Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

2 Samuel 22:1-51

22  Ket ni David sinaona ken Jehova ti sasao daytoy a kanta+ idi aldaw a panangispal kenkuana ni Jehova manipud dakulap dagiti amin a kabusorna+ ken manipud dakulap ni Saul;+  ket kinunana:“Ni Jehova ti napasdok a batok+ ken salindegko+ ken ti Manangilisi kaniak.+   Ti Diosko isu ti batok.+ Agkamangakto kenkuana,Kalasagko+ ken sara+ ti pannakaisalakanko, natalged a kamangko,+Ken disso a pagkamangak,+ Manangisalakanko;+ manipud kinaranggas isalakannak.+   Iti Daydiay maidaydayaw,+ ken Jehova, umawagakto,Ket manipud kadagiti kabusorko maisalakanakto.+   Ta pinalawlawandak dagiti makapapatay nga agdissuor a dalluyon;+Adda dagiti dumaruros a panaglayus ti awan kaes-eskanna a tattao a namagkulkullayaw kaniak.+   Dagiti met laeng tali ti Sheol linikmutdak;+Dagiti silo ni patay sinangodak.+   Iti pannakaparigatko immaw-awagak ken Jehova,+Ket iti Diosko immaw-awagak.+Idin manipud templona nangngegna ti timekko,+Agraman ti panagpatulongko kadagiti lapayagna.+   Ket ti daga nangrugi nga agkintayeg ken agyugayog;+Dagiti met laeng pamuon ti langlangit nadayyegda,+Ket nagkinkintayegda gapu ta isu napagunget.+   Nagpangato ti asuk kadagiti abut ti agongna, ket ti met laeng apuy manipud ngiwatna nangal-alun-on;+Dagiti met laeng beggang gimmil-ayabda manipud kenkuana.+ 10  Ket pinagbayukyokna ti langlangit ket bimmaba;+Ket ti napuskol a daguyemyem adda iti baba dagiti sakana.+ 11  Ket immay a sisasakay iti rabaw ti maysa a kerubin+ ket immay a nagtaytayab;Ket isu nakita iti rabaw dagiti payak ti maysa nga espiritu.+ 12  Kalpasanna nangikabil iti sipnget iti aglikmutna kas kadagiti abong-abong,+Nasipnget a dandanum, napuskol nga ul-ulep.+ 13  Manipud ti kinaraniag iti sangona gimmil-ayab dagiti sumsumged a beggang ti apuy.+ 14  Manipud langit nangrugi nga aggurruod ni Jehova,+Ket ti met laeng Kangatuan rinugianna nga iyesngaw ti timekna.+ 15  Ket nangibibiat kadagiti pana, tapno maiwarawarana ida;+Iti kimat, tapno mariribukna ida.+ 16  Ket dagiti lansad ti baybay nagparangda,+Dagiti pamuon ti nabunga a daga+ nalukasan,Iti pammabalaw ni Jehova, manipud iti pug-aw ti anges dagiti abut ti agongna.+ 17  Nagbaon manipud ngato, innalanak,+Inaonnak iti dadakkel a dandanum.+ 18  Inispalnak iti napigsa a kabusorko,+Kadagidiay manggurgura kaniak; agsipud ta napigpigsada ngem siak.+ 19  Sinangsangodak iti aldaw ti pannakadidigrak,+Ngem ni Jehova nagbalin a saranayko.+ 20  Ket inruarnak nga impan iti nalawa a lugar;+Inalawnak, agsipud ta naragsakan kaniak.+ 21  Gunggonaannak ni Jehova maitunos iti kinalintegko;+Maitunos iti kinadalus dagiti imak supapakannak.+ 22  Ta sinalimetmetak ti daldalan ni Jehova,+Ket saanak a sidadangkes a simmina iti Diosko.+ 23  Ta amin dagiti hudisial a pangngeddengna+ adda iti sangok;Ket no maipapan kadagiti paglinteganna, saanakto a sumiasi kadakuada.+ 24  Ket paneknekakto ti bagik nga awan pagkuranganna+ kenkuana,Ket aluadakto ti bagik manipud biddut iti biangko.+ 25  Ket supapakannak koma ni Jehova maitunos iti kinalintegko,+Maitunos iti kinadalusko iti sanguanan dagiti matana.+ 26  Iti daydiay nasungdo agtignaykanto a sisusungdo;+Iti awan pagkuranganna, nabileg makilangenkanto nga awan pagkuranganna;+ 27  Iti daydiay agtaltalinaed a nadalus agparangkanto a nadalus,+Ket iti daydiay nakillo agtignaykanto a kasla ampang.+ 28  Ket ti napakumbaba nga ili isalakanmonto;+Ngem dagiti matam maibusorda kadagidiay natangsit, tapno ipababam ida.+ 29  Ta sika ti pagsilawak, O Jehova,+Ket ni Jehova ti mamagsilnag iti kinasipngetko.+ 30  Ta babaen kenka makapagtarayak a sumaranget iti buyot dagiti tulisan;+Babaen ti Diosko makakalay-atak iti pader.+ 31  No maipapan iti pudno a Dios, perpekto ti dalanna;+Ti sasao ni Jehova ket napasudi.+Isu maysa a kalasag kadagidiay amin nga agkamang kenkuana.+ 32  Ta siasino ti Dios malaksid ken Jehova,+Ket siasino ti bato malaksid iti Diostayo?+ 33  Ti pudno a Dios isu ti napigsa a sarikedkedko,+Ket pagbalinennanto a perpekto ti dalanko,+ 34  Mamagbalin kadagiti sakak a kas iti saksaka dagiti kabaian nga ugsa;+Ket iti rabaw dagiti disso a nangato maipaay kaniak pagtalinaedennak a sitatakder.+ 35  Isursurona dagiti imak maipaay iti pannakigubat;+Ket dagiti takiagko nangitalmeg iti bai a gambang.+ 36  Ket itedmonto kaniak ti mangisalakan a kalasagmo,+Ket ti kinapakumbabam ti mamagbalin kaniak a naindaklan.+ 37  Mangaramidkanto iti lugar nga umdas ti kalawana maipaay kadagiti addangko iti babaek;+Ket sigurado a saanto nga agkalog dagiti palaypalayko.+ 38  Kamatekto dagiti kabusorko, tapno talipuposek ida,Ket saanakto nga agsubli agingga a matalipuposda.+ 39  Ket talipuposekto ida ken rumrumekek ida,+ tapno saanda a makabangon;+Ket mapasagdanto iti baba dagiti sakak.+ 40  Ket bariksannakto iti kired maipaay iti bakal;+Kusbuemto iti babaek dagidiay tumakder a bumusor kaniak.+ 41  Ket no maipapan kadagiti kabusorko, sigurado nga itedmonto kaniak ti teltelda;+Dagidiay nakaro ti pananggurada kaniak—pagulimekekto met ida.+ 42  Agpatulongda, ngem awan ti manangisalakan;+Ken Jehova, ngem pudno a saanna a sungbatan ida.+ 43  Ket begbegekto ida iti napino a kas iti tapok ti daga;Kas iti pitak dagiti kalsada tumekekto ida;+Pitpitekto ida. 44  Ket ilisinakto iti panagsapul-biddut dagiti kailiak.+Saluadannakto tapno agbalinak a pannakaulo dagiti nasion;+Maysa nga ili a saanko a naammuan—agserbidanto kaniak.+ 45  Dagiti met laeng ganggannaet umaydanto nga agtulmeng kaniak;+Dagiti lapayag natulnogdanto a dumngeg kaniak.+ 46  Dagiti met laeng ganggannaet aglumendanto,Ket rummuardanto nga agpigpigerger manipud kadagiti baluarteda.+ 47  Sibibiag ni Jehova;+ ket bendito koma ti Batok;+Ket maitan-ok koma ti Dios ti bato ti pannakaisalakanko.+ 48  Ti pudno a Dios isu ti Manangipaay kaniak iti ar-aramid ti pammales+Ken Daydiay mangipababa kadagiti ili iti babaek,+ 49  Ken Daydiay mangiruar kaniak manipud kadagiti kabusorko.+Ket iti ngatuen dagidiay tumakder a bumusor kaniak ingatonakto;+Manipud iti tao a naranggas ti ar-aramidna ispalennakto.+ 50  Dayta ti makagapu nga agyamanakto kenka, O Jehova, iti tengnga dagiti nasion;+Ket iti naganmo mangipaayakto iti samiweng:+ 51  Daydiay agar-aramid iti naindaklan nga ar-aramid ti panangisalakan maipaay iti arina+Ken mangwatwatwat iti naayat a kinamanangngaasi iti daydiay pinulotanna,+Ken David ken iti bin-ina iti tiempo a di nakedngan.”+

Footnotes