Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Samuel 14:1-33

14  Ita naammuan ni Joab+ nga anak ni Zeruia+ a ti puso ti ari naiturong ken Absalom.+  Iti kasta nagbaon ni Joab idiay Tecoa+ ket nangala sadiay iti masirib+ a babai ket kinunana kenkuana: “Mapanka a sileleddaang, pangngaasim, ket kawesam ta bagim, pangngaasim, kadagiti kawes a pagpanes, ket dika sapsapuan ta bagim iti lana;+ ket agbalinkanto a kas iti babai ditoy nga agledleddaang iti adun nga al-aldaw gapu iti minatay.+  Ket sumrekkanto a mapan iti ari ket mangisaoka kenkuana iti sao a kas itoy.” Gapuna inkabil ni Joab ti sasao iti ngiwatna.+  Ket ti babai a Tecoita simrek a napan iti ari ket inkurnona ti rupana iti daga+ ket inruknoyna ti bagina ket kinunana: “Mangisalakanka,+ O ari!”  Gapu itoy kinuna kenkuana ti ari: “Ania ti mapaspasamak kenka?” Iti daytoy kinunana: “Iti kinapudnona maysaak a babai a nabalo,+ ita ta natayen ti asawak.  Ket ti adipenmo a babai addaan dua nga annak, ket isuda a dua nangrugida nga agdangadang iti talon+ bayat nga awan manangispal+ a mamagsina kadakuada. Kamaudiananna ti maysa kinabilna daydiay maysa ket pinapatayna.  Ket adtoy timmakder ti intero a pamilia maibusor iti adipenmo a babai ket kunkunaenda, ‘Iyawatmo ti nangkabil iti kabsatna, tapno mapapataymi maigapu iti kararua ti kabsatna+ a pinatayna,+ ket talipuposenmi uray ti agtawid!’ Ket sigurado nga iddependanto ti rangrang dagiti beggangko a nabati, tapno saanda nga itudingan ti asawak iti nagan wenno uray natda iti rabaw ti daga.”+  Idin kinuna ti ari iti babai: “Mapanka iti balaymo, ket siak mangtedakto iti bilin maipapan kenka.”+  Gapu itoy kinuna ti babai a Tecoita iti ari: “Maiparabaw koma kaniak, O apok nga ari, ti biddut, ken kasta met iti balay ni amak,+ bayat nga awanan basol ti ari ken ti tronona.” 10  Ket kinuna ti ari: “No adda asinoman nga agsao kenka, iyegmonto met kaniak, ket saannakanto a pulos saktanen.” 11  Ngem kinunana: “Ti ari, pangngaasim, lagipenna koma ni Jehova a Diosmo,+ tapno ti manangibales iti dara+ saan koma nga agtultuloy a mangdadael ken tapno saanda koma a talipuposen ti anakko.” Iti daytoy kinunana: “Kas sibibiag ni Jehova,+ saanto a matnag iti daga ti uray maysa a buok+ ti anakmo.” 12  Kinuna ita ti babai: “Palubosam ti adipenmo a babai,+ pangngaasim, nga agsao iti maysa a sao+ iti apok nga ari.” Gapuna kinunana: “Agsaoka!”+ 13  Ket kinuna ti babai: “Apay, ngarud, a nagrasonka a kas itoy+ maibusor iti ili ti Dios?+ Bayat a ti ari sasawenna daytoy a sao isu kasla maysa a nakabasol,+ ta ti ari saanna nga isubli ti bukodna a napagtalaw.+ 14  Ta di bumurong a mataytayto+ ken agbalin a kasla dandanum a maibukbok iti daga, a saan a mabalin nga urnongen. Ngem ti Dios saanto a mangikkat iti kararua,+ ket nagpanunot kadagiti rason no apay a daydiay napagtalaw rebbeng a saan a mapagtalaw kenkuana. 15  Ket ita ta simrekak a mangisao itoy a sao iti ari nga apok, gapu dayta iti panamagbuteng kaniak dagiti umili. Gapuna kinuna ti adipenmo a babai, ‘Palubosannak nga agsao, pangngaasim, iti ari. Bareng no agtignayto ti ari iti sao ti adipenna a babai. 16  Agsipud ta immimdeng ti ari tapno ispalenna ti adipenna a babai iti dakulap ti tao nga agtartarigagay a mangtalipupos kaniak ken iti kakaisuna nga anakko manipud iti tawid nga inted ti Dios,’+ 17  kalpasanna kinuna ti adipenmo a babai, ‘Ti sao ti apok nga ari agserbi koma, pangngaasim, a mangted iti inana.’ Ta kas iti maysa nga anghel+ ti pudno a Dios kasta ti apok nga ari, a mangilasin iti naimbag ken iti dakes,+ ket adda koma a mismo kenka ni Jehova a Diosmo.” 18  Simmungbat ita ti ari ket kinunana iti babai: “Dika ilemmeng kaniak, pangngaasim, ti maysa a banag nga imtuodek kenka.”+ Iti daytoy kinuna ti babai: “Agsao koma ti apok nga ari, pangngaasim.” 19  Ket kinuna ti ari: “Ti kadi ima ni Joab+ adda kenka iti isuamin daytoy?”+ Idin simmungbat ti babai ket kinunana: “Kas sibibiag ti kararuam,+ O apok nga ari, awan ti tao a makapagpakannawan wenno makapagpakannigid manipud iti isuamin a sinao ti apok nga ari; ta ni adipenmo a Joab ti nangbilin kaniak, ken isu ti nangikabil iti ngiwat ti adipenmo a babai kadagitoy amin a sasao.+ 20  Maipagapu iti panamagbalbaliw iti parupa ti banag inaramid ni adipenmo a Joab daytoy a banag, ngem masirib ti apok a kas iti kinasirib ti anghel+ ti pudno a Dios tapno maammuanna ti isuamin nga adda iti daga.” 21  Kalpasanna ti ari kinunana ken Joab: “Adtoy, ita, sigurado nga aramidekto daytoy a banag.+ Gapuna mapanka, isublim ni agtutubo nga Absalom.”+ 22  Gapu itoy inkurno ni Joab ti rupana iti daga ket inruknoyna ti bagina ket binendisionanna ti ari;+ ket kinuna ni Joab: “Ita nga aldaw pagaammo ti adipenmo a nakasarakak iti pabor kadagita matam,+ O apok nga ari, agsipud ta nagtignay ti ari iti sao ti adipenna.” 23  Gapuna timmakder ni Joab ket napan idiay Gesur+ ket inyegna ni Absalom iti Jerusalem.+ 24  Nupay kasta, kinuna ti ari: “Bay-am nga agturong iti bukodna a balay, ngem saanna koma a kitaen ti rupak.”+ Gapuna nagturong ni Absalom iti bukodna a balay, ket ti rupa ti ari saanna a kinita. 25  Ita no maidilig ken Absalom awan idi ti lalaki a nakaliblibnos+ iti intero nga Israel tapno maidaydayaw iti kasta unay. Manipud dapan ti sakana agingga iti kuppokuppona isu awanan idi iti pilaw. 26  Ket idi pinukisanna ti ulona—ket napasamak iti ngudo ti tunggal tawen a pukisanna dayta; gapu ta nadagsen unay+ kenkuana, pinukisanna dayta—tinimbangna ti buok ti ulona, dua gasut a siklo iti naarian a bato a pagtimbang. 27  Ket adda nayanak ken Absalom a tallo nga annak a lallaki+ ken maysa nga anak a babai nga agnagan Tamar. Isu maysa idi a babai a kapipintasan iti langa.+ 28  Ket ni Absalom nagtultuloy a nagnaed idiay Jerusalem iti intero a dua a tawen, ket saanna a kinita ti rupa ti ari.+ 29  Gapuna ni Absalom pinaayabanna ni Joab tapno ibaonna iti ari, ket saan nga immannugot nga umay kenkuana. Kalpasanna nagbaon manen, iti maikadua a daras, ket saan nga immannugot nga umay. 30  Kamaudiananna kinunana kadagiti adipenna: “Kitaenyo ti benneg ti daga ni Joab iti abay ti kukuak, ket sadiay isu addaan iti sebada. Inkayo ket paggayebgebenyo dayta iti apuy.”+ Iti kasta pinagayebgeb dagiti adipen ni Absalom ti benneg ti daga iti apuy.+ 31  Gapu itoy timmakder ni Joab ket immay ken Absalom iti balay ket kinunana kenkuana: “Apay a dagiti adipenmo pinagayebgebda iti apuy ti benneg ti daga a kukuak?” 32  Gapuna ni Absalom kinunana ken Joab: “Adtoy! Nagbaonak kenka, a kinunak, ‘Umayka ditoy ket bay-am nga ibaonka iti ari, a kunaem: “Apay nga immayak manipud Gesur?+ Nasaysayaat koma nga addaak pay laeng sadiay. Ket ita ipalubosmo a kitaek ti rupa ti ari ket, no adda aniaman a biddut kaniak,+ masapul ngarud a papatayennak.”’” 33  Kalpasanna simrek ni Joab a napan iti ari ket imbagana kenkuana. Kalpasanna inayabanna ni Absalom, a simrek ita a napan iti ari ket inruknoyna kenkuana ti bagina, nga inkurnona ti rupana iti daga iti sango ti ari; a kalpasan dayta ti ari inagkanna ni Absalom.+

Footnotes