Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Samuel 11:1-27

11  Ket naaramid iti panangrugi ti tawen,+ iti tiempo a rummuar a dumarup ti ar-ari,+ a ni David imbaonna ni Joab ken dagiti adipenna a naikuyog kenkuana ken ti intero nga Israel, tapno dadaelenda ti annak ni Ammon+ ken lakubenda ti Rabba,+ bayat nga agnanaed idi ni David idiay Jerusalem.  Ket naaramid idi rumabii a ni David bimmangon iti pagiddaanna ket nagpagnapagna iti pangatepan+ ti balay ti ari; ket manipud pangatepan naimatanganna+ ti maysa a babai nga agdigdigus, ket ti babai nasayaat unay ti langana.+  Idin nagbaon ni David ket nagimtuod maipapan iti babai+ ket adda nagkuna: “Saan kadi a daytoy ni Bat-seba+ nga anak ni Eliam+ nga asawa ni Urias+ a Heteo?”+  Kalpasan dayta nangibaon ni David kadagiti mensahero tapno maalana.+ Gapuna ti babai simrek a napan kenkuana+ ket nakikaidda iti babai,+ bayat a sansantipikarenna ti bagina manipud kinarugitna.+ Idi agangay nagsubli ti babai iti balayna.  Ket nagsikog ti babai. Iti kasta nagbaon ket imbagana ken David ket kinunana: “Masikogak.”  Gapu itoy ni David nagbaon ken Joab, a kunkunana: “Ibaonmo kaniak ni Urias a Heteo.” Gapuna ni Joab imbaonna ni Urias a mapan ken David.  Idi dimteng kenkuana ni Urias, rinugian ni David nga imtuoden no kasano ti kasasaad ni Joab ken no kasano ti kasasaad dagiti tattao ken no kasano ti kasasaad ti gubat.  Kamaudiananna ni David kinunana ken Urias: “Sumalogka a mapan iti balaymo ket bugguam dagita sakam.”+ Iti kasta rimmuar ni Urias manipud balay ti ari, ket ti pammadayaw a sagut ti ari naisaruno kenkuana.  Nupay kasta, nagidda ni Urias iti pagserkan ti balay ti ari a kaduana ti amin a sabsabali nga adipen ti apona, ket saan a simmalog a napan iti bukodna a balay. 10  Gapuna imbagada ken David, a kinunada: “Saan a simmalog ni Urias iti bukodna a balay.” Kalpasan dayta ni David kinunana ken Urias: “Naggapuka iti panagbaniaga, saan kadi? Apay a saanka a simmalog a mapan iti bukodmo a balay?” 11  Gapu itoy ni Urias kinunana ken David: “Ti Lakasa+ ken ti Israel ken ti Juda agnanaedda kadagiti abong-abong, ket ni apok a Joab ken dagiti adipen ti apok+ agpakpakarsoda iti kataytay-akan, ket siak—sumrekakto kadi iti bukodko a balay tapno mangan ken uminumak ken tapno makikaiddaak iti asawak?+ Kas sibibiagka ken kas sibibiag ti kararuam,+ saankonto nga aramiden daytoy a banag!” 12  Idin ni David kinunana ken Urias: “Agtalinaedka met ditoy ita nga aldaw, ket inton bigat palubosankanto.” Ngarud nagtalinaed ni Urias idiay Jerusalem iti dayta nga aldaw ken iti sumaruno nga aldaw. 13  Kanayonanna, inayaban ni David tapno mangan iti sangona ken uminum. Gapuna binartekna.+ Nupay kasta, isu rimmuar iti rabii tapno agidda iti pagiddaanna a kaduana dagiti adipen ti apona, ket saan a simmalog a napan iti bukodna a balay. 14  Ket naaramid iti bigat a nagsurat ni David iti maysa a surat+ ken Joab ket impatulodna iti ima ni Urias. 15  Gapuna insuratna iti surat, a kinunana:+ “Isaadyo ni Urias iti sanguanan dagiti kapeggadan a linia ti bakal,+ ket dakayo agtalawkayto iti likudanna, ket isu masapul a makabil ken matay.”+ 16  Ket naaramid a bayat a bambantayan ni Joab ti siudad pinagtalinaedna ni Urias iti lugar nga ammona nga adda mamaingel a lallaki.+ 17  Idi a rimmuar dagiti lallaki ti siudad ket nakirupakda ken Joab, idin sumagmamano kadagiti tattao, dagiti adipen ni David, napasagda ket natay met ni Urias a Heteo.+ 18  Nagbaon ita ni Joab tapno maipadamagna ken David ti amin a bambanag ti gubat. 19  Ket binilinna ti mensahero, a kunkunana: “Apaman a malpasmo a sawen iti ari maipapan kadagiti amin a banag ti gubat, 20  ngarud mapasamakto a no sumged ti pungtot ti ari ket kunaenna kenka, ‘Apay a masapul nga umasidegkayo unay a makirupak iti siudad? Saanyo kadi nga ammo nga agpanada manipud rabaw ti pader? 21  Siasino aya ti nangpapatay ken Abimelec+ nga anak ni Jerubbeset?+ Saan kadi a maysa a babai a nangitapuak iti makinrabaw a bato ti gilingan kenkuana+ manipud iti rabaw ti pader iti kasta natay idiay Tebes?+ Apay a masapul nga umasidegkayo unay iti pader?’ kunaemto met, ‘Ni adipenmo nga Urias a Heteo natay met.’”+ 22  Gapuna napan ti mensahero ket dimteng ket imbagana ken David maipapan iti amin a nangibaonan kenkuana ni Joab. 23  Ket ti mensahero kinunana ken David: “Nagbalin a nabilbileg dagiti lallaki ngem dakami, iti kasta rimmuarda a maibusor kadakami iti tay-ak; ngem sinarsarunsonmi ida agingga iti mismo a pagserkan ti ruangan. 24  Ket dagiti bumibiat intultuloyda a pinana dagiti adipenmo manipud rabaw ti pader,+ iti kasta natay ti sumagmamano kadagiti adipen ti ari; ket ni adipenmo nga Urias a Heteo natay met.”+ 25  Iti kasta kinuna ni David iti mensahero: “Daytoy ti sawemto ken Joab, ‘Dika bay-an nga agparang a dakes kadagita matam daytoy a banag, ta ti kampilan ibusenna+ ti maysa a kas met laeng ti sabali. Pabilgem ti pannakibakalmo iti siudad ket rebbaem.’+ Ket isu paregtaem.” 26  Ket nangngeg ti asawa ni Urias a natayen ni Urias nga asawana, ket rinugianna a dung-awan+ ti makinkukua kenkuana.+ 27  Idi napalabasen ti periodo ti panagleddaang,+ nagbaon a dagus ni David ket inyawidna iti balayna, ket nagbalin nga asawana.+ Idi agangay nangipasngay kenkuana iti anak a lalaki, ngem ti banag nga inaramid ni David nagparang a dakes+ kadagiti mata+ ni Jehova.

Footnotes