Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Cronicas 30:1-27

30  Ket ni Ezekias nagbaon iti intero nga Israel+ ken Juda, ket nangisurat pay iti sursurat iti Efraim+ ken Manases,+ nga umayda iti balay ni Jehova+ idiay Jerusalem tapno angayenda ti paskua+ ken Jehova a Dios ti Israel.  Nupay kasta, ti ari ken dagiti prinsipena+ ken ti intero a kongregasion+ idiay Jerusalem inkeddengda nga angayen ti paskua iti maikadua a bulan;+  ta saanda a nabalinan nga angayen iti dayta a tiempo,+ agsipud ta, iti maysa a bangir, saan nga immanay ti papadi+ a nangsantipikar iti bagbagida ket dagiti umili, iti sabali a bangir, saanda a naguurnong idiay Jerusalem.  Ket ti banag umiso idi kadagiti mata ti ari ken kadagiti mata ti intero a kongregasion.+  Gapuna nangngeddengda nga ipaiwaragawag ti awag+ iti intero nga Israel, manipud Beer-seba+ agingga idiay Dan,+ nga umayda ket angayenda ti paskua ken Jehova a Dios ti Israel idiay Jerusalem; ta saan idi a kas maysa nga umariwekwek nga inaramidda a kasta+ maitunos iti adda a naisurat.+  Iti kasta dagiti tumataray+ nga addaan kadagiti surat manipud ima ti ari ken dagiti prinsipena+ napanda iti intero nga Israel ken Juda, sigun a mismo iti bilin ti ari, a kunkunada: “Dakayo nga annak ti Israel, agsublikayo+ ken Jehova a Dios+ da Abraham, Isaac ken Israel, tapno isu agsubli koma kadagidiay nakatalaw+ a nabati kadakayo manipud dakulap ti ar-ari ti Asiria.+  Ket dikay agbalin a kas kadagidi ammayo+ ken kas iti kakabsatyo a nagtignay a di simamatalek ken Jehova a Dios dagidi ammayo, iti kasta imbilangna ida a maysa a banag a pagmalangaan,+ kas iti makitkitayo.  Ita dikay pasikkilen ti tengngedyo+ a kas iti inaramid dagidi ammayo. Ilugaranyo ni Jehova+ ket umaykayo iti santuariona+ a sinantipikarna+ agingga iti tiempo a di nakedngan ket agserbikayo+ ken Jehova a Diosyo, tapno ti sumsumged nga ungetna+ agbaw-ing koma manipud kadakayo.  Ta no agsublikayo+ ken Jehova, makaasianto ti kakabsatyo ken ti annakyo+ iti sanguanan dagidiay mangik-ikut kadakuada kas kautibo, ken mapalubosanda nga agsubli iti daytoy a daga;+ ta managparabur+ ken naasi+ ni Jehova a Diosyo, ket saannakayto nga itallikudan iti rupa no agsublikayo kenkuana.”+ 10  Gapuna nagtultuloy dagiti tumataray,+ a limmasatda iti siniudansiudad iti intero a daga ti Efraim+ ken Manases, agingga a mismo idiay Zabulon; ngem nagtultuloyda a nagsao iti panangrabrabak kadakuada ken inuy-uyaw ida.+ 11  Dagidiay laeng+ manipud Aser ken Manases ken manipud Zabulon ti nangipakumbaba+ iti bagbagida iti kasta immayda idiay Jerusalem. 12  Ti ima ti pudno a Dios naadda met idiay Juda tapno ikkanna ida iti maymaysa a puso+ a mangtungpal iti bilin+ ti ari ken dagiti prinsipe maipapan ken Jehova.+ 13  Ket naguurnongda a sangsangkamaysa idiay Jerusalem,+ maysa a nakaad-adu nga umili, tapno angayenda ti piesta+ dagiti di pinaalsa a tinapay iti maikadua+ a bulan, maysa a kongregasion nga umariwekwek unay. 14  Idin timmakderda ket inikkatda dagiti altar+ nga adda idi idiay Jerusalem, ket amin dagiti altar ti insienso+ inikkatda ket kalpasanna impuruakda ida idiay naapres a ginget ti Kidron.+ 15  Kalpasan dayta pinartida ti maparti iti paskua+ iti maikasangapulo ket uppat nga aldaw ti maikadua a bulan; ket ti met laeng papadi ken dagiti Levita naipababada, iti kasta sinantipikarda+ ti bagbagida ket nangyegda kadagiti mapuoran a daton iti balay ni Jehova. 16  Ket nagtalinaedda a sitatakder+ iti dissoda maitunos iti pagannurotanda, maitunos iti linteg ni Moises a lalaki ti pudno a Dios, a ti papadi+ iwarwarsida ti dara nga inawatda iti ima dagiti Levita. 17  Ta adda adu iti kongregasion a saan a nangsantipikar iti bagbagida; ket dagiti Levita+ ti agay-aywan idi iti panangparti kadagiti maparti iti paskua+ maipaay iti isuamin a saan a nadalus, tapno santipikaren ida ken Jehova. 18  Ta adda idi dakkel a bilang dagiti tattao, adu a naggapu idiay Efraim+ ken Manases,+ Isacar ken Zabulon,+ a saan a nangdalus+ iti bagbagida, ta saanda a kinnan ti paskua maitunos iti adda a naisurat;+ ngem inkararagan ida ni Ezekias,+ a kunkunana: “Ni met laeng naimbag+ a Jehova pawaywayanna koma ti 19  tunggal maysa a nangisagana iti pusona+ tapno birokenna ti pudno a Dios, ni Jehova, ti Dios dagidi ammana, nupay awan ti pannakagugor maipaay iti nasantuan.”+ 20  Iti kasta ni Jehova inimdenganna ni Ezekias ket pinaimbagna dagiti tattao.+ 21  Gapuna ti annak ti Israel a nasarakan idiay Jerusalem inangayda ti piesta+ dagiti di pinaalsa a tinapay iti pito nga aldaw buyogen ti dakkel a panagrag-o;+ ket mangidatdaton idi dagiti Levita+ ken ti papadi+ iti panagdayaw ken Jehova iti inaldaw buyogen dagiti natbag a pagtokar, ken Jehova a mismo.+ 22  Mainayon pay, nagsao ni Ezekias iti puso+ dagiti amin a Levita nga agtigtignay idi a buyogen ti nasayaat a kinamasirib maipaay ken Jehova.+ Ket kinnanda ti naituding a piesta iti pito nga aldaw,+ nga agisaksakripisioda kadagiti pakikaykaysa a sakripisio+ ken agpudpudnoda+ ken Jehova a Dios dagidi ammada. 23  Idin inkeddeng ti intero a kongregasion+ nga angayen dayta iti pito pay nga aldaw,+ ket ngarud inangayda dayta iti pito nga aldaw buyogen ti panagrag-o. 24  Ta ni met laeng Ezekias nga ari ti Juda nangikontribusion+ maipaay iti kongregasion iti sangaribu a toro ken pito ribu a karnero, ket dagiti met laeng prinsipe+ nangikontribusionda maipaay iti kongregasion iti sangaribu a toro ken sangapulo a ribu a karnero; ket iti dakkel a bilang sinansantipikar ti papadi+ ti bagbagida. 25  Ket nagtultuloy a nagrag-o+ ti intero a kongregasion ti Juda+ ken ti papadi ken dagiti Levita+ ken ti intero a kongregasion a naggapu iti Israel+ ken dagiti ganggannaet nga agnanaed+ a naggapu iti daga ti Israel+ ken dagidiay agnanaed idiay Juda. 26  Ket naadda ti dakkel a panagrag-o idiay Jerusalem, ta awan idi ti kas iti daytoy idiay Jerusalem manipud al-aldaw ni Solomon+ nga anak ni David nga ari ti Israel.+ 27  Kamaudiananna timmakder ti papadi, dagiti Levita, ket binendisionanda+ dagiti tattao; ket nangngegan ti timekda, iti kasta ti kararagda dimteng iti nasantuan a pagnaedanna, ti langlangit.+

Footnotes