Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

2 Samuel 10:1-19

10  Ket naaramid kalpasanna a ti ari ti annak ni Ammon+ natay, ket ni Hanun nga anakna nangrugi nga agturay imbes nga isu.+  Gapu itoy kinuna ni David: “Watwatek ti naayat a kinamanangngaasi maipaay ken Hanun nga anak ni Nahas, kas iti panangwatwat ni amana iti naayat a kinamanangngaasi maipaay kaniak.”+ Gapuna nagbaon ni David babaen kadagiti adipenna+ tapno liwliwaenda gapu ken amana, ket dagiti adipen ni David dimtengda idiay daga ti annak ni Ammon.  Nupay kasta, dagiti piprinsipe ti annak ni Ammon kinunada ken Hanun nga apoda: “Padayawan kadi ni David ti amam kadagita matam ta nangibaon kenka kadagiti manangliwliwa? Saan kadi nga imbaon kenka ni David dagiti adipenna maipagapu iti panangsukimat iti siudad ken tapno simisimen+ dayta ken tapno dupraken dayta?”+  Gapuna innala ni Hanun dagiti adipen ni David ket kiniskisna ti kagudua dagiti barbasda+ ket pinutedna a ginudua dagiti kawesda agingga kadagiti patongda ket pinapanawna ida.+  Idi agangay impadamag dayta dagiti umili ken David, ket madagdagus a nagbaon iti sumabet kadakuada, agsipud ta nakarikna dagiti lallaki iti pannakaipababa unay; ket kinuna ti ari: “Agnaedkayo idiay Jerico+ agingga a pumuskol dagiti barbasyo. Kalpasanna agsublikayto.”  Idi agangay nakita ti annak ni Ammon a nagbalinda a naangot+ ken David, ket nagbaon ti annak ni Ammon ken nangtangdanda kadagiti Sirio ti Bet-rehob+ ken kadagiti Sirio ti Zoba,+ duapulo a ribu a lallaki a magmagna, ken iti ari ti Maaca,+ sangaribu a lallaki, ken iti Istob, sangapulo ket dua a ribu a lallaki.  Idi nangngeg dayta ni David, ngarud imbaonna ni Joab ken ti intero a buyot ken dagiti nabileg a lallaki.+  Ket nangrugi a rummuar ti annak ni Ammon ket naguurnosda iti pannakibakal idiay pagserkan ti ruangan, kasta met dagiti Sirio ti Zoba ken ti Rehob,+ ken Istob ken Maaca a sangsangkatiponda idiay nawayang a tay-ak.+  Idi nakita ni Joab a dagiti pangdarup ti bakal maibusorda idi kenkuana manipud iti sango ken manipud iti likudan, dagus a nangpili iti sumagmamano kadagiti amin a napili+ a lallaki iti Israel ket pinaguurnosna ida a sumabet kadagiti Sirio. 10  Ket ti natedda kadagiti tattao intedna iti ima ni Abisai+ a kabsatna, tapno mapaguurnosna ida a sumabet iti annak ni Ammon.+ 11  Ket kinunana: “No dagiti Sirio agbalinda a napigsa unay kaniak, ngarud agserbikanto a pakaisalakanak; ngem no dagiti met laeng annak ni Ammon agbalinda a napigsa unay kenka, umaykanto met isalakan.+ 12  Bumilegka, tapno maipakitata a naturedta+ maigapu kadagiti kailiantayo ken maigapu kadagiti siudad ti Diostayo;+ ket no maipapan ken Jehova, aramidennanto no ania ti naimbag kadagiti bukodna a mata.”+ 13  Idin ni Joab ken dagiti tattao a naikuyog kenkuana dimmarupda iti pannakibakal kadagiti Sirio, ket nagtalawda iti sanguananna.+ 14  No maipapan iti annak ni Ammon, nakitada a nagtaray dagiti Sirio, ket nagtalawda iti sanguanan ni Abisai ket ngarud simrekda iti siudad.+ Kalpasan dayta nagsubli ni Joab manipud iti annak ni Ammon ket dimteng idiay Jerusalem.+ 15  Idi nakita dagiti Sirio a naabakdan iti sanguanan ti Israel, naguurnongda a sangsangkamaysa. 16  Gapuna nagbaon ni Hadadezer+ ket inruarna dagiti Sirio nga adda iti rehion ti Karayan;+ ket kalpasanna dimtengda iti Helam, a ni Sobac+ a panguluen ti buyot ni Hadadezer ti adda iti sangoda. 17  Idi naipadamag ken David, dagus nga inummongna ti intero nga Israel ket bimmallasiw iti Jordan ket dimteng iti Helam. Dagiti Sirio naguurnosda ita a sumabet ken David ket nangrugida a makirupak kenkuana.+ 18  Ket nagtalaw dagiti Sirio+ iti sanguanan ti Israel; ket ni David nakapapatay kadagiti Sirio iti pito gasut a kumakaruahe+ ken uppat a pulo a ribu a kumakabalio, ket ni Sobac a panguluen ti buyotda kinabilna iti kasta natay sadiay.+ 19  Idi a ti amin nga ar-ari,+ dagiti adipen ni Hadadezer, nakitada a naabakdan iti sanguanan ti Israel,+ nakikappiada a dagus iti Israel ket nangrugida nga agserbi kadakuada;+ ket nagbutengen dagiti Sirio a mangpadas a mangisalakan iti annak ni Ammon.+

Footnotes