Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Cronicas 27:1-9

27  Duapulo ket lima ti tawen ni Jotam+ idi nangrugi nga agturay, ket iti sangapulo ket innem a tawen nagturay idiay Jerusalem. Ket ti nagan ti inana Jerusah+ nga anak ni Sadok.  Ket inar-aramidna no ania ti umiso kadagiti mata ni Jehova,+ maitunos iti amin nga inaramid ni Ozias nga amana.+ Isuna laeng ta saanna a sinerrek ti templo ni Jehova.+ Nupay kasta, dagiti umili agtigtignayda pay laeng idi iti makadadael.+  Isu imbangonna ti makinngato a ruangan+ ti balay ni Jehova, ket iti pader ti Ofel+ isu nangaramid iti adu a panagbangon.  Ket nangbangon kadagiti siudad+ iti nakabambantay a rehion ti Juda,+ ken nangbangon iti nasarikedkedan a luglugar+ ken tortorre+ iti kakaykaywan.+  Ket isu nakigubat iti ari ti annak ti Ammon+ ket iti kamaudiananna napaneknekan a napigpigsa ngem isuda, iti kasta nangted kenkuana ti annak ti Ammon iti dayta a tawen iti sangagasut a pirak a talento ken sangapulo a ribu a cor+ a sukat ti trigo+ ken sangapulo a ribu ti sebada.+ Daytoy ti imbayad kenkuana ti annak ti Ammon, kasta met iti maikadua a tawen ken iti maikatlo.+  Gapuna pinappapigsa ni Jotam ti bagina, ta insaganana ti daldalanna iti sanguanan ni Jehova a Diosna.+  No maipapan iti dadduma pay kadagiti pasamak ni Jotam+ ken amin a gubgubatna ken daldalanna, sadiay naisuratda iti Libro+ ti Ar-ari ti Israel ken ti Juda.  Duapulo ket lima ti tawenna idi nangrugi nga agturay, ket iti sangapulo ket innem a tawen nagturay idiay Jerusalem.+  Kamaudiananna nakikaidda ni Jotam kadagidi ammana,+ ket intabonda idiay Siudad ni David.+ Ket ni Acaz+ nga anakna nangrugi nga agturay a mangsandi kenkuana.

Footnotes