Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Cronicas 5:1-14

5  Kamaudiananna nairingpasen ti isuamin a trabaho a kasapulan nga aramiden ni Solomon maipaay iti balay ni Jehova,+ ket rinugian ni Solomon nga iserrek ti bambanag a pinagsanto ni David nga amana;+ ket ti pirak ken ti balitok ken amin dagiti aruaten inkabilna kadagiti gameng ti balay ti pudno a Dios.+  Iti daydin nga inummong ni Solomon dagiti lallakay ti Israel+ ken dagiti amin a pannakaulo dagiti tribu,+ ti papanguluen ti balbalay dagiti amma+ ti annak ti Israel, idiay Jerusalem, tapno isang-atda+ ti lakasa+ ti tulag ni Jehova manipud iti Siudad ni David,+ kayatna a sawen, iti Sion.+  Gapuna amin dagiti lallaki ti Israel naguummongda iti ari idiay piesta, iti daydiay maikapito a bulan.+  Iti kasta dimteng dagiti amin a lallakay ti Israel,+ ket rinugian dagiti Levita nga awiten ti Lakasa.+  Ket immayda a mangisangsang-at iti Lakasa+ ken iti tolda ti gimong+ ken kadagiti amin a nasantuan nga aruaten+ nga adda idiay tolda. Insang-at ida ti papadi a Levita.+  Ket ni Ari Solomon ken ti intero a gimong dagiti Israelita a mangsalsalimetmet iti tulaganda a pannakisinnarak kenkuana iti sanguanan ti Lakasa agisaksakripisioda+ idi iti karkarnero ken bakbaka a saan a mabilang wenno madagup gapu iti kinaaduda.  Kalpasanna ti papadi inserrekda ti lakasa ti tulag ni Jehova iti lugarna, iti kaunggan+ a siled ti balay, iti Kasasantuan,+ iti baba ti paypayak dagiti kerubin.+  Gapuna nagtultuloy nga inukrad dagiti kerubin ti paypayakda iti ngatuen ti lugar ti Lakasa, iti kasta dagiti kerubin sinallukobanda ti Lakasa ken dagiti assiwna+ manipud ngato.+  Ngem atiddog dagiti assiw, iti kasta dagiti murdong dagiti assiw makitkita idi idiay Nasantuan iti sango ti kaunggan a siled, ngem saan ida a makitkita iti ruar, ket nagtalinaedda sadiay agingga itoy nga aldaw.+ 10  Awan idi ti aniaman a banag iti Lakasa no di ti dua a tapi+ nga inted ni Moises idiay Horeb,+ idi nakitulag ni Jehova+ iti annak ti Israel bayat a rumrummuarda manipud Egipto.+ 11  Ket naaramid idi rimmuar ti papadi manipud iti nasantuan a disso (ta amin a papadi a masarakan idi, iti biangda, sinantipikarda+ ti bagbagida—saan idi a kasapulan a salimetmetan dagiti pannakabenneg);+ 12  ket dagiti Levita+ a kumakanta a kameng kadakuada amin, awan sabali, ken Asaf,+ ken Heman,+ ken Jedutun+ ken iti annakda ken iti kakabsatda a nakawesan iti napino nga abel nga addaanda kadagiti piangpiang+ ken addaan kadagiti pagtokar nga adda kuerdasna+ ken dagiti arpa,+ sitatakderda idi iti daya ti altar ket naikuyog kadakuada ti papadi a ti bilangda sangagasut ket duapulo a mangpagpaguni kadagiti trumpeta;+ 13  ket naaramid nga apaman a nagmaymaysa+ dagiti tumutrumpeta ken dagiti kumakanta iti panangipangngeg iti maysa nga uni iti panangidaydayaw ken panagyaman ken Jehova, ken apaman nga impigsada ti uni buyogen dagiti trumpeta ken buyogen dagiti piangpiang ken buyogen dagiti pagtokar iti kanta+ ken buyogen ti panangidaydayaw+ ken Jehova, “ta isu naimbag,+ ta ti naayat a kinamanangngaasina ket agingga iti tiempo a di nakedngan,”+ ti met laeng balay napno iti ulep,+ ti mismo a balay ni Jehova,+ 14  ket saan a nabaelan ti papadi ti agtakder nga agserbi gapu iti ulep;+ ta ti dayag+ ni Jehova pinunnona ti balay ti pudno a Dios.

Footnotes