Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

2 Cronicas 31:1-21

31  Ket apaman a nalpasda amin daytoy, amin dagiti Israelita+ a nasarakan sadiay napanda kadagiti siudad ti Juda,+ ket rinumekda dagiti sagrado a munmon+ ket pinukanda dagiti sagrado a teddek+ ket rinugpoda dagiti nangato a disso+ ken dagiti altar+ manipud iti intero a Juda+ ken Benjamin ken idiay Efraim+ ken Manases+ agingga a nalpasda; a kalpasan dayta nagsubli ti amin nga annak ti Israel kadagiti siudadda, tunggal maysa iti bukodna a sanikua.  Idin intuding ni Ezekias dagiti benneg+ ti papadi ken dagiti Levita+ kadagiti bennegda, tunggal maysa mayannurot iti panagserbina maipaay iti papadi+ ken maipaay kadagiti Levita+ no maipapan iti daton a mapuoran+ ken kadagiti sakripisio a pakikaykaysa+ tapno agserbi+ ken mangipaay kadagiti panagyaman+ ken daydayaw+ iti ruruangan dagiti pakarso ni Jehova.  Ket manipud bukodna a sansanikua+ adda idi bingay ti ari nga agpaay kadagiti mapuoran a daton,+ agpaay kadagiti mapuoran a daton iti bigat+ ken iti rabii, ken kasta met dagiti mapuoran a daton maipaay kadagiti sabbath+ ken maipaay kadagiti baro a bulan+ ken maipaay kadagiti panawen ti piesta,+ sigun iti adda a naisurat iti linteg ni Jehova.+  Kanayonanna pay, kinunana kadagiti umili, dagiti agnanaed iti Jerusalem, nga itedda ti bingay ti papadi+ ken dagiti Levita,+ tapno maannurotda+ a siiinget ti linteg ni Jehova.+  Ket apaman a nagsaknap ti sao, inyad-adu ti annak ti Israel+ ti umuna a bungbunga ti bukel,+ baro nga arak,+ ken lana+ ken diro+ ken isuamin nga apit ti talon,+ ket inyegda a siwawadwad ti apagkapullo ti tunggal banag.+  Ket ti annak ti Israel ken ti Juda isuda nga agnanaed idi kadagiti siudad ti Juda,+ uray isuda inyegda ti apagkapullo ti bakbaka ken karkarnero ken ti apagkapullo ti nasantuan a bambanag,+ ti bambanag a nasantipikar ken Jehova a Diosda. Inyegda ket iti kasta nangtedda iti binuntobunton.  Iti maikatlo+ a bulan rinugianda dagiti bunton babaen ti panangisaadda ti palunapin a makimbaba amin, ket iti maikapito+ a bulan nalpasda.  Idi a dimteng ni Ezekias ken dagiti prinsipe+ ket nakitada dagiti bunton, binenditoda+ ni Jehova ken ti ilina nga Israel.+  Idi agangay nagimtuod ni Ezekias iti papadi ken kadagiti Levita maipapan kadagiti bunton.+ 10  Iti kasta kinuna kenkuana ni Azarias+ a panguluen a padi iti balay ni Sadok,+ wen, kinunana: “Manipud tiempo nga inrugida nga iyeg ti kontribusion+ iti balay ni Jehova addan pannangan ken pannakapnek+ ken naruay a tedda;+ ta binendisionan a mismo ni Jehova ti ilina,+ ket ti natedda isu daytoy aglaplapusanan unay.” 11  Gapu itoy kinuna ni Ezekias a mangisaganada kadagiti siled a panganan+ idiay balay ni Jehova. Iti kasta insaganada ida. 12  Ket intultuloyda nga inyeg ti kontribusion+ ken ti apagkapullo+ ken ti nasantuan a bambanag buyogen ti kinamatalek;+ ket ni Conanias a Levita isu idi ti agay-aywan kadakuada kas panguluen, ket ni Simei a kabsatna isu ti maikadua. 13  Ket da Jehiel ken Azazias ken Nahat ken Asael ken Jerimot ken Jozabad ken Eliel ken Ismakias ken Mahat ken Benaias isuda idi dagiti komisionado iti dasig ni Conanias ken ni Simei a kabsatna, sigun iti bilin ni Ezekias nga ari, ket ni Azarias+ isu idi ti mangidadaulo iti balay ti pudno a Dios. 14  Ket ni Core nga anak ni Imnah a Levita isu idi ti agay-aywan iti ruangan+ iti daya,+ agay-aywan kadagiti boluntario+ a daton ti pudno a Dios, tapno itedna ti kontribusion ni Jehova+ ken ti kasasantuan a bambanag.+ 15  Ket iti sidong ti panangaywanna adda idi da Eden ken Miniamin ken Jesua ken Semaias, Amarias ken Secanias, kadagiti siudad ti papadi,+ iti akem kas matalek,+ tapno mangtedda iti kakabsatda kadagiti benneg,+ agpadpada iti dakkel ken bassit;+ 16  malaksid ti pannakaipasalista dagiti lallaki mayannurot iti kapuonan+ manipud edad a tallo a tawen nga agpangato,+ dagidiay amin nga um-umay iti balay ni Jehova kas inaldaw a kadawyan nga aramid, maipaay iti panagserbida sigun kadagiti pagrebbenganda sigun kadagiti bennegda. 17  Daytoy ti pannakaipasalista ti papadi mayannurot iti kapuonan sigun iti balay dagiti ammada+ ken kasta met dagiti Levita,+ manipud edad a duapulo+ a tawen nga agpangato, sigun kadagiti pagrebbenganda iti bembennegda;+ 18  agpadpada maipaay iti pannakaipasalista a mayannurot iti kapuonan iti tengnga dagiti amin nga ubbingda, ti assawada ken ti annakda a lallaki ken annakda a babbai, maipaay iti intero a kongregasion, agsipud ta iti akemda kas matalek+ sinantipikarda+ ti bagbagida maipaay iti nasantuan; 19  ken maipaay iti annak ni Aaron,+ ti papadi, kadagiti talon+ ti pagpaaraban dagiti siudadda. Iti amin a nadumaduma a siudad adda idi lallaki a naituding sigun kadagiti naganda, tapno mangipaayda kadagiti bingay iti tunggal lalaki iti tengnga ti papadi ken iti intero a pannakaipasalista a mayannurot iti kapuonan iti tengnga dagiti Levita. 20  Ket inaramid ni Ezekias ti kas itoy iti intero a Juda, ket intuloyna nga aramiden no ania ti naimbag+ ken umiso+ ken matalek+ iti sanguanan ni Jehova a Diosna. 21  Ket iti tunggal trabaho nga inrugina iti panagserbi+ iti balay ti pudno a Dios ken iti linteg+ ken iti bilin tapno birokenna+ ti Diosna, buyogen iti isuamin a pusona+ nga isu nagtignay, ket nagballigi.+

Footnotes