Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Cronicas 33:1-25

33  Sangapulo ket dua ti tawen ni Manases+ idi nangrugi nga agturay, ket iti limapulo ket lima a tawen nagturay idiay Jerusalem.+  Ket inaramidna no ania ti dakes kadagiti mata ni Jehova,+ maitunos iti nakarimrimon+ a bambanag dagiti nasion a pinagtalaw ni Jehova iti sanguanan ti annak ti Israel.+  Gapuna imbangonna manen dagiti nangato a disso+ a rinugpo ni Ezekias nga amana,+ ket nangipasdek kadagiti altar+ a maipaay kadagiti Baal+ ket nangaramid kadagiti sagrado a teddek,+ ket nangrugi nga agruknoy+ iti isuamin a buyot ti langlangit+ ken agserbi kadakuada.+  Ket nangbangon kadagiti altar+ iti balay ni Jehova, a maipapan iti dayta kinuna ni Jehova: “Idiay Jerusalem maaddanto ti naganko agingga iti tiempo a di nakedngan.”+  Ket nangbangon kadagiti altar maipaay iti isuamin a buyot ti langlangit+ iti dua a paraangan+ ti balay ni Jehova.+  Ket ti bukodna nga annak pinalasatna iti apuy+ idiay ginget ti anak ni Hinnom,+ ket nagsalamangka+ ken nagusar iti panagpadles+ ken nangalagad iti panagkulam+ ken nangaramid kadagiti espiritistiko a mannakiuman+ ken propesional a managipadles+ iti paspasamak. Inaramidna iti naindaklan a rukod no ania ti dakes kadagiti mata ni Jehova, tapno pagrurodenna.+  Kanayonanna pay, ti kinitikitan a ladawan+ nga inaramidna inkabilna iti balay ti pudno a Dios,+ a maipapan iti dayta ti Dios kinunana ken ni David ken ni Solomon nga anakna: “Iti daytoy a balay ken iti Jerusalem, a pinilik+ manipud kadagiti amin a tribu ti Israel, ikabilkonto ti naganko+ agingga iti tiempo a di nakedngan.+  Ket saankonto nga ikkaten manen ti saka ti Israel manipud iti daga nga intudingko+ kadagidi ammada,+ no la ket ta annadanda nga aramiden ti amin nga imbilinko kadakuada+ maipapan iti isuamin a linteg+ ken iti al-alagaden+ ken kadagiti hudisial a pangngeddeng+ babaen ti ima ni Moises.”+  Ket ni Manases+ inal-allilawna ti Juda+ ken dagiti agnanaed iti Jerusalem tapno aramidenda ti dakdakes+ ngem kadagiti nasion a tinalipupos ni Jehova manipud sanguanan ti annak ti Israel.+ 10  Ket intultuloy ni Jehova ti nagsao ken Manases ken iti ilina, ngem saanda a nangipangag.+ 11  Kamaudiananna inyeg ni Jehova maibusor kadakuada+ dagiti panguluen ti buyot a kukua ti ari ti Asiria,+ ket iti kasta kinautiboda ni Manases kadagiti lungog+ ket pinarautanda+ babaen iti dua a grilios a gambang ket impanda idiay Babilonia. 12  Ket apaman a marigrigatan iti dayta,+ pinaluknengna ti rupa ni Jehova a Diosna+ ket impakpakumbabana+ ti bagina iti kasta unay gapu iti Dios dagidi ammana. 13  Ket nagkarkararag Kenkuana, iti kasta impalubosna nga isu mapagpakaasianna+ ket dinengngegna ti panagkiddawna iti parabur ket isu insublina idiay Jerusalem iti kinaarina;+ ket naammuan ni Manases a ni Jehova ti pudno a Dios.+ 14  Ket kalpasan daytoy nangbangon iti maysa a makinruar+ a pader maipaay iti Siudad ni David+ iti lauden ti Gihon+ idiay naapres a ginget ken agingga iti Ruangan ti Ikan,+ ket inlikmutna dayta agingga idiay Ofel+ ket inaramidna dayta a nangato unay. Kanayonanna, nangisaad kadagiti panguluen ti puersa militar kadagiti amin a nasarikedkedan a siudad idiay Juda.+ 15  Ket inikkatna ti ganggannaet a didios+ ken ti ladawan nga idolo+ manipud balay ni Jehova ken amin dagiti altar+ nga imbangonna idiay bantay ti balay ni Jehova ken idiay Jerusalem ket kalpasanna impaipuruakna ida idiay ruar ti siudad. 16  Mainayon pay, insaganana ti altar ni Jehova+ ket nangrugi nga agisakripisio iti rabaw dayta kadagiti pakikaykaysa a sakripisio+ ken kadagiti sakripisio ti panagyaman+ ket kinunana iti Juda nga agserbida ken Jehova a Dios ti Israel.+ 17  Nupay kasta, agisaksakripisio pay laeng idi dagiti umili kadagiti nangato a disso;+ isuna laeng ta maipaay idi dayta ken Jehova a Diosda. 18  No maipapan iti dadduma pay kadagiti pasamak ni Manases ken iti kararagna+ iti Diosna ken iti sasao dagiti managsirmata+ a nagtultuloy a nagsao kenkuana iti nagan ni Jehova a Dios ti Israel, sadiay nairamanda kadagiti pasamak ti ar-ari ti Israel.+ 19  No maipapan iti kararagna+ ken no kasano a napatgan ti dawatna+ ken iti isuamin a basolna+ ken iti saanna a kinamatalek+ ken kadagiti lugar a nangbangonanna kadagiti nangato a disso+ ken nangipasdekanna kadagiti sagrado a teddek+ ken iti kinitikitan a ladladawan+ sakbay nga impakumbabana+ ti bagina, sadiay naisuratda iti sasao dagiti managsirmatana. 20  Kamaudiananna nakikaidda ni Manases kadagidi ammana,+ ket intabonda+ iti balayna; ket ni Amon+ nga anakna nangrugi nga agturay a mangsandi kenkuana. 21  Duapulo ket dua ti tawen ni Amon+ idi nangrugi nga agturay, ket iti dua a tawen nagturay idiay Jerusalem.+ 22  Ket inaramidna no ania ti dakes kadagiti mata ni Jehova,+ kas iti inaramid ni Manases nga amana;+ ket iti amin a kinitikitan a ladladawan+ nga inaramid ni Manases+ nga amana nagisakripisio+ ni Amon, ket nagtultuloy a nagserbi kadakuada.+ 23  Ket saanna nga impakumbaba+ ti bagina gapu ken Jehova a kas met laeng ti panangipakumbaba ni Manases nga amana iti bagina,+ ta maysa ni Amon a nangpadegdeg iti panagbasol.+ 24  Kamaudiananna nagkukumplot dagiti adipenna+ maibusor kenkuana ket pinapatayda iti bukodna a balay.+ 25  Ngem dagiti umili ti daga kinabilda+ dagiti amin a mannakikumplot+ maibusor ken Ari Amon,+ ket dagiti umili+ ti daga kalpasanna pinagbalinda nga ari ni Josias+ nga anakna a mangsandi kenkuana.

Footnotes