Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Cronicas 9:1-31

9  Ket ti met laeng reyna ti Sheba+ nangngegna ti damag maipapan ken Solomon, ket immay tapno subokenna ni Solomon idiay Jerusalem babaen kadagiti makatikaw a saludsod,+ agraman ti maysa a makapasiddaaw unay a paraipus ken kamkamelio+ a mangaw-awit iti lana ti balsamo,+ ken balitok+ a nakaad-adu unay, ken napateg a batbato.+ Idi agangay napan ken Solomon ket nakisao kenkuana maipapan iti isuamin nga asideg idi iti pusona.+  Ni Solomon, kalpasanna, insaritana kenkuana ti amin a bambanagna,+ ket awan ti banag a nailemmeng ken Solomon a saanna nga insarita kenkuana.+  Idi a nakita ti reyna ti Sheba ti kinasirib ni Solomon+ ken ti balay nga imbangonna,+  ken ti taraon iti lamisaanna+ ken ti panagtugaw dagiti adipenna ken ti panagserbi-iti-lamisaan dagiti serbidorna ken ti pagan-anayda+ ken ti mangiserserbi kenkuana iti inumen+ ken ti pagan-anayda, ken dagiti mapuoran a sakripisiona+ a regular nga indatonna iti balay ni Jehova,+ iti kasta awanen ti espiritu kenkuana.  Gapuna kinunana iti ari: “Pudno ti sao a nangngegko idiay bukodko a daga maipapan iti bambanagmo ken maipapan iti kinasiribmo.+  Ket saanak a naaddaan iti pammati+ kadagiti saoda agingga nga immayak tapno makita koma dagiti bukodko a mata;+ ket, adtoy! saan a naibaga kaniak ti kagudua ti kinaruay ti kinasiribmo.+ Linab-awam ti damag a nangngegko.+  Naragsak+ dagiti lallakim, ket naragsak dagitoy nga adipenmo nga agtaktakder a patinayon iti sanguanam ken umim-imdeng iti kinasiribmo.+  Mabendito koma ni Jehova a Diosmo,+ a naragsakan+ kenka babaen ti panangisaadna kenka iti tronona+ kas ari maipaay ken Jehova a Diosmo;+ agsipud ta ti Diosmo inayatna+ ti Israel, tapno pagtalinaedenna dayta agingga iti tiempo a di nakedngan, iti kasta insaadnaka kadakuada kas ari+ tapno ipakatmo ti hudisial a pangngeddeng+ ken kinalinteg.”+  Kalpasanna nangted iti ari iti sangagasut ket duapulo a talento a balitok,+ ken nakaad-adu unay a lana ti balsamo,+ ken napateg a batbato;+ ket awanen idi ti kaasping dayta a lana ti balsamo nga inted ti reyna ti Sheba ken Ari Solomon.+ 10  Ket, malaksid iti dayta, dagiti adipen ni Hiram+ ken dagiti adipen ni Solomon a nangyeg iti balitok+ manipud Ofir nangyegda iti kaykayo dagiti algum+ ken iti napateg a batbato.+ 11  Ket manipud kaykayo dagiti algum nangaramid ti ari kadagiti agdan+ maipaay iti balay ni Jehova ken maipaay iti balay ti ari+ ken kasta met kadagiti arpa+ ken kadagiti pagtokar nga adda kuerdasna+ maipaay kadagiti kumakanta,+ ket ti kaaspingda saan pay a pulos nakita sakbayna iti daga ti Juda. 12  Ket ni met laeng Ari Solomon intedna iti reyna+ ti Sheba ti isuamin a pakaragsakanna a kiniddawna, malaksid ti pateg ti inyegna iti ari. Gapuna nagbaw-ing ket napan iti bukodna a daga, isu agraman dagiti adipenna.+ 13  Ket ti dagsen ti balitok a dimteng ken Solomon iti maysa a tawen nagdagup iti innem a gasut innem a pulo ket innem a talento a balitok,+ 14  malaksid iti naggapu kadagiti lallaki nga agdaldaliasat ken kadagiti komersiante+ a nagiyeg ken iti amin nga ar-ari dagiti Arabo+ ken kadagiti gobernador ti daga a nagiyeg iti balitok ken pirak ken Solomon. 15  Ket nangaramid ni Ari Solomon iti dua gasut a dadakkel a kalasag a balitok a nagamporan+ (innem a gasut a siklo a balitok a nagamporan ti inkabilna iti tunggal dakkel a kalasag),+ 16  ken tallo gasut a sarapa a balitok a nagamporan (tallo a mina a balitok ti inkabilna iti tunggal sarapa).+ Kalpasanna inkabil ida ti ari idiay Balay ti Bakir ti Libano.+ 17  Kanayonanna, ti ari nangaramid iti dakkel a trono a marfil ket kinalupkopanna iti puro a balitok.+ 18  Ket adda innem a tukad agingga iti trono, ket adda balitok a pagbatayan ti saka agingga iti trono (nagkinnapetda), ket adda pagipatayan iti takiag iti daytoy a sikigan ken iti dayta a sikigan iti igid ti pagtugawan, ket dua a leon+ ti sitatakder iti sibay dagiti pagipatayan iti takiag.+ 19  Ket adda sangapulo ket dua a leon+ a sitatakder sadiay iti rabaw ti innem a tukad iti daytoy a sikigan ken iti dayta a sikigan. Awanen ti sabali pay a pagarian a nakaaramid iti aniaman a kaasping dayta.+ 20  Ket amin dagiti basehas a paginuman+ ni Ari Solomon naaramid iti balitok,+ ken amin dagiti basehas iti Balay ti Bakir ti Libano+ naaramid iti puro a balitok. Awan ti naaramid iti pirak; naibilang dayta kas awan a pulos kapapay-anna+ idi kaaldawan ni Solomon. 21  Ta dagiti barko a kukua ti ari napanda idiay Tarsis+ a naikuyog kadagiti adipen ni Hiram.+ Maminsan iti tunggal tallo a tawen dumteng dagiti barko ti Tarsis, a nagkarga iti balitok ken pirak,+ marfil,+ ken bakbakes ken kadagiti paboreal.+ 22  Gapuna ni Ari Solomon dakdakkel idi ngem iti amin a sabsabali nga ar-ari iti daga no iti kinabaknang+ ken kinasirib.+ 23  Ket ti amin nga ar-ari iti daga sapsapulenda+ idi ti rupa ni Solomon tapno denggenda ti siribna,+ nga inkabil ti pudno a Dios iti pusona.+ 24  Ket nangyegda tunggal maysa iti sagutna,+ ar-aruaten a pirak ken ar-aruaten a balitok+ ken kawkawes,+ armas ken lana ti balsamo, kabkabalio ken mulmulo kas tinawen a kadawyan nga aramid.+ 25  Ket ni Solomon naaddaan iti uppat a ribu a kuadra ti kabkabalio+ ken karkaruahe+ ken sangapulo ket dua a ribu a kabalio a pakigubat, ket pinagtalinaedna ida a naisaad kadagiti siudad ti karuahe+ ken asideg iti ari idiay Jerusalem. 26  Ket nagturay iti amin nga ar-ari manipud iti Karayan agingga iti daga dagiti Filisteo ken agingga iti beddeng ti Egipto.+ 27  Kanayonanna pay, ti ari pinagbalinna ti pirak idiay Jerusalem a kasla kadagiti bato; ket ti sedro a kayo pinagbalinna a kasla kadagiti kayo a sikomoro+ nga adda idiay Sefela+ gapu iti kinaruayda.+ 28  Ket adda idi dagidiay mangiruar kadagiti kabalio+ a maipaay ken Solomon manipud Egipto+ ken manipud iti amin a sabsabali a daga. 29  No maipapan iti dadduma pay kadagiti pasamak ni Solomon,+ ti umuna ken ti maudi, saanda aya a naisurat kadagiti sao ni Natan+ a mammadto ken iti padto ni Ahias+ a Silonita+ ken iti pakasalaysayan dagiti sirmata ni Iddo+ a managsirmata maipapan ken Jeroboam+ nga anak ni Nebat?+ 30  Ket ni Solomon nagtultuloy nga agturay idiay Jerusalem iti intero nga Israel iti uppat a pulo a tawen. 31  Kamaudiananna nakikaidda ni Solomon kadagidi ammana. Gapuna intabonda idiay Siudad ni David nga amana;+ ket ni Rehoboam+ nga anakna nangrugi nga agturay a mangsandi kenkuana.+

Footnotes