Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Cronicas 8:1-18

8  Ket naaramid iti ngudo ti duapulo a tawen,+ a panangibangon ni Solomon iti balay ni Jehova+ ken iti bukodna a balay,+  a dagiti siudad nga inted ni Hiram+ ken Solomon—binangon ida manen ni Solomon ket kalpasanna pinagnaedna sadiay ti annak ti Israel.  Kanayonanna pay, napan ni Solomon idiay Hamat-zoba ket inabakna dayta.  Kalpasanna binangonna manen ti Tadmor idiay let-ang ken amin dagiti siudad a pagidulinan+ a binangonna idiay Hamat.+  Ket binangonna ti Makinngato a Bet-horon+ ken ti Makimbaba a Bet-horon,+ dagiti nasarikedkedan a siudad nga addaan padpader,+ ruruangan ken balunet,+  ken ti Baalat+ ken amin dagiti siudad a pagidulinan a nagbalin a kukua ni Solomon ken amin dagiti siudad ti karuahe+ ken dagiti siudad a maipaay kadagiti kumakabalio+ ken tunggal matarigagayan a banag ni Solomon+ a tinarigagayanna nga ibangon idiay Jerusalem ken idiay Libano+ ken iti intero a daga a pagturayanna.  No maipapan iti amin a tattao a natedda kadagiti Heteo+ ken kadagiti Amoreo+ ken kadagiti Perizeo+ ken kadagiti Heveo+ ken kadagiti Jebuseo,+ a saan a paset ti Israel,+  manipud iti annakda a nabatida iti daga, isuda a saan a tinalipupos ti annak ti Israel,+ nagtultuloy a nangalikagum ni Solomon+ kadagiti lallaki maipaay iti pinuersa a panagtrabaho agingga itoy nga aldaw.+  Ngem awan manipud iti annak ti Israel ti intuding ni Solomon a tagtagabo maipaay iti trabahona;+ ta mannakigubatda+ ken papanguluen dagiti ayudantena ken papanguluen dagiti kumakaruahena+ ken dagiti kumakabaliona.+ 10  Dagitoy ti papanguluen dagiti diputado+ a kukua ni Ari Solomon, dua gasut ket limapulo, dagiti kapatas nga agaywan kadagiti tattao.+ 11  Ket ti anak a babai ni Faraon+ insang-at ni Solomon manipud Siudad ni David+ a mapan iti balay nga imbangonna a maipaay kenkuana,+ ta kinunana: “Nupay asawak, saan a rebbeng nga agnaed iti balay ni David nga ari ti Israel, ta dagiti disso nga immayan ti lakasa ni Jehova nasantuanda a banag.”+ 12  Iti daydin a nagidaton ni Solomon kadagiti mapuoran a sakripisio+ ken Jehova iti rabaw ti altar+ ni Jehova nga imbangonna iti sango ti beranda,+ 13  a kas met laeng maysa nga inaldaw+ a kadawyan nga aramid ti panagidaton maitunos iti bilin ni Moises maipaay kadagiti sabbath+ ken maipaay kadagiti baro a bulan+ ken maipaay kadagiti naituding a piesta+ a mamitlo iti makatawen,+ iti piesta dagiti di pinaalsa a tinapay+ ken iti piesta dagiti lawas+ ken iti piesta dagiti abong-abong.+ 14  Kanayonanna, intudingna dagiti benneg+ ti papadi kadagiti panagserbida sigun iti pagannurotan ni David nga amana,+ ken dagiti Levita+ kadagiti pagsaadanda nga agannong, tapno agdaydayaw+ ken agserbida+ iti sanguanan ti papadi kas inaldaw a kadawyan nga aramid,+ ken dagiti agay-aywan iti ruangan kadagiti bennegda maipaay kadagiti nadumaduma a ruangan,+ ta kasta ti bilin ni David a lalaki ti pudno a Dios. 15  Ket saanda a simmina iti bilin ti ari iti papadi ken kadagiti Levita maipapan iti aniaman a banag ken maipapan kadagiti abasto.+ 16  Gapuna ti trabaho ni Solomon nakasagana aminen+ manipud aldaw a panangisaad iti pamuon ti balay ni Jehova agingga a nalpas dayta.+ Gapuna nairingpas ti balay ni Jehova.+ 17  Iti daydin a napan ni Solomon idiay Ezion-geber+ ken idiay Elot+ iti takdang ti baybay iti daga ti Edom.+ 18  Ket ni Hiram+ regular a nagipatulod kenkuana babaen kadagiti adipenna iti barbarko ken ad-adipen nga addaan pannakaammo iti baybay,+ ket mapanda idiay Ofir+ a maikuyog kadagiti adipen ni Solomon ket mangalada sadiay iti uppat a gasut ket limapulo a talento+ a balitok+ ket iyegda dayta ken Ari Solomon.+

Footnotes