Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Cronicas 29:1-36

29  Ni met laeng Ezekias+ nagbalin nga ari iti edad a duapulo ket lima a tawen, ket iti duapulo ket siam a tawen nagturay idiay Jerusalem. Ket ti nagan ti inana Abias nga anak ni Zacarias.+  Ket inar-aramidna no ania ti umiso kadagiti mata ni Jehova,+ maitunos iti amin nga inaramid ni David nga amana.+  Isu, iti umuna a tawen ti panagturayna, iti umuna a bulan, linuktanna dagiti ruangan ti balay ni Jehova ket rinugianna a tarimaanen ida.+  Kalpasanna inyegna ti papadi ken dagiti Levita ket inummongna ida iti nalayang a lugar+ iti daya.  Ket kinunana kadakuada: “Imdengandak, dakayo a Levita. Ita santipikarenyo+ ti bagbagiyo ken santipikarenyo ti balay ni Jehova a Dios dagidi ammayo, ket iruaryo ti narugit a banag manipud nasantuan a disso.+  Ta nagtignay a di simamatalek dagiti ammatayo+ ket inaramidda no ania ti dakes kadagiti mata ni Jehova a Diostayo,+ iti kasta isu binaybay-anda+ ket imbaw-ingda ti rupada manipud tabernakulo ni Jehova+ ket insangoda ti teltel.  Inserrada met dagiti ruangan+ ti beranda ket pinagtalinaedda a siiiddep dagiti pagsilawan,+ ket saanda a nagpuor iti insienso,+ ket saanda a nagidaton iti mapuoran a sakripisio idiay nasantuan a disso maipaay iti Dios ti Israel.+  Ket naadda ti rurod ni Jehova+ maibusor iti Juda ken Jerusalem, iti kasta imbilangna ida a maysa a banag a pagkintayegan,+ maysa a banag a pagmalangaan+ ken maysa a pakaigapuan ti panagsagawisiw,+ kas iti makitkitayo babaen kadagiti bukodyo a mata.  Ket adtoy napasag dagidi ammatayo babaen ti kampilan,+ ket ti annaktayo a lallaki ken ti annaktayo a babbai ken ti assawatayo nakautiboda gapu itoy.+ 10  Ita asideg iti pusok a patalgedan ti maysa a tulag+ ken Jehova a Dios ti Israel, tapno ti sumsumged nga ungetna agbaw-ing manipud kadatayo. 11  Ita, annakko, dikay pagsardayen ti bagbagiyo,+ ta dakayo ti pinili ni Jehova nga agtakder iti sanguananna tapno agserbikayo kenkuana+ ken tapno agtultuloykayo kas ministrona+ ken manangpataud iti asuk a sakripisio.”+ 12  Iti kasta timmakder dagiti Levita,+ ni Mahat nga anak ni Amasai ken ni Joel nga anak ni Azarias iti annak dagiti Cohatita;+ ket manipud iti annak ni Merari,+ ni Kis nga anak ni Abdi ken ni Azarias nga anak ni Jehalelel; ket manipud kadagiti Gersonita,+ ni Joa nga anak ni Zimma ken ni Eden nga anak ni Joa; 13  ket manipud iti annak ni Elizafan,+ da Simri ken Jeuel; ket manipud iti annak ni Asaf,+ da Zacarias ken Matanias; 14  ket manipud iti annak ni Heman,+ da Jehiel ken Simei; ket manipud iti annak ni Jedutun,+ da Semaias ken Uzziel. 15  Kalpasanna inummongda a sangsangkamaysa ti kakabsatda ket sinantipikarda+ ti bagbagida ket immayda maitunos iti bilin ti ari babaen iti sasao+ ni Jehova, tapno dalusanda+ ti balay ni Jehova. 16  Ti papadi dimteng ita iti uneg ti balay ni Jehova tapno aramidenda ti panangdalus ket inruarda ti isuamin a kinarugit a nasarakanda idiay templo ni Jehova agingga iti paraangan+ ti balay ni Jehova. Kalpasanna dagiti Levita inawatda dayta tapno iruarda nga ipan idiay naapres a ginget ti Kidron+ iti ruar. 17  Iti kasta nakapangrugida iti umuna nga aldaw ti umuna a bulan iti panangsantipikar, ket iti maikawalo nga aldaw ti bulan dimtengda iti beranda+ ni Jehova; iti kasta sinantipikarda ti balay ni Jehova iti walo nga aldaw, ket nalpasda iti maikasangapulo ket innem nga aldaw ti umuna+ a bulan. 18  Kalpasan dayta immayda iti uneg ken Ezekias nga ari ket kinunada: “Dinalusanmi ti intero a balay ni Jehova, ti altar+ ti daton a mapuoran ken dagiti amin nga aruatenna,+ ken ti lamisaan+ ti agtutuon a tinapay ken dagiti amin nga aruatenna.+ 19  Ket insaganami dagiti amin nga aruaten+ a saanen nga impaaramat ni Ari Acaz+ bayat ti panagturayna iti saanna a kinamatalek,+ ket sinantipikarmi+ ida; ket sadiay addada iti sanguanan ti altar ni Jehova.” 20  Ket bimmangon a nasapa+ ni Ezekias+ nga ari ket inummongna a sangsangkamaysa dagiti prinsipe+ ti siudad ket immuli iti balay ni Jehova. 21  Ket nangyegda iti pito a toro+ ken pito a kalakian a karnero ken pito a kalakian a kordero ken pito a kalakian a kalding kas daton gapu iti basol+ maipaay iti pagarian ken maipaay iti santuario ken maipaay iti Juda. Gapuna kinunana iti annak ni Aaron a papadi+ nga idatonda ida iti rabaw ti altar ni Jehova. 22  Iti kasta pinartida+ ti bakbaka ket ti papadi inawatda ti dara+ ket inwarsida+ dayta iti rabaw ti altar; a kalpasan dayta pinartida dagiti kalakian a karnero+ ket inwarsida ti dara+ iti rabaw ti altar, ket pinartida dagiti kalakian a kordero ket inwarsida ti dara iti rabaw ti altar. 23  Kalpasanna dagiti kalakian a kalding+ ti daton gapu iti basol inyasidegda iti sanguanan ti ari ken ti kongregasion ket impatayda kadakuada dagiti imada.+ 24  Pinarti ida ita ti papadi ket nangaramidda iti maysa a daton gapu iti basol babaen ti darada iti rabaw ti altar, tapno mangaramidda iti panangabbong maipaay iti intero nga Israel;+ agsipud ta maipaay idi iti intero nga Israel+ a kinuna ti ari a rebbeng a maaramid ti daton a mapuoran ken ti daton gapu iti basol.+ 25  Kabayatanna, insaadna dagiti Levita+ idiay balay ni Jehova, nga addaan kadagiti piangpiang,+ addaan kadagiti pagtokar nga adda kuerdasna+ ken addaan kadagiti arpa,+ babaen ti bilin ni David+ ken ni Gad+ a managsirmata ti ari ken ni Natan+ a mammadto, ta babaen idi iti ima ni Jehova a ti bilin naadda babaen kadagiti mammadtona.+ 26  Gapuna nagtalinaed a sitatakder dagiti Levita nga addaanda kadagiti pagtokar+ ni David, ken kasta met ti papadi nga addaanda kadagiti trumpeta.+ 27  Idin kinuna ni Ezekias nga idatonda ti mapuoran a sakripisio iti altar; ket iti tiempo a nairugi ti daton a mapuoran, nairugi ti kanta+ ni Jehova ken kasta met dagiti trumpeta, iti met laeng sidong ti panangiwanwan dagiti pagtokar ni David nga ari ti Israel. 28  Ket nagrukruknoy ti intero a kongregasion+ bayat a nagal-allinga ti kanta+ ken umar-ariwawa idi dagiti trumpeta—isuamin daytoy agingga a nalpas ti daton a mapuoran. 29  Ket apaman a nalpasda nga indaton dayta, nagrukob ti ari ken amin dagidiay adda a kaduana ket inruknoyda ti bagbagida.+ 30  Ni Ezekias nga ari ken dagiti prinsipe+ kinunada ita kadagiti Levita nga idaydayawda ni Jehova buyogen ti sasao ni David+ ken ni Asaf+ a managsirmata. Gapuna rinugianda ti mangidaton iti panagdayaw buyogen a mismo ti panagrag-o,+ ket nagparparintumengda ken inrukruknoyda ti bagbagida.+ 31  Kamaudiananna simmungbat ni Ezekias ket kinunana: “Ita pinunnoyo+ ti imayo iti pannakabalin maipaay ken Jehova. Umadanikayo, ket mangyegkayo kadagiti sakripisio+ ken kadagiti sakripisio ti panagyaman+ iti balay ni Jehova.” Ket ti kongregasion nangrugi a mangyeg kadagiti sakripisio ken kadagiti sakripisio ti panagyaman, ken kasta met ti tunggal maysa a sitatallugod ti pusona, iti datdaton a mapuoran.+ 32  Ket ti bilang dagiti mapuoran a daton nga inyeg ti kongregasion nagdagup iti pitopulo a baka, sangagasut a kalakian a karnero, dua gasut a kalakian a kordero—amin dagitoy kas mapuoran a daton ken Jehova;+ 33  ken kasta met dagiti nasantuan a daton, innem a gasut a baka ken tallo ribu iti arban. 34  Ti laeng papadi+ ti bassit unay idi, ket saanda a nagebgeban a lalatan amin dagiti daton a mapuoran.+ Gapuna tinulongan ida ti kakabsatda+ a Levita agingga a nalpas ti trabaho+ ken agingga a ti papadi masantipikarda ti bagbagida,+ ta dagiti Levita nalinlintegda+ iti puso maipaay iti panangsantipikar iti bagbagida ngem ti papadi. 35  Ken, kasta met, nakaad-adu unay dagiti daton a mapuoran+ agraman ti taba+ a paspaset dagiti sakripisio a pakikaykaysa+ ken agraman dagiti daton nga inumen+ a maipaay kadagiti daton a mapuoran. Iti kasta naisagana ti panagserbi iti balay ni Jehova.+ 36  Gapuna nagrag-o ni Ezekias ken amin dagiti umili gapu iti kinapudno a nagisagana ti pudno a Dios maipaay kadagiti umili,+ agsipud ta kellaat a napasamak dayta a banag.+

Footnotes