Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Cronicas 34:1-33

34  Walo+ ti tawen ni Josias+ idi nangrugi nga agturay, ket iti tallopulo ket maysa a tawen nagturay idiay Jerusalem.+  Ket inaramidna no ania ti umiso kadagiti mata ni Jehova+ ket nagna iti daldalan ni David nga amana;+ ket saan a simiasi nga agturong iti makannawan wenno iti makannigid.+  Ket iti maikawalo a tawen ti panagturayna, bayat nga ubing pay laeng,+ rinugianna a biroken+ ti Dios ni David nga amana; ket iti maikasangapulo ket dua a tawen rinugianna a dalusan+ ti Juda ken Jerusalem manipud kadagiti nangato a disso+ ken kadagiti sagrado a teddek+ ken iti kinitikitan a ladladawan+ ken kadagiti sinukog nga estatua.  Kanayonanna, rinugpoda iti sanguananna ti al-altar+ dagiti Baal;+ ket pinukanna manipud kadakuada dagiti pagsaadan ti insienso+ nga adda idi iti ngato; ket dagiti sagrado a teddek+ ken ti kinitikitan a ladladawan+ ken dagiti sinukog nga estatua rinumekrumekna ken pinagbalinna a pulbos,+ ket kalpasanna inwarakiwakna dayta iti rabaw dagiti lugar a pagitabonan dagidiay agisaksakripisio idi kadakuada.+  Ket pinuoranna iti rabaw dagiti altarda+ ti tultulang+ ti papadi. Iti kasta dinalusanna ti Juda ken Jerusalem.  Kasta met, kadagiti siudad ti Manases+ ken Efraim+ ken Simeon ken agingga idiay Neftali, kadagiti napagwalangwalang a dissoda iti intero nga aglikmut,  rinugpona pay dagiti altar+ ken dagiti sagrado a teddek,+ ket ti kinitikitan a ladladawan+ rinumekna ken pinagbalinna a pulbos;+ ket amin dagiti pagsaadan ti insienso+ pinukanna iti intero a daga ti Israel, a kalpasan dayta isu nagsubli idiay Jerusalem.  Ket iti maikasangapulo ket walo+ a tawen ti panagturayna, idi nadalusannan ti daga ken ti balay, imbaonna ni Safan+ nga anak ni Azalias ken ni Maasias a panguluen ti siudad ken ni Joa nga anak ni Joacaz nga agilislista tapno tarimaanenda+ ti balay ni Jehova a Diosna.  Ket immayda ken Hilkias+ a nangato a padi ket intedda ti kuarta a naiyeg iti balay ti Dios, nga inurnong dagiti Levita nga agay-aywan iti ruangan+ manipud iti ima ti Manases+ ken Efraim+ ken manipud iti isuamin a dadduma pay nga Israel+ ken manipud iti intero a Juda ken Benjamin ken kadagiti agnanaed iti Jerusalem. 10  Idin inkabilda dayta iti ima dagiti managaramid iti trabaho isuda a nadutokan nga agaywan iti balay ni Jehova.+ Kalpasanna dagiti managaramid iti trabaho isuda nga aktibo iti balay ni Jehova inusarda dayta iti panangpasayaat ken panangtarimaan iti balay. 11  Gapuna intedda dayta kadagiti nasigo a trabahador ken kadagiti managibangon+ tapno panggatang iti tinikapan a batbato+ ken kaykayo a pangipit ken tapno ibangon nga adda awananna dagiti balay a dinadael ti ar-ari+ ti Juda. 12  Ket agtigtignay idi dagiti lallaki buyogen ti kinamatalek+ iti trabaho; ket nadutokan a mamangulo kadakuada da Jahat ken Abdias a Levita, manipud iti annak ni Merari,+ ken da Zacarias ken Mesullam, manipud iti annak dagiti Cohatita,+ tapno agakemda kas manangaywan. Ket dagiti Levita, a ti tunggal maysa kadakuada nalaing unay kadagiti pagtokar iti kanta,+ 13  mamanguloda idi kadagiti agbumbunag iti awit,+ ken manangaywanda+ kadagiti amin a managaramid iti trabaho maipaay iti nagduduma a panagserbi; ket manipud kadagiti Levita+ adda idi dagiti sekretario+ ken dagiti opisial ken dagiti agay-aywan iti ruangan.+ 14  Ita bayat nga iruruarda idi ti kuarta+ a naiyeg iti balay ni Jehova, ni Hilkias+ a padi nasarakanna ti libro+ ti linteg ni Jehova+ babaen ti ima ni Moises.+ 15  Gapuna simmungbat ni Hilkias ket kinunana ken Safan+ a sekretario: “Ti mismo a libro ti linteg nasarakak iti balay ni Jehova.” Kalpasan dayta inted ni Hilkias ti libro ken Safan. 16  Idin inyeg ni Safan ti libro iti ari ket simmungbat pay iti ari, a kunkunana: “Isuamin a naikabil iti ima dagiti adipenmo ar-aramidenda. 17  Ket ibukbokda ti kuarta a masarakan iti balay ni Jehova ket ikabilda dayta iti ima dagiti nadutokan a lallaki ken iti ima dagiti managaramid iti trabaho.”+ 18  Ket ni Safan a sekretario impadamagna iti ari, a kunkunana: “Adda libro+ nga inted kaniak ni Hilkias a padi.”+ Ket rinugian ni Safan ti mangbasa manipud iti dayta iti sanguanan ti ari.+ 19  Ket naaramid nga apaman a nangngeg ti ari ti sasao ti linteg, dagus a rinay-abna dagiti kawesna.+ 20  Idin ti ari binilinna da Hilkias+ ken Ahicam+ nga anak ni Safan ken ni Abdon nga anak ni Mikias ken ni Safan+ a sekretario+ ken ni Asaias+ nga adipen ti ari, a kunkunana: 21  “Mapankayo, agimtuodkayo+ ken Jehova maigapu kaniak+ a mismo ken maigapu iti nabati iti Israel ken iti Juda maipapan iti sasao ti libro+ a nasarakan, ta dakkel ti pungtot ni Jehova+ a masapul a maibuyat maibusor kadatayo gapu iti kinapudno a saan a sinalimetmetan dagidi ammatayo ti sao ni Jehova babaen ti panagaramid maitunos iti isuamin a naisurat iti daytoy a libro.”+ 22  Iti kasta ni Hilkias agraman dagidiay nagkunaan ti ari napanda ken Hulda+ a mammadto a babai,+ ti asawa ni Sallum nga anak ni Ticva nga anak ni Harhas nga agay-aywan kadagiti kawes,+ yantangay agnanaed idi idiay Jerusalem iti maikadua a purok; ket nagsaoda kenkuana kas itoy. 23  Kalpasanna kinunana kadakuada: “Daytoy ti kinuna ni Jehova a Dios ti Israel, ‘Sawenyo iti lalaki a nangibaon kadakayo kaniak: 24  “Daytoy ti kinuna ni Jehova, ‘Adtoy mangipagtengak iti didigra+ iti daytoy a lugar ken kadagiti agnanaed kenkuana,+ amin dagiti lunod+ a naisurat iti libro a binasada iti sanguanan ti ari ti Juda,+ 25  gapu iti kinapudno a pinanawandak+ ket nangpatpataudda iti asuk a sakripisio kadagiti sabali a didios,+ tapno pagrurodendak+ babaen kadagiti amin nga aramid dagiti imada+ ken tapno agbuyat ti pungtotko+ iti daytoy a lugar ket saan a maiddep.’”+ 26  Ket iti ari ti Juda, a mangibabaon kadakayo tapno agimtuod ken Jehova, daytoy ti rebbeng a sawenyo kenkuana: “Daytoy ti kinuna ni Jehova a Dios ti Israel,+ ‘No maipapan iti sasao+ a nangngegmo, 27  iti rason a ti pusom+ nalukneng iti kasta impakumbabam+ ta bagim gapu iti Dios iti pannakangngegmo ti sasaona maipapan iti daytoy a lugar ken kadagiti agnanaed kenkuana, ket impakumbabam ti bagim iti sanguanak+ ket rinay-abmo+ dagiti kawesmo ket nagsangitka iti sanguanak, siak, mismo a siak, nangngegko,+ kuna ni Jehova. 28  Adtoy itiponka kadagidi ammam, ket sigurado a maitiponkanto a sitatalna iti pagitanemam,+ ket saanto a kumita dagita matam iti isuamin a didigra+ nga ipagtengko iti daytoy a lugar ken kadagiti agnanaed kenkuana.’”’”+ Kalpasanna inyegda ti sungbat iti ari. 29  Ket nagbaon ti ari ket inummongna amin dagiti lallakay ti Juda ken ti Jerusalem.+ 30  Immuli ita ti ari iti balay ni Jehova+ agraman amin dagiti lallaki ti Juda ken dagiti agnanaed iti Jerusalem ken ti papadi+ ken dagiti Levita ken amin dagiti umili, ti dakkel kasta met ti bassit; ket rinugianna nga ibasa+ kadagiti lapayagda ti amin a sasao ti libro ti tulag, a nasarakan iti balay ni Jehova.+ 31  Ket ti ari nagtalinaed a sitatakder iti dissona+ ket pinatalgedanna ti tulag+ iti sanguanan ni Jehova a surotenna ni Jehova ken salimetmetanna dagiti bilinna+ ken dagiti pammaneknekna+ ken dagiti alagadenna+ buyogen ti isuamin a pusona+ ken buyogen ti isuamin a kararuana,+ a tungpalenna+ ti sasao ti tulag a naisurat iti daytoy a libro.+ 32  Kanayonanna pay, imbilinna kadagidiay amin a nasarakan idiay Jerusalem ken Benjamin a mamasingkedda iti dayta. Ket dagiti agnanaed iti Jerusalem inaramidda ti maitunos iti tulag ti Dios, ti Dios dagidi ammada.+ 33  Kalpasan dayta inikkat ni Josias ti amin a nakarimrimon+ a bambanag manipud kadagiti amin a daga a kukua ti annak ti Israel,+ ket pinagserbina amin a nasarakan idiay Israel, tapno agserbida ken Jehova a Diosda. Iti amin nga al-aldawna saanda a simiasi iti isusurot ken Jehova a Dios dagidi ammada.+

Footnotes