Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Cronicas 35:1-27

35  Kalpasanna nangangay ni Josias+ idiay Jerusalem iti maysa a paskua+ ken Jehova ket pinartida ti maparti iti paskua+ iti maikasangapulo ket uppat+ nga aldaw ti umuna+ a bulan.  Gapuna insaadna ti papadi iti bambanag nga adda iti sidong ti panangaywanda+ ket pinaregtana+ ida iti panagserbi iti balay ni Jehova.+  Ket kinunana kadagiti Levita, dagiti manangisuro+ iti intero nga Israel, dagidiay nasantuan ken Jehova: “Ikabilyo ti nasantuan+ a Lakasa iti balay+ nga imbangon ni Solomon nga anak ni David nga ari ti Israel; saan nga agpaay kadakayo dayta kas maysa nga awit iti abaga.+ Itan agserbikayo+ ken Jehova a Diosyo ken iti ilina nga Israel.  Ket agsaganakayo sigun iti balay dagidi ammayo+ maitunos kadagiti bennegyo,+ sigun iti surat+ ni David nga ari ti Israel ken sigun iti surat+ ni Solomon nga anakna.  Ket agtakderkayo+ iti nasantuan a disso sigun kadagiti pannakapaglalasin ti balay dagidi amma maipaay iti kakabsatyo, ti annak dagiti umili, ken ti bingay ti maysa a balay dagiti amma+ a kukua dagiti Levita.+  Ket partienyo ti maparti iti paskua+ ken santipikarenyo+ ti bagbagiyo ket isaganaanyo ti kakabsatyo tapno aramidenyo ti maitunos iti sao ni Jehova babaen ken Moises.”+  Ni Josias nangikontribusion ita iti annak dagiti umili iti ar-arban, kalakian a korkordero ken kalakian nga urbon a kalkalding, a ti isuamin agpaay kadagiti maparti iti paskua maipaay kadagiti amin a masarakan idi, iti bilang a tallopulo a ribu, ken bakbaka, tallo ribu.+ Naggapu dagitoy iti sansanikua ti ari.+  Ket nangikontribusion dagiti mismo a prinsipena+ kas boluntario a daton maipaay kadagiti umili,+ maipaay iti papadi ken maipaay kadagiti Levita. Da Hilkias+ ken Zacarias ken Jehiel a mismo kas papanguluen iti balay ti pudno a Dios nangtedda iti papadi iti dua ribu innem a gasut, ken tallo gasut a baka nga agpaay kadagiti maparti iti paskua.  Ket da Conanias ken Semaias ken Netanel a kakabsatna ken da Hasabias ken Jeiel ken Jozabad, ti papanguluen dagiti Levita, nangikontribusionda kadagiti Levita iti lima ribu, ken lima gasut a baka nga agpaay kadagiti maparti iti paskua. 10  Ket ti panagserbi naisagana+ ket nagtalinaed a sitatakder ti papadi+ kadagiti dissoda,+ ken dagiti Levita sigun kadagiti bennegda,+ maitunos iti bilin ti ari.+ 11  Ket pinartida ti maparti iti paskua+ ket inwarsi+ ti papadi+ ti dara manipud imada, bayat a dagiti Levita laplapnitenda idi dagiti kudil.+ 12  Kanayonanna, insaganada dagiti daton a mapuoran tapno itedda ida kadagiti pannakapaglalasin+ sigun iti balay dagiti amma,+ iti annak dagiti umili, tapno mangidiayada+ ken Jehova maitunos iti adda a naisurat iti libro ni Moises;+ ket kasta met ti naaramid kadagiti baka. 13  Ket ti daton iti paskua+ inlutoda+ iti apuy maitunos iti kaugalian; ket ti bambanag a napagsanto inlutoda+ kadagiti paglutuan a banga ken kadagiti nagbukel ti lansadna a banga ken kadagiti malukong ti bangkete, a kalpasan dayta inyegda a sidadaras iti amin nga annak dagiti umili.+ 14  Ket kalpasanna insaganaanda ti bagbagida ken ti papadi,+ agsipud ta ti papadi nga annak ni Aaron idatdatonda idi dagiti mapuoran a sakripisio+ ken ti taba+ a paspaset agingga iti rabii, ket dagiti Levita, iti biangda, insaganaanda+ ti bagbagida ken ti papadi nga annak ni Aaron. 15  Ket dagiti kumakanta+ nga annak ni Asaf+ addada idi iti akemda maitunos iti bilin ni David+ ken ni Asaf+ ken ni Heman+ ken ni Jedutun+ a managsirmata+ ti ari; ket dagiti agay-aywan iti ruangan+ addada idi kadagiti nadumaduma a ruangan.+ Saan idi a kasapulan a sumiasida iti panagserbida, agsipud ta ti met laeng kakabsatda a Levita insaganaanda+ ida. 16  Ket ti isuamin a panagserbi ken Jehova naisagana iti dayta nga aldaw tapno angayen ti paskua+ ken tapno idaton dagiti mapuoran a daton iti rabaw ti altar ni Jehova, maitunos iti bilin ni Ari Josias.+ 17  Ket ti annak ti Israel a masarakan inangayda ti paskua+ iti dayta a tiempo ken kasta met ti piesta dagiti di pinaalsa a tinapay iti pito nga aldaw.+ 18  Ket awan a pulos naangay a paskua a kas iti dayta idiay Israel nanipud pay iti al-aldaw ni Samuel a mammadto,+ awan uray asinoman kadagiti sabali pay nga ar-ari+ ti Israel ti nangangay iti paskua a kas iti dayta nga inangay ni Josias ken ti papadi ken dagiti Levita ken ti intero a Juda ken Israel a masarakan idi ken dagiti agnanaed iti Jerusalem. 19  Iti maikasangapulo ket walo a tawen ti panagturay ni Josias naangay daytoy a paskua.+ 20  Kalpasan amin daytoy idi a naisaganan ni Josias ti balay, simmang-at ni Neco+ nga ari ti Egipto+ tapno makirupak idiay Carquemis+ iti igid ti Eufrates. Idin rimmuar ni Josias+ a makisinnabet kenkuana.+ 21  Iti kasta nangibaon kenkuana kadagiti mensahero, a kunkunana: “Ania ti bibiangko kenka, O ari ti Juda? Saan a maibusor kenka ti iyaayko ita nga aldaw, no di ket ti dangadangko maibusor iti sabali a balay ket kinuna a mismo ti Dios a rebbeng a mangpataudak iti riribuk. Agsardengka maipaay iti bukodmo a pagimbagan gapu iti Dios, nga adda kaniak, ket dika bay-an a dadaelennaka.”+ 22  Ket ni Josias saanna nga intallikud kenkuana ti rupana,+ no di ket tapno makirupak kenkuana isu nanglimlimo+ ket saan nga immimdeng iti sasao ni Neco+ manipud iti ngiwat ti Dios. Gapuna immay tapno makirupak idiay ginget a tanap ti Megiddo.+ 23  Ket dagiti bumibiat+ napanada ni Ari Josias, iti kasta kinuna ti ari kadagiti adipenna: “Idissaagdak, ta nasugatanak iti nakaro unay.”+ 24  Gapuna indissaag dagiti adipenna manipud karuahe ket inluganda iti maikadua a karuahe a pakigubat a kukuana ket inyegda idiay Jerusalem.+ Iti kasta natay+ ket naitabon idiay pagitaneman dagidi ammana;+ ket nagleddaang ti isuamin a Juda ken Jerusalem+ gapu ken Josias. 25  Ket rinugian ni Jeremias+ ti agdayyeng+ gapu ken Josias; ket amin dagiti lallaki a kumakanta ken babbai a kumakanta+ nagsarsaritada maipapan ken Josias kadagiti dung-awda agingga ita nga aldaw; ket insaadda ida kas alagaden iti Israel, ket sadiay naisuratda kadagiti dung-aw.+ 26  No maipapan iti dadduma pay kadagiti pasamak+ ni Josias ken dagiti aramidna a naayat a kinamanangngaasi,+ maitunos iti adda a naisurat iti linteg+ ni Jehova, 27  ken dagiti pasamakna, ti umuna ken ti maudi,+ sadiay naisuratda iti Libro+ ti Ar-ari ti Israel ken Juda.

Footnotes