagurgura ti kararua ni David!” Dayta ti makagapu a kunada: “Daydiay bulsek ken daydiay pilay saanto a sumrek iti balay.”  Ket nagnaed ni David iti salindeg, ket naawagan dayta iti Siudad ni David; ket nangrugi nga agbangon ni David iti intero nga aglikmut manipud iti Muntuon+ ken agpauneg. 10  Gapuna nagtultuloy a dumakkel a dumakkel ni David,+ ket adda kenkuana+ ni Jehova a Dios ti buybuyot.+ 11  Ket ni Hiram+ nga ari ti Tiro nangibaon kadagiti mensahero+ a mapan ken David, ken kasta met iti kaykayo a sedro+ ken kadagiti trabahador iti kayo ken trabahador iti bato a maipaay kadagiti pader, ket rinugianda nga ibangonan ni David iti balay.+ 12  Ket naammuan ni David nga isu impasdek ni Jehova a sititibker kas ari iti Israel+ ken intan-okna+ ti pagarianna maipagapu iti ilina nga Israel.+ 13  Kabayatanna, nangala ni David iti ad-adu pay a kamalala+ ken assawa+ manipud Jerusalem kalpasan ti panaggapuna idiay Hebron; ket nagtultuloy a mayanak ken David ti ad-adu pay nga annak a lallaki ken annak a babbai. 14  Ket dagitoy ti nagnagan dagidiay nayanak kenkuana idiay Jerusalem: Sammua+ ken Sobab+ ken Natan+ ken Solomon,+ 15  ken Ibhar ken Elisua+ ken Nefeg+ ken Jafia,+ 16  ken Elisama+ ken Eliada ken Elifelet.+ 17  Ket nangngeg dagiti Filisteo a pinulotanda ni David kas ari iti Israel.+ Iti kasta amin dagiti Filisteo simmang-atda a mangsapul ken David. Idi nangngeg dayta ni David, ngarud simmalog a napan iti lugar a narigat nga asitgan.+ 18  Ket dagiti Filisteo, iti biangda, immayda ket nagdakiwasda idiay nababa a tanap ti Refaim.+ 19  Ket ni David nangrugi nga agimtuod+ ken Jehova, a kunkunana: “Sumang-atakto kadi a bumusor kadagiti Filisteo? Iyawatmonto kadi ida iti imak?” Iti daytoy ni Jehova kinunana ken David: “Sumang-atka, ta di bumurong nga iyawatkonto dagiti Filisteo kadagita imam.”+ 20  Gapuna dimteng ni David iti Baal-perazim,+ ket kinabil ida ni David sadiay. Iti kasta kinunana: “Simmaranget ni Jehova kadagiti kabusorko+ iti masanguanak, kas iti giwang a gapuanan ti dandanum.” Dayta ti makagapu a pinanagananna dayta a disso iti Baal-perazim.+ 21  Iti kasta pinanawanda dagiti idoloda sadiay,+ ket ngarud inikkat ida ni David ken dagiti tattaona.+ 22  Idi agangay naminsan manen a simmang-at dagiti Filisteo+ ket nagdakiwasda idiay nababa a tanap ti Refaim.+ 23  Iti kasta ni David nagimtuod+ ken Jehova, ngem kinunana: “Dika sumang-at. Aglikawka iti likudanda, ket masapul a dumarupka kadakuada iti sanguanan dagiti babassit a kayo a baca.+ 24  Ket mapasamak koma nga, inton mangngegmo ti arimpadek ti panagmartsa kadagiti rabaw dagiti babassit a kayo a baca, iti dayta a tiempo agtignayka a buyogen ti pangngeddeng,+ agsipud ta iti dayta a tiempo nakaruarton ni Jehova iti masanguanam a mangkabil iti pakarso dagiti Filisteo.”+ 25  Gapuna inaramid ni David ti kasta, kas iti imbilin kenkuana ni Jehova,+ ket kinabilna+ dagiti Filisteo manipud Geba+ agingga iti Gezer.+

Footnotes