Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Samuel 24:1-25

24  Ket bimmara manen+ ti unget ni Jehova iti Israel, idi a ti maysa ginargarina ni David maibusor kadakuada, a kunkunana: “Inka, bilangem+ ti Israel ken Juda.”  Gapuna ti ari kinunana iti naikuyog kenkuana a ni Joab+ a panguluen dagiti puersa militar: “Agsursorka, pangngaasim, kadagiti amin a tribu ti Israel, manipud Dan agingga iti Beer-seba,+ ket ipasalistayo dagiti umili,+ ket sigurado a maammuak ti bilang dagiti umili.”+  Ngem kinuna ni Joab iti ari: “Ni Jehova a Diosmo inayonna koma kadagiti umili uray ti maminggasut ti kaaduda bayat a kitkitaen dayta ti mismo a matmata ti apok nga ari. Ngem no maipapan iti apok nga ari, apay a naragsakan itoy a banag?”+  Kamaudiananna ti sao ti ari nagballigi+ ken Joab ken iti papanguluen dagiti puersa militar. Gapuna ni Joab ken ti papanguluen dagiti puersa militar rimmuarda manipud saklang ti ari tapno ipasalistada+ ti ili nga Israel.  Idin binallasiwda ti Jordan ket nagpakarsoda idiay Aroer+ iti makannawan ti siudad nga adda iti tengnga ti naapres a ginget, a tumurong kadagiti Gadita,+ ken iti Jazer.+  Kalpasan dayta dimtengda iti Galaad+ ken iti daga ti Tatim-hodsi ket nagtultuloyda a napan iti Dan-jaan ket naglikmutda nga agturong iti Sidon.+  Kalpasanna dimtengda iti sarikedked ti Tiro+ ken kadagiti amin a siudad dagiti Heveo+ ken dagiti Canaanita ket dimtengda iti pagpatinggaan iti Negeb+ ti Juda idiay Beer-seba.+  Gapuna napanda a nagakar-akar iti intero a daga ket dimtengda idiay Jerusalem idi agngudo ti siam a bulan ken duapulo nga aldaw.  Ni Joab intedna ita iti ari ti bilang ti pannakaipasalista+ dagiti umili; ket ti Israel nagdagup iti walo gasut a ribu a maingel a lallaki nga agasut iti kampilan, ket dagiti lallaki ti Juda lima gasut a ribu a lallaki.+ 10  Ket ti puso ni David nangrugi a mangsidir+ kenkuana kalpasan ti kasta a panangbilangna kadagiti umili. Gapuna ni David kinunana ken Jehova: “Nagbasolak+ iti kasta unay iti inaramidko. Ket ita, Jehova, palabsem koma ti biddut ti adipenmo,+ pangngaasim; ta nagtignayak a simamaag unay.”+ 11  Idi bimmangon ni David iti bigat, ti met laeng sao ni Jehova dimteng ken Gad+ a mammadto, ti managsirmata ni David,+ a kunkunana: 12  “Mapanka, ket masapul a kunaem ken David, ‘Daytoy ti kinuna ni Jehova: “Tallo a banag ti idatagko kenka.+ Mangpilika maipaay kenka iti maysa kadakuada tapno aramidek dayta kenka.”’”+ 13  Iti kasta ni Gad simrek a napan ken David ket imbagana kenkuana ket kinunana kenkuana:+ “Umay kadi kenka ti pito a tawen a nakaro a bisin iti dagam,+ wenno tallo a bulan a panagtalawmo iti sanguanan dagiti kalabanmo,+ a kamatendaka, wenno ti pannakapasamak ti tallo nga aldaw nga angol iti dagam?+ Ita ammuem ken kitaem no ania ti isungbatkonto iti Daydiay nangibaon kaniak.” 14  Gapuna ni David kinunana ken Gad: “Makariribuk unay dayta kaniak. Bay-annakami a matnag, pangngaasim, iti ima ni Jehova,+ ta adu ti asina;+ ngem iti ima ti tao saannak a bay-an a matnag.”+ 15  Kalpasanna nangipaay ni Jehova iti angol+ iti Israel manipud iti bigat agingga iti naituding a tiempo, iti kasta pitopulo a ribu a tattao ti natay+ kadagiti umili manipud Dan agingga iti Beer-seba.+ 16  Ket ti anghel+ pinagtalinaedna a siuunnat ti imana a naiturong iti Jerusalem tapno dadaelenna dayta; ket nangrugi a pagladingitan+ ni Jehova ti didigra, ket ngarud kinunana iti anghel a mangdaddadael idi kadagiti umili: “Umanayen! Ita ibabamon ta imam.” Ket ti met laeng anghel ni Jehova adda idi iti asideg ti pagirikan ni Arauna+ a Jebuseo.+ 17  Ket ni David kinunana ken Jehova, idi nakitana ti anghel a mangkabkabil kadagiti umili, wen, kinunana: “Adtoy siak ti nagbasol ken siak ti nakaaramid iti dakes; ngem dagitoy a karnero+—ania ti naaramidda? Ta imam, pangngaasim, agdisso koma kaniak+ ken iti balay ni amak.” 18  Idi agangay ni Gad simrek a napan ken David iti dayta nga aldaw ket kinunana kenkuana: “Sumang-atka, ipasdekam ni Jehova iti altar iti pagirikan ni Arauna a Jebuseo.”+ 19  Ket nangrugi a sumang-at ni David maitunos iti sao ni Gad, sigun iti imbilin ni Jehova.+ 20  Idi timmannawag ni Arauna ket nakitana ti ari ken dagiti adipenna a lumaslasat nga agturong kenkuana, madagdagus a rimmuar ni Arauna ket nagruknoy+ iti ari a ti rupana dumanon iti daga.+ 21  Kalpasanna kinuna ni Arauna: “Apay nga immay ti apok nga ari iti adipenna?” Iti kasta kinuna ni David: “Tapno gatangek+ kenka ti pagirikan a pangbangonan iti altar ken Jehova, iti kasta ti pannaplit+ mapagsardeng kadagiti umili.” 22  Ngem ni Arauna kinunana ken David: “Alaen koma dayta ti apok nga ari+ ket idatonna no ania ti naimbag kadagiti matana. Kitaem ti bakbaka a maipaay iti daton a mapuoran ken ti pagirik a pasagad ken ti ramramit ti bakbaka a maipaay a kayo.+ 23  Isuamin, O ari, ited ni Arauna iti ari.” Ket intultuloy a kunaen ni Arauna iti ari: “Ni Jehova a Diosmo maragsakan koma kenka.”+ 24  Nupay kasta, ti ari kinunana ken Arauna: “Saan, no di ket di bumurong a gatangekto kenka iti maysa a gatad;+ ket saanakto a mangidaton ken Jehova a Diosko kadagiti mapuoran a sakripisio nga awan bayadna.”+ Iti kasta ginatang ni David+ ti pagirikan ken ti bakbaka iti limapulo a siklo a pirak. 25  Ket ni David nangbangon sadiay iti altar+ ken Jehova ket nangidaton kadagiti mapuoran a sakripisio ken kadagiti sakripisio a pakikaykaysa, ket rinugian nga impalubos ni Jehova nga isu mapagpakaasian+ maipaay iti daga, iti kasta ti pannaplit napagsardeng iti Israel.

Footnotes