Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Cronicas 7:1-22

7  Ita apaman a nalpas a nagkararag ni Solomon,+ ti met laeng apuy bimmaba manipud iti langlangit+ ket inibusna ti daton a mapuoran+ ken dagiti sakripisio, ket ti met laeng dayag ni Jehova+ pinunnona ti balay.  Ket saan a nabalinan ti papadi ti sumrek iti balay ni Jehova+ agsipud ta ti dayag ni Jehova pinunnona ti balay ni Jehova.  Ket ti amin nga annak ti Israel nagbuybuyada idi bimmaba ti apuy ken ti dayag ni Jehova adda iti balay, ket dagus a nagrukobda+ a dagiti rupada dumanon iti daga iti rabaw ti dappat ket inruknoyda+ ti bagbagida ket nagyamanda ken Jehova, “ta isu naimbag,+ ta ti naayat a kinamanangngaasina ket agingga iti tiempo a di nakedngan.”+  Ket ti ari ken amin dagiti umili agidatdatonda idi iti sakripisio iti sanguanan ni Jehova.+  Ket indaton ni Ari Solomon ti sakripisio a duapulo ket dua a ribu a baka ken sangagasut ket duapulo a ribu a karnero.+ Iti kasta ti ari ken amin dagiti umili inaguraranda+ ti balay ti pudno a Dios.  Ket agtaktakder idi ti papadi+ kadagiti pagsaadanda nga agannong, ken dagiti Levita+ nga addaanda kadagiti pagtokar iti kanta+ ken Jehova nga inaramid ni David+ nga ari a pagyaman ken Jehova, “ta ti naayat a kinamanangngaasina ket agingga iti tiempo a di nakedngan,” no mangipaay ni David iti dayaw babaen ti imada; ket ti papadi sipipigsa a pagunienda idi dagiti trumpeta+ iti sanguananda, bayat a sitatakder dagiti amin nga Israelita.  Idin sinantipikar ni Solomon+ ti tengnga ti paraangan nga adda iti sanguanan ti balay ni Jehova, agsipud ta sadiay indatagna dagiti daton a mapuoran+ ken ti taba a paspaset dagiti sakripisio a pakikaykaysa, ta ti altar a gambang+ nga inaramid ni Solomon saanna a kabaelan a laonen ti daton a mapuoran ken ti daton a bukbukel+ ken ti taba a paspaset.+  Ket inangay ni Solomon ti piesta+ iti dayta a tiempo iti pito nga aldaw, ken ti intero nga Israel a naikuyog kenkuana,+ maysa a dakkel unay a kongregasion+ manipud seserkan ti Hamat+ agingga idiay naapres a ginget ti Egipto.+  Ngem iti maikawalo nga aldaw nangangayda iti nadaeg nga asamblea,+ agsipud ta ti inagurasion ti altar inangaydan iti pito nga aldaw ken ti piesta iti pito nga aldaw. 10  Ket iti maikaduapulo ket tallo nga aldaw ti maikapito a bulan pinagawidna dagiti umili kadagiti pagtaenganda, narag-o+ ken nasayaat ti panagrikna ti pusoda gapu iti kinaimbag+ nga inaramid ni Jehova maipaay ken David ken maipaay ken Solomon ken maipaay iti Israel nga ilina.+ 11  Iti kasta nalpas ni Solomon ti balay ni Jehova+ ken ti balay ti ari;+ ket isu nagballigi iti isuamin nga immapay iti puso ni Solomon nga aramidenna maipapan iti balay ni Jehova ken iti bukodna a balay. 12  Ni Jehova nagparang+ ita ken Solomon bayat iti rabii ket kinunana kenkuana: “Nangngegko ti kararagmo,+ ket pinilik+ daytoy a lugar maipaay kaniak kas maysa a balay ti sakripisio.+ 13  No rikpak ti langlangit iti kasta awan dumteng a tudo+ ken no ibilinko kadagiti rumsa a lamutenda ti daga+ ken no mangibaonak iti angol iti tengnga ti ilik,+ 14  ket ti ilik+ a nakayawagan ti naganko+ ipakumbabada+ ti bagbagida ket agkararagda+ ken sapulenda ti rupak+ ket tumallikudda iti dakes a daldalanda,+ no kasta siak denggekto manipud langlangit+ ket pakawanek ti basolda,+ ket paimbagekto ti dagada.+ 15  Ita silulukatto dagiti bukodko a mata+ ken siiimdeng dagiti lapayagko+ iti kararag iti daytoy a lugar. 16  Ket ita piliek+ ken santipikarek daytoy a balay tapno ti naganko+ adda koma dita agingga iti tiempo a di nakedngan,+ ket dagiti matak ken ti pusok pudno unay nga addanto dita a kanayon.+ 17  “Ket no sika magnakanto iti sanguanak, kas iti pannagna ni David+ nga amam, babaen a mismo ti panagaramidmo maitunos iti amin nga imbilinko kenka,+ ket salimetmetamto dagiti alagadek+ ken dagiti hudisial a pangngeddengko,+ 18  ipasdekkonto met ti trono ti kinaarim,+ kas iti intulagko ken David nga amam,+ a kinunak, ‘Awanto ti magessat a lalaki kenka manipud panagturay iti Israel.’+ 19  Ngem no dakayo tumallikudkayo+ ket pudno a panawanyo dagiti paglintegak+ ken dagiti bilinko+ nga inkabilko iti sanguananyo, ket pudno a mapankayo ket agserbikayo kadagiti sabali a didios+ ket agruknoykayo kadakuada,+ 20  parutekto met ida manipud dagak nga intedko kadakuada;+ ket daytoy a balay a sinantipikarko+ a maipaay iti naganko, ibellengkonto manipud sanguanan ti rupak,+ ket pagbalinekto a maysa a pagkukuna a proverbio+ ken maysa a pangrurod iti tengnga ti amin nga il-ili.+ 21  No maipapan iti daytoy a balay a nagbalin a bumbunton dagiti rebba,+ tunggal maysa a lumabas iti dayta mulagatannanto a sisisiddaaw+ ket sigurado a kunaenna, ‘Iti ania a rason nga inaramid ni Jehova ti kasta iti daytoy a daga ken iti daytoy a balay?’+ 22  Ket kasapulanto a kunaenda, ‘Gapu dayta iti rason a pinanawanda ni Jehova+ a Dios dagidi ammada a nangiruar kadakuada manipud daga ti Egipto,+ ket kimpetda kadagiti sabali a didios+ ket nagruknoyda kadakuada ken nagserbida kadakuada.+ Dayta ti makagapu nga impagtengna kadakuada ti isuamin daytoy a didigra.’”+

Footnotes