Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Samuel 21:1-22

21  Ita adda nakaro a bisin+ idi kaaldawan ni David iti tallo a tawen, tinawentawen; ket nakiuman ni David iti rupa ni Jehova. Idin kinuna ni Jehova: “Adda panagbasol iti dara a naiparabaw ken Saul ken iti balayna, agsipud ta pinapatayna dagiti Gabaonita.”+  Gapuna ti ari inayabanna dagiti Gabaonita+ ket nagsao kadakuada. (Kabayatanna, dagiti Gabaonita saanda a kameng ti annak ti Israel, no di ket kameng ti nabatbati kadagiti Amoreo;+ ket dagiti met laeng annak ti Israel nagsapatada kadakuada,+ ngem inkagumaan ni Saul a kabilen+ ida gapu iti panagimonna+ maipaay iti annak ti Israel ken Juda.)  Ket kinuna ni David kadagiti Gabaonita: “Ania ti aramidekto kadakayo, ket babaen ti ania a mangaramidakto iti panangabbong,+ tapno sigurado a bendisionanyo ti tawid+ ni Jehova?”  Gapuna kinuna kenkuana dagiti Gabaonita: “Saan a maipapan dayta iti pirak wenno balitok+ nga agpaay kadakami mainaig ken Saul ken iti sangakabbalayanna, saanmi met a biang ti mangpapatay iti maysa a tao iti Israel.” Iti kasta kinunana: “Aniaman ti sawenyo aramidekto maipaay kadakayo.”  Gapu itoy kinunada iti ari: “Ti tao a nangtalipupos+ kadakami ken nanggandat+ a mangpukaw kadakami iti panagbibiag iti aniaman a teritoria ti Israel,  maikkankami koma iti pito a lallaki kadagiti annakna;+ ket idatagminto+ ida ken Jehova idiay Gabaa+ ni Saul, daydiay pinili ni Jehova.”+ Iti kasta kinuna ti ari: “Siak itedkonto ida.”  Nupay kasta, ti ari naasian ken Mefiboset+ nga anak ni Jonatan nga anak ni Saul maigapu iti sapata+ ni Jehova iti nagbaetanda idi, iti nagbaetan ni David ken Jonatan nga anak ni Saul.  Iti kasta innala ti ari ti dua nga annak ni Rizpa+ nga anak a babai ni Aya nga impasngayna ken Saul, da Armoni ken Mefiboset, ken ti lima nga annak ni Mical+ nga anak a babai ni Saul nga impasngayna ken Adriel+ nga anak ni Barzillai a Meholatita.  Kalpasanna inyawatna ida iti ima dagiti Gabaonita ket indatagda ida iti bantay iti sango ni Jehova,+ iti kasta isuda a pito napasagda a sangsangkamaysa; ket isuda napapatayda iti umuna nga al-aldaw ti panagani, idi panangrugi ti panagani iti sebada.+ 10  Nupay kasta, ni Rizpa nga anak a babai ni Aya+ nangala iti tinakpil+ ket inyaplagna maipaay iti bagina iti rabaw ti bato manipud panangrugi ti panagani agingga a nagtinnag kadakuada ti danum manipud langlangit;+ ket saanna a pinalubosan dagiti agtatayab+ ti langlangit nga agbatayda kadakuada iti aldaw wenno uray dagiti atap nga animal+ ti tay-ak iti rabii. 11  Iti kamaudiananna naipadamag+ ken David no ania ti inaramid ni Rizpa nga anak a babai ni Aya, kamalala ni Saul. 12  Gapuna napan ni David ket innalana dagiti tulang ni Saul+ ken dagiti tulang ni Jonatan nga anakna manipud kadagiti agtagtagikua iti daga iti Jabes-galaad,+ isuda a nangtakaw kadakuada iti publiko a plasa ti Bet-san,+ a sadiay ti nangibitinan+ kadakuada dagiti Filisteo idi aldaw a dagiti Filisteo pinapatayda ni Saul idiay Gilboa.+ 13  Ket insang-atna manipud sadiay dagiti tulang ni Saul ken dagiti tulang ni Jonatan nga anakna; kanayonanna pay, inummongda dagiti tulang ti lallaki a nakaduyayyat.+ 14  Kalpasanna intabonda dagiti tulang ni Saul ken ni Jonatan nga anakna idiay daga ti Benjamin idiay Zela+ iti lugar a pagitabonan ni Kis+ nga amana, tapno maaramidda ti isuamin nga imbilin ti ari. Gapuna impalubos ti Dios nga isu mapagpakaasian maipaay iti daga kalpasan daytoy.+ 15  Ket dagiti Filisteo+ nakigubatda manen iti Israel. Iti kasta ni David ken dagiti adipenna a naikuyog kenkuana simmalogda ket nakirupakda kadagiti Filisteo; ket nabannog ni David. 16  Ket ni Isbi-benob, a maysa kadagidiay nayanak iti Refaim,+ a ti dagsen ti pikana+ tallo gasut a siklo a gambang ken nabariksan iti baro a kampilan, napanunotna a kabilen ni David. 17  Madagdagus a timmulong+ kenkuana ni Abisai+ nga anak ni Zeruia ket kinabilna ti Filisteo ket pinapatayna. Iti dayta a tiempo nagsapata kenkuana dagiti tattao ni David, a kunkunada: “Dika makipagruaren kadakami iti bakal,+ tapno saanmo a maiddep+ ti pagsilawan+ ti Israel!” 18  Ket naaramid kalpasan daytoy a timmaud ti gubat iti naminsan pay kadagiti Filisteo idiay Gob. Idin ni Sibbecai+ a Husatita+ kinabilna ni Saf, a maysa kadagidiay nayanak iti Refaim.+ 19  Ket timmaud ti gubat iti naminsan manen kadagiti Filisteo idiay Gob, ket ni Elhanan+ nga anak ni Jaare-oregim a Betlehemita kinabilna ni Goliat a Gitita, a ti urong ti pikana kas iti pagipulipolan dagiti trabahador iti pagabelan.+ 20  Ket timmaud manen ti gubat idiay Gat,+ idi adda maysa a lalaki a nalablabes ti kadakkelna, nga adda innem a ramay iti tunggal imana ken innem a ramay iti tunggal sakana, duapulo ket uppat ti bilangda; ket uray isu nayanak met iti Refaim.+ 21  Ket rinurrurodna+ ti Israel. Kamaudiananna isu pinatay ni Jonatan+ nga anak ni Simei,+ kabsat ni David. 22  Dagitoy nga uppat nayanakda iti Refaim idiay Gat;+ ket napasagda babaen ti ima ni David ken babaen ti ima dagiti adipenna.+

Footnotes