Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Pedro 2:1-22

2  Nupay kasta, adda met idi dagiti ulbod a mammadto iti nagtetengngaan dagiti tattao, a kas met ti kaaddanto dagiti ulbod a mannursuro iti nagtetengngaanyo.+ Dagitoy a mismo siuulimek nga iserrekdanto dagiti makadadael a sekta ket paglikudandanto uray pay ti makinkukua a nanggatang kadakuada,+ nga iyegda iti bagbagida ti napardas a pannakadadael.  Kanayonanna pay, adunto ti sumurot+ kadagiti aramidda a nalulok a kababalin,+ ket maigapu kadagitoy mapagsawanto a sibabassawang ti dalan ti kinapudno.+  Kasta met, buyogen ti kinaagum gundawayandakayto babaen iti parparbo a sasao.+ Ngem no maipapan kadakuada, ti pannakaukom manipud idi ugma+ saan nga agtigtignay a sibabannayat, ket ti pannakadadaelda saan a matmaturog.+  Pudno unay no ti Dios saan a nagteppel a mangdusa kadagiti anghel+ a nagbasol, no di ket, babaen ti panangitapuakna kadakuada idiay Tartaro,+ impanna ida kadagiti abut ti napuskol a kinasipnget tapno maidulinda a maipaay iti pannakaukom;+  ket saan a nagteppel a mangdusa iti kadaanan a lubong,+ ngem inaywananna ni Noe, maysa a manangaskasaba iti kinalinteg,+ a sitatalged agraman ti pito a sabsabali pay+ idi nangyeg iti layus+ iti lubong dagiti di nadiosan a tattao;  ket babaen ti panangpadapo kadagiti siudad ti Sodoma ken Gomorra kinondenarna ida,+ a nangipasdek iti pagtuladan maipaay kadagiti di nadiosan a tattao maipapan iti bambanag nga umay;+  ket inispalna ni nalinteg a Lot,+ a nariribukan unay iti panagpennek dagiti managsalungasing-linteg a tattao iti nalulok a kababalin+  ta dayta a nalinteg a tao babaen iti nakita ken nangngegna bayat a makipagnanaed iti tengngada iti inaldaw-aldaw ket matutuok idi ti nalinteg a kararuana maigapu iti nakillo nga ar-aramidda—  ammo ni Jehova no kasano ti mangispal kadagiti tattao nga addaan nadiosan a debosion manipud iti pannakasuot,+ ngem isaganana dagiti nakillo a tattao maipaay iti aldaw a panangukom tapno magessatda,+ 10  nangnangruna, nupay kasta, dagidiay sumursurot iti lasag buyogen ti tarigagay a panangtulaw iti dayta+ ken dagidiay mangum-umsi iti kinaapo.+ Nakarit, manangipapilit, saanda nga agpigerger kadagidiay nadayag no di ket agsaoda a sibabassawang,+ 11  idinto ta dagiti anghel, nupay dakdakkelda iti bileg ken pannakabalin, saanda a mangyeg iti pammabasol maibusor kadakuada iti nabassawang a sasao,+ saanda nga ar-aramiden ti kasta gapu iti panagraem ken Jehova.+ 12  Ngem dagitoy a tattao, kas awanan nakem nga an-animal a nainkasigudan a nayanak tapno matiliw ken madadael, ket, gapu iti bambanag a maipapan kadagita ignoranteda ken agsaoda a sibabassawang,+ sagabaendanto uray pay ti pannakadadael iti bukodda a turongen ti pannakadadael, 13  a rangranggasanda ti bagbagida+ kas supapak ti dakes nga aramid.+ Ibilangda kas pagraragsakan ti naluho a panagbiag iti aldaw.+ Isuda ket mulit ken pakapilawan, a naigamerda buyogen ti di matngelan a panagragragsak iti makaallilaw a sursuroda bayat a makidaydayada a sangsangkamaysa kadakayo.+ 14  Addaanda kadagiti mata a napno iti pannakikamalala+ ket saanda a kabaelan ti sumardeng iti basol,+ ket sulbogenda dagiti di agtaltalinaed a kararua. Addaanda iti puso a nasanay iti kinaagum.+ Nailunodda nga annak.+ 15  Idi binaybay-anda ti nalinteg a dana, nayaw-awanda. Sinurotda ti dana ni Balaam,+ nga anak ni Beor, a nagayat iti gunggona ti dakes nga aramid,+ 16  ngem immawat iti pannakatubngar iti bukodna a panangsalungasing iti umiso.+ Maysa nga awan timekna nga animal a pagtrabaho, a nagsao iti timek ti maysa a tao,+ ti nanglapped iti minamauyong a turongen ti mammadto.+ 17  Dagitoy ket ub-ubbog nga awanan danum,+ ken ang-angep nga itayab ti nadawel a bagyo, ket naisagana a maipaay kadakuada ti kinangisit ti sipnget.+ 18  Ta mangyebkasda iti napalangguad a sasao a di makagunggona, ket babaen kadagiti tarigagay ti lasag+ ken babaen kadagiti nalulok nga ugali sulbogenda+ dagidiay lumaplapsut+ pay laeng kadagiti tattao nga agbibiag iti biddut. 19  Bayat nga ikarkarianda ida iti wayawaya,+ isuda addada nga ad-adipen ti panagrupsa.+ Ta siasinoman a parmeken ti sabali ket adipenen daytoy.+ 20  Pudno unay a no, kalpasan a nakalapsutdan kadagiti pakatulawan ti lubong+ babaen ti umiso a pannakaammo iti Apo ken Manangisalakan a ni Jesu-Kristo, maigamerda manen kadagitoy met laeng a banag ken maparmekda,+ dagiti kamaudianan a kasasaad nagbalin a dakdakes kadakuada ngem iti immuna.+ 21  Ta nasaysayaat koma a saanda a siuumiso a naammuan ti dana ti kinalinteg+ ngem iti kalpasan a siuumiso a naammuanda dayta umadayoda iti nasantuan a bilin a nayawat kadakuada.+ 22  Napasamak kadakuada ti sasao ti pudno a proverbio: “Ti aso+ nagsubli iti bukodna a sarwa, ken ti nadigus a takong iti panagtulidtulid iti kapitakan.”+

Footnotes