Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Cronicas 6:1-42

6  Iti daydin a kinuna ni Solomon:+ “Kinuna a mismo ni Jehova nga isu agtaeng iti napuskol a daguyemyem;+  ket, iti biangko, imbangonanka iti balay a natan-ok a pagyanam+ ken iti naipasdek a disso a pagnaedam agingga iti tiempo a di nakedngan.”+  Kalpasanna ti ari insangona ti rupana ket rinugianna a bendisionan+ ti intero a kongregasion ti Israel, bayat a sitatakder idi ti intero a kongregasion ti Israel.+  Ket kinunana: “Bendito koma ni Jehova a Dios ti Israel,+ a babaen iti bukodna a ngiwat nagsao ken David nga amak+ ken babaen iti bukodna nga im-ima nangipaay iti kaitungpalan,+ a kunkunana,  ‘Manipud iti aldaw nga inruarko ti ilik manipud daga ti Egipto saanak a nangpili iti siudad manipud kadagiti amin a tribu ti Israel a mangibangon iti balay tapno maadda sadiay ti naganko,+ ket saanak a nangpili iti lalaki nga agbalin a panguluen iti ilik nga Israel.+  Ngem piliekto ti Jerusalem+ tapno maadda sadiay ti naganko, ket piliekto ni David tapno mamangulo iti ilik nga Israel.’+  Ket asideg idi iti puso ni David nga amak ti panangibangon iti balay a maipaay iti nagan ni Jehova a Dios ti Israel.+  Ngem ni Jehova kinunana ken David nga amak, ‘Iti rason nga asideg idi iti pusom ti panangibangon iti balay a maipaay iti naganko, naimbag ti inaramidmo agsipud ta asideg idi iti pusom.+  Isuna laeng ta saanto a sika ti mangibangon iti balay,+ no di ket ti anakmo nga aggapu kadagiti lomom isu ti mangibangonto iti balay a maipaay iti naganko.’+ 10  Ket intungpal ni Jehova ti saona+ a sinaona, tapno tumakderak iti saad ni David nga amak+ ket agtugawak iti trono+ ti Israel, kas iti sinao ni Jehova,+ ken tapno maibangonko ti balay a maipaay iti nagan ni Jehova a Dios ti Israel,+ 11  ken tapno maikabilko sadiay ti Lakasa+ nga ayan ti tulag ni Jehova a pinatalgedanna iti annak ti Israel.”+ 12  Ket nangrugi a nagtakder iti sango ti altar ni Jehova iti sanguanan ti intero a kongregasion ti Israel,+ ket inukradna ita dagiti dakulapna.+ 13  (Ta nangaramid ni Solomon iti plataporma+ a gambang ket kalpasanna inkabilna iti tengnga ti alug-og.+ Lima a kasiko ti kaatiddogna, ket lima a kasiko ti kaakabana, ket tallo a kasiko ti kangatona; ket isu nagtalinaed a sitatakder iti rabaw dayta.) Ket nagparintumeng+ iti sanguanan ti intero a kongregasion ti Israel ket inukradna dagiti dakulapna a maiturong iti langlangit.+ 14  Ket kinunana: “O Jehova a Dios ti Israel,+ awan ti Dios a kas kenka+ iti langlangit wenno iti daga, a mangsalsalimetmet iti tulag+ ken iti naayat a kinamanangngaasi kadagiti adipenmo a magmagna iti imatangmo buyogen ti isuamin a pusoda;+ 15  sika a nangsalimetmet maipaay ken adipenmo a David nga amak no ania ti inkarim kenkuana,+ iti kasta inaramidmo ti kari babaen iti ngiwatmo, ken babaen iti bukodmo nga ima nangaramidka iti kaitungpalan a kas itoy nga aldaw.+ 16  Ket ita, O Jehova a Dios ti Israel, salimetmetam maipaay ken adipenmo a David nga amak no ania ti inkarim kenkuana, a kinunam, ‘Awanto ti magessat a lalaki kenka manipud sanguanak nga agtugaw iti trono ti Israel,+ no la ket annadanto ti annakmo+ ti dalanda babaen ti pannagnada iti lintegko,+ kas iti pannagnam iti imatangko.’+ 17  Ket ita, O Jehova a Dios ti Israel,+ mapaneknekan koma a mapagpiaran ti karim+ nga inkarim ken adipenmo a David.+ 18  “Ngem pudpudno kadi a makipagnaedto ti Dios iti sangatauan iti rabaw ti daga?+ Adtoy! Ti langit, wen, ti langit ti langlangit, saannaka a malaon;+ anian nga ad-adda pay, ngarud, daytoy balay nga imbangonko!+ 19  Ket bumaw-ingkanto a sumango iti kararag ti adipenmo+ ken iti panagkiddawna iti parabur,+ O Jehova a Diosko, babaen ti panangimdengmo iti agpakpakaasi nga ikkis+ ken iti kararag nga ikarkararag ti adipenmo iti sanguanam,+ 20  tapno silulukat koma dagita matam+ a naiturong iti daytoy a balay iti aldaw ken rabii, a naiturong iti lugar a nagkunaam a pangikabilam iti naganmo,+ babaen ti panangimdengmo iti kararag nga ikararag ti adipenmo a sisasango iti daytoy a lugar.+ 21  Ket imdengamto dagiti panagpakaasi ti adipenmo+ ken ti ilim nga Israel no agkararagda a sumango iti daytoy a lugar,+ tapno sika denggem koma manipud disso a pagnanaedam, manipud langlangit;+ ket denggemto ken pakawanem.+ 22  “No ti maysa a tao agbasol a maikaniwas iti padana a tao+ ket pudno a mangisaad kenkuana iti lunod tapno panungsungbatenna+ iti lunod, ket iti kaaddana iti lunod isu pudno nga umay iti sanguanan ti altarmo iti daytoy a balay,+ 23  no kasta sika denggem koma manipud langlangit,+ ket agtignaykanto+ ket ukomem dagiti adipenmo tapno supapakam ti nadangkes babaen ti panangikabilmo ti turongenna iti rabaw ti bukodna nga ulo+ ken babaen ti panangibatadmo a nalinteg daydiay nalinteg+ babaen ti panangitedmo kenkuana ti maitunos iti bukodna a kinalinteg.+ 24  “Ket no ti ilim nga Israel maabak iti sanguanan ti maysa a kabusor+ agsipud ta nagtultuloyda a nagbasol a maikaniwas kenka,+ ket pudno nga agsublida+ kenka ket idayawda ti naganmo+ ket agkararagda+ ken agkiddawda iti parabur iti sanguanam iti daytoy a balay,+ 25  no kasta sika denggem koma manipud langlangit,+ ket pakawanemto+ ti basol ti ilim nga Israel ket isublim ida+ iti daga nga intedmo kadakuada ken kadagidi ammada.+ 26  “No ti langlangit marikpan iti kasta awan dumteng a tudo+ agsipud ta nagtultuloyda a nagbasol+ a maikaniwas kenka, ket pudno nga agkararagda a sumango iti daytoy a lugar+ ket idayawda ti naganmo ket tumallikudda iti basolda agsipud ta intultuloymo a pinarigat ida,+ 27  no kasta sika denggem koma manipud langlangit, ket pakawanemto ti basol dagiti adipenmo, ti mismo nga ilim nga Israel, agsipud ta isurom+ ida maipapan iti naimbag a dalan+ a rebbeng a pagnaanda; ket mangipaaykanto iti tudo+ iti rabaw ti dagam nga intedmo iti ilim kas pagtatawidan a sanikua.+ 28  “No kas pagarigan ti nakaro a bisin+ dumteng iti daga, no kas pagarigan dumteng ti angol,+ no kas pagarigan dumteng ti pannakakset+ ken buot,+ dagiti dudon+ ken dagiti ipes;+ no kas pagarigan lakuben ida dagiti kabusorda+ iti daga dagiti ruanganda+—aniaman a kita ti saplit ken aniaman a kita ti sakit+ 29  uray ania a kararag,+ uray ania a panagkiddaw iti parabur+ ti maaramid iti biang ti asinoman a tao wenno iti intero nga ilim nga Israel,+ agsipud ta ammoda tunggal maysa ti bukodna a saplit+ ken ti bukodna a rigat; inton pudno nga ukradenna dagiti dakulapna a maiturong iti daytoy a balay,+ 30  no kasta sika denggem koma manipud langlangit, ti disso a pagnanaedam,+ ket mamakawankanto+ ket itdem iti tunggal maysa ti maitunos iti amin a daldalanna,+ agsipud ta ammom ti pusona+ (ta sika laeng ti makaammo unay iti puso ti annak ti sangatauan);+ 31  iti panggep nga agbutengda+ koma kenka babaen ti pannagnada iti daldalanmo iti amin nga al-aldaw a sibibiagda iti rabaw ti daga nga intedmo kadagidi ammami.+ 32  “Ken kasta met iti ganggannaet a saan a paset ti ilim nga Israel+ ken pudno nga umay manipud adayo a daga gapu iti naindaklan a naganmo+ ken iti napigsa nga imam+ ken iti siuunnat a takiagmo,+ ket pudno nga umayda ket agkararagda a sumango iti daytoy a balay,+ 33  no kasta sika umimdengka koma manipud langlangit, manipud naipasdek a disso a pagnanaedam,+ ket aramidemto ti maitunos iti isuamin nga umawagan kenka ti ganggannaet;+ tapno amin dagiti ili ti daga maammuanda ti naganmo+ ket agbutengda+ kenka a kas met laeng ti panagbuteng ti ilim nga Israel, ken maammuanda a ti naganmo nayawag iti daytoy a balay nga imbangonko.+ 34  “No kas pagarigan ti ilim mapan iti gubat+ maibusor kadagiti kabusorda iti dalan a pangibaonam+ kadakuada, ket pudno nga agkararagda+ kenka iti turong daytoy a siudad a pinilim ken ti balay nga imbangonko a maipaay iti naganmo,+ 35  ti kararagda ken ti panagkiddawda iti parabur denggemto met manipud langlangit,+ ket ipakatmonto ti panangukom gapu kadakuada.+ 36  “No kas pagarigan agbasolda a maikaniwas kenka+ (ta awan ti tao a saan nga agbasol),+ ket kasapulan nga agpungtotka unay kadakuada ket baybay-am ida iti kabusor, ket dagiti manangkautiboda pudno nga ipanda ida a kautibo iti adayo a daga wenno iti asideg;+ 37  ket pudno a makapagpampanunotda iti daga a nakaipananda a kautibo, ket pudno nga agsublida ken agkiddawda kenka iti parabur iti daga a sadiay nakautiboda,+ a kunkunada, ‘Nagbasolkami,+ nagbiddutkami+ ken nagtignaykami a sidadangkes’;+ 38  ket pudno nga agsublida kenka buyogen ti isuamin a pusoda+ ken buyogen ti isuamin a kararuada iti daga a sadiay kautibo ida+ dagidiay nangipanaw kadakuada a kautibo, ket pudno nga agkararagda iti turong ti dagada nga intedmo kadagidi ammada ken ti siudad a pinilim+ ken ti balay nga imbangonko a maipaay iti naganmo;+ 39  denggemto met manipud langlangit, manipud naipasdek a disso a pagnanaedam,+ ti kararagda ken dagiti panagkiddawda iti parabur,+ ket ipakatmonto ti panangukom+ gapu kadakuada ket pakawanem+ ti ilim a nagbasol a maikaniwas kenka. 40  “Ita, O Diosko, pangngaasim, silulukat koma dagiti matam+ ken siiimdeng dagiti lapayagmo+ iti kararag a mainaig iti daytoy a lugar. 41  Ket ita, O Jehova a Dios, tumakderka+ iti panaginanam,+ sika ken ti Lakasa ti pigsam.+ Ti met laeng papadim, O Jehova a Dios, makawesanda koma iti pannakaisalakan, ket dagidiay nasungdom agrag-oda koma iti kinaimbag.+ 42  O Jehova a Dios, dika pagbaw-ingen ti rupa daydiay pinulotam.+ O lagipem dagiti naayat a kinamanangngaasi ken David nga adipenmo.”+

Footnotes