Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Samuel 20:1-26

20  Ita adda idi sadiay ti maysa a tao nga awan kaes-eskanna,+ nga agnagan Sheba,+ ti anak ni Bicri a maysa a Benjaminita; ket pinuyotna ti tangguyob+ ket kinunana: “Awan binglaytayo ken David, ket awan tawidtayo iti anak ni Jesse.+ Tunggal maysa agturong iti didiosna,+ O Israel!”  Iti kasta dagiti amin a lallaki ti Israel nangrugida a sumang-at manipud isusurot ken David tapno sumurotda ken Sheba nga anak ni Bicri;+ ngem no maipapan kadagiti lallaki ti Juda, nagtalinaedda iti arida manipud iti Jordan agingga iti Jerusalem.+  Iti kamaudiananna dimteng ni David iti balayna idiay Jerusalem.+ Kalpasanna innala ti ari ti sangapulo a babbai,+ dagiti kamalala nga imbatina a mangaywan iti balay, ket inkabilna ida iti balay a pakaipupokan, ngem agtultuloy nga inabastuanna ida iti taraon. Ket saan a nakidenna kadakuada,+ no di ket nagtultuloyda a nakapupok a siiinget agingga iti aldaw ti ipapatayda, iti kinabalo nga addaan sibibiag nga asawa.  Ti ari kinunana ita ken Amasa:+ “Ayabam a sangsangkamaysa kaniak dagiti lallaki ti Juda iti las-ud ti tallo nga aldaw, ket sika agtakderka ditoy.”  Gapuna ni Amasa napanna inayaban a sangsangkamaysa ti Juda; ngem isu immay a naladladaw ngem iti naikeddeng a tiempo nga intudingna kenkuana.  Idin ni David kinunana ken Abisai:+ “Ita ni Sheba+ nga anak ni Bicri dakdakesto kadatayo ngem ni Absalom.+ Sika alaem dagiti adipen+ ti apom ket kamatem, tapno pudno a saan a makasarak kadagiti nasarikedkedan a siudad maipaay iti bagina ket makatalaw iti imatangtayo.”  Iti kasta dagiti tattao ni Joab+ ken dagiti Kereteo+ ken dagiti Peleteo+ ken amin dagiti nabileg a lallaki rimmuarda a simmurot kenkuana; ket rimmuarda manipud Jerusalem tapno kamatenda ni Sheba nga anak ni Bicri.  Addada iti asideg ti dakkel a bato nga adda idiay Gabaon,+ ket ni met laeng Amasa+ immay sumabet kadakuada. Ita nabariksan ni Joab, nagpagan-anay iti maysa a kawes; ket naibarikes kenkuana ti maysa a kampilan a naikapet iti padingpadingna, a sikakaluban. Ket isu rimmuar, ket ngarud nagtinnag a naasut dayta.  Ket ni Joab kinunana ken Amasa: “Naimbag kadi ti kasasaadmo, kabsatko?”+ Idin ti makannawan nga ima ni Joab iniggamanna ti barbas ni Amasa tapno isu agkanna.+ 10  No maipapan ken Amasa, saan a nagaluad iti kampilan nga adda iti ima ni Joab; iti kasta kinabilna+ babaen iti dayta iti buksitna, ket naiburayray dagiti bagisna iti daga, ket saannan a kasapulan nga aramiden manen dayta kenkuana. Gapuna isu natay. Ket ni Joab ken ni Abisai a kabsatna, iti biangda, kinamatda ni Sheba nga anak ni Bicri. 11  Ket ti maysa kadagiti agtutubo a lallaki ni Joab nagtakder iti ngatuenna ket kinunkunana: “Siasinoman a naragsakan ken Joab ken siasinoman a kukua ni David,+ sumurot koma ken Joab!” 12  Bayat dayta nagil-ilad ni Amasa iti dara+ iti tengnga ti kangrunaan a kalsada. Idi nakita ti lalaki a nagintek dagiti amin a tattao, ngarud inyakarna ni Amasa manipud kangrunaan a kalsada nga impan iti talon. Kamaudiananna nangyarpaw kenkuana iti kawes, idi nakitana a nagintek ti tunggal maysa nga umas-asideg kenkuana.+ 13  Apaman nga isu naikkatna iti kangrunaan a kalsada, tunggal maysa a tao limmabas a simmurot ken Joab a mangkamat ken Sheba+ nga anak ni Bicri. 14  Ket limmasat ni Sheba kadagiti amin a tribu ti Israel agingga iti Abel ti Bet-maaca.+ No maipapan kadagiti amin a Bicrita, naguummongda idin a sangsangkamaysa ket simmurotda met kenkuana. 15  Ket dimtengda ket isu linakubda idiay Abel ti Bet-maaca ket nangibangonda iti baluarte a panglakub maibusor iti siudad,+ ta sitatakder dayta iti uneg ti maysa a baluarte. Ket amin dagiti tattao a naikuyog ken Joab tubtubtobenda idi ti pader, tapno rebbaenda. 16  Ket ti maysa a masirib a babai+ rinugianna nga ipukkaw manipud iti siudad: “Umimdengkayo, lallaki, umimdengkayo! Sawenyo, pangngaasiyo, ken Joab, ‘Umasidegka agingga ditoy, ket bay-am nga agsaoak kenka.’” 17  Gapuna immasideg kenkuana, ket idin kinuna ti babai: “Sika kadi ni Joab?” nga iti dayta kinunana: “Siak.” Gapu itoy kinunana kenkuana: “Umimdengka iti sasao ti adipenmo a babai.”+ Kinunana kalpasanna: “Umim-imdengak.” 18  Ket kinunana: “Awan labasna a sasawenda kadagidi nagkauna a tiempo, a kunkunada, ‘Bay-anyo nga agimtuodda laeng iti Abel, ket iti kasta sigurado a maturposdanto ti banag.’ 19  Ibagiak dagidiay mannakikappia+ ken matalek+ ti Israel. Ikagkagumaanam a papatayen ti maysa a siudad+ ken maysa nga ina iti Israel. Apay nga alun-onem+ ti tawid+ ni Jehova?” 20  Iti daytoy simmungbat ni Joab ket kinunana: “Naan-anay a narigat a pagarupen iti biangko a mangalun-onak ken mangdadaelak. 21  Saan a kasta ti banag, no di ket ti maysa a tao a naggapu iti nakabambantay a rehion ti Efraim,+ nga agnagan Sheba+ nga anak ni Bicri, intag-ayna ti imana maibusor ken Ari David.+ Dakayo, iyawatyo nga is-isuna,+ ket pumanawakto iti siudad.”+ Idin ti babai kinunana ken Joab: “Adtoy! Maipalladawto kenka ti ulona+ iti ngatuen ti pader!” 22  Madagdagus nga iti kinasiribna+ napan ti babai kadagiti amin nga umili, ket gineppasda ti ulo ni Sheba nga anak ni Bicri ket impalladawda ken Joab. Kalpasan dayta pinuyotna ti tangguyob,+ ket iti kasta naiwarawarada manipud iti siudad, tunggal maysa nga agturong iti pagtaenganna; ket ni met laeng Joab nagsubli idiay Jerusalem iti ari. 23  Ket ni Joab isu ti panguluen ti intero a buyot+ ti Israel; ket ni Benaias+ nga anak ni Jehoiada+ isu ti panguluen dagiti Kereteo+ ken panguluen dagiti Peleteo.+ 24  Ket ni Adoram+ isu ti panguluen dagidiay naipasalista a maipaay iti pinuersa a panagtrabaho; ket ni Jehosafat+ nga anak ni Ahilud isu ti agilislista. 25  Ket ni Seva+ isu ti sekretario,+ ket da Sadok+ ken Abiatar+ papadida. 26  Ket ni Ira a Jairita nagbalin met a padi+ ni David.

Footnotes