Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Samuel 1:1-27

1  Ket naaramid kalpasan ti ipapatay ni Saul, ken idi a ni David nagsubli manipud panangkabilna kadagiti Amalekita,+ a nagtultuloy nga agnaed ni David idiay Siclag+ iti dua nga aldaw.  Ket naaramid iti maikatlo nga aldaw nga, adtoy! um-umay ti maysa a lalaki+ manipud iti pakarso, manipud ken Saul, a naray-ab dagiti kawesna+ ken narugit ti rabaw ti ulona;+ ket naaramid nga idi dimteng ken David, madagdagus a nagpasag iti daga+ ket inruknoyna ti bagina.  Ket kinuna kenkuana ni David: “Sadino ti naggapuam?” nga iti dayta kinunana kenkuana: “Naglibasak manipud pakarso ti Israel.”  Ket kinuna kenkuana ni David: “Ania ti napasamaken? Ibagam kaniak, pangngaasim.” Iti daytoy kinunana: “Nagtalaw dagiti umili manipud iti bakal ken kasta met nga adu kadagiti umili ti napasag iti kasta natayda,+ ket uray ni Saul+ ken ni Jonatan+ nga anakna natayda.”  Idin kinuna ni David iti agtutubo a lalaki nga agibagbaga idi kenkuana: “Kasano a pudno nga ammom a natay ni Saul ken kasta met ni Jonatan nga anakna?”+  Gapu itoy kinuna ti agtutubo a lalaki nga agibagbaga idi kenkuana: “Di ninamnama a naisar-ongak iti Bantay Gilboa,+ ket adda idi ni Saul a nakasammaked iti pikana;+ ket, adtoy! isu nakamakam dagiti kumakaruahe ken dagiti nakasakay a lallaki.+  Idi timmaliaw ket nakitanak, ngarud inayabannak, ket kinunak, ‘Adtoyak!’  Ket kinunana kaniak, ‘Siasinoka?’ nga iti dayta kinunak kenkuana, ‘Maysaak nga Amalekita.’+  Kalpasanna kinunana, ‘Agtakderka, pangngaasim, iti dennak ket siguraduem a papatayennak, ta nagbettedak, agsipud ta ti intero a kararuak+ adda pay laeng kaniak.’ 10  Gapuna nagtakderak iti dennana ket siniguradok a pinapatay,+ ta ammok a saanen nga agbiag kalpasan ti pannakapasagna. Kalpasanna innalak ti balangat+ nga adda idi iti ulona ken ti pulseras nga adda idi iti takiagna, tapno maiyegko ida iti apok ditoy.” 11  Gapu itoy iniggaman ni David dagiti kawesna ket rinay-abna ida,+ ket kasta met ti inaramid dagiti amin a lallaki a naikuyog kenkuana. 12  Ket nangrugida nga agdung-aw ken agsangit+ ken agayunar+ agingga iti rabii gapu ken Saul ken gapu ken Jonatan nga anakna ken gapu iti ili ni Jehova ken gapu iti balay ti Israel,+ agsipud ta napasagda babaen ti kampilan. 13  Kinuna ita ni David iti agtutubo a lalaki nga agibagbaga idi kenkuana: “Tagaanoka?” nga iti dayta kinunana: “Siak ti anak ti maysa a ganggannaet nga agnanaed, maysa nga Amalekita.”+ 14  Idin kinuna kenkuana ni David: “Kasano a saanka a nagbuteng+ a mangyunnat iti imam a mangdadael iti pinulotan+ ni Jehova?” 15  Gapuna inayaban ni David ti maysa kadagiti agtutubo a lallaki ket kinunana: “Asitgam. Kabilem.” Gapuna kinabilna iti kasta natay.+ 16  Kalpasanna kinuna kenkuana ni David: “Ti panagbasol iti dara maigapu kenka maiparabaw koma iti bukodmo nga ulo,+ agsipud ta ti bukodmo a ngiwat nangpaneknek maibusor kenka,+ a kinunana, ‘Siak silalawag a pinapatayko ti pinulotan ni Jehova.’”+ 17  Ket indayyeng ni David daytoy a dung-aw+ ken Saul ken ni Jonatan nga anakna+ 18  ket kinunana a rebbeng a maisuro iti annak ti Juda+ “Ti Bai.”+ Adtoy! Naisurat dayta iti libro ni Jasar:+ 19  “Ti pintas, O Israel, napapatay kadagiti nangato a dissom.+ Anian a pannakapasag dagiti nabileg a lallaki! 20  Dikay ibaga dayta idiay Gat;+ Dikay iwaragawag kadagiti kalsada ti Ascalon,+ Ta amangan no agrag-o ti annak a babbai dagiti Filisteo, Ta amangan no agrag-o ti annak a babbai dagiti di nakugit a lallaki.+ 21  Dakayo a bambantay ti Gilboa,+ awan koma ti linnaaw, awan koma ti tudo kadakayo, awan met koma ti taltalon dagiti nasantuan a kontribusion;+ Agsipud ta narugitan sadiay ti kalasag dagidiay nabileg, Ti kalasag ni Saul, iti kasta awan napulotan iti lana.+ 22  Manipud iti dara ti napapatay, manipud iti taba dagidiay nabileg, Ti bai ni Jonatan saan a nagbaw-ing,+ Ket ti kampilan ni Saul saan nga agsubli nga awanan balligi.+ 23  Da Saul ken Jonatan,+ dagidiay maay-ayat ken dagidiay makaay-ayo bayat ti panagbiagda, Ket iti ipapatayda saanda a napagsina.+ Nasigsiglatda ngem kadagiti agila,+ Nabilbilegda ngem kadagiti leon.+ 24  Dakayo nga annak a babbai ti Israel, sangitanyo ni Saul, A nangkawes kadakayo iti eskarlata nga addaan arko-arkos, A nangikapet kadagiti arkos a balitok iti pagan-anayyo.+ 25  Anian a pannakapasag dagidiay nabileg iti tengnga ti bakal!+ Napapatay ni Jonatan kadagiti nangato a dissom!+ 26  Agladladingitak gapu kenka, kabsatko a Jonatan, Makaay-ayoka unay idi kaniak.+ Ad-adda a nakaskasdaaw ti ayatmo kaniak ngem ti ayat manipud kadagiti babbai.+ 27  Anian a pannakapasag dagidiay nabileg+ Ken pannakapukaw dagiti igam ti gubat!”

Footnotes