Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Cronicas 25:1-28

25  Iti edad a duapulo ket lima a tawen nagbalin nga ari ni Amazias,+ ket iti duapulo ket siam a tawen nagturay idiay Jerusalem. Ket ti nagan ti inana Jehoaddan+ ti Jerusalem.  Ket intuloyna nga aramiden no ania ti umiso kadagiti mata ni Jehova,+ isuna laeng ta saan a buyogen ti naan-anay+ a puso.  Ket naaramid nga apaman a ti pagarian pimmigsa iti sidongna, madagdagus a pinapatayna+ dagiti adipenna+ a nangkabil iti ari nga amana.+  Ket ti annakda saanna a pinapatay, no di ket inaramidna ti maitunos iti adda a naisurat iti linteg, iti libro ni Moises,+ nga imbilin ni Jehova, a kunkunana: “Saan a rebbeng a matay ti amma gapu iti annak,+ saan met a rebbeng a matay ti annak gapu iti amma;+ no di ket rebbeng a matayda tunggal maysa gapu iti bukodna a basol.”+  Ket ni Amazias inummongna a sangsangkamaysa ti Juda ket pinagtakderna ida sigun iti balay dagidi amma,+ sigun kadagiti panguluen ti rinibu+ ken sigun kadagiti panguluen ti ginasut+ maipaay iti isuamin a Juda ken Benjamin; ket impasalistana ida manipud edad a duapulo+ a tawen nga agpangato, ket kamaudiananna nasarakanna ida a tallo gasut a ribu a napili a lallaki a mapan iti buyot, nga agig-iggem iti gayang+ ken dakkel a kalasag.+  Kanayonanna, nangtangdan manipud Israel iti sangagasut a ribu a mamaingel, nabileg a lallaki maipaay iti sangagasut a pirak a talento.  Ket immay kenkuana ti maysa a lalaki ti pudno a Dios,+ a kunkunana: “O ari, dika ipalubos a kumuyog kenka ti buyot ti Israel, ta awan ni Jehova iti Israel,+ awan sabali, iti amin nga annak ti Efraim.  Ngem sika umayka, agtignayka, bumilegka maipaay iti gubat.+ Mabalinnaka a pagtibkolen ti pudno a Dios iti sanguanan ti maysa a kabusor; ta adda pannakabalin iti Dios a mangtulong+ ken mamagtibkol.”+  Gapu itoy kinuna ni Amazias+ iti lalaki ti pudno a Dios: “Ngem ania ti maaramidan maipapan iti sangagasut a talento nga intedko kadagiti buyot ti Israel?”+ Iti daytoy kinuna ti lalaki ti pudno a Dios: “Adda ken Jehova ti pamay-an a panangited kenka iti ad-adu pay ngem iti daytoy.”+ 10  Gapuna inlasin ida ni Amazias, awan sabali, dagiti buyot nga immay kenkuana manipud Efraim, tapno mapanda iti bukodda a lugar. Nupay kasta, bimmara unay ti ungetda maibusor iti Juda, iti kasta nagsublida iti bukodda a lugar a sibabarada iti unget.+ 11  Ket ni Amazias, iti biangna, bimmileg ket indaulona ti bukodna nga ili ket napan iti Ginget ti Asin;+ ket kinabilna ti annak ti Seir,+ sangapulo a ribu kadakuada.+ 12  Ket ti annak ti Juda adda idi sangapulo a ribu a kinautiboda a sibibiag. Gapuna impanda ida iti tuktok ti napasdok a bato, ket impalladawda ida manipud tuktok ti napasdok a bato; ket, isuda amin, naiwariswarisda.+ 13  No maipapan kadagiti kameng ti buyot a pinagawid ni Amazias manipud pannakikuyog kenkuana a mapan iti gubat,+ rinugianda ti nangrubbuot kadagiti siudad ti Juda, manipud Samaria+ agingga idiay Bet-horon,+ ket nangkabilda iti tallo ribu kadakuada ken nangalada iti adu a samsam. 14  Ngem napasamak kalpasan a dimteng ni Amazias manipud panangkabil kadagiti Edomita nga inyegna ita ti didios+ ti annak ti Seir ket impasdekna ida maipaay kenkuana kas didios,+ ket rinugianna ti agruknoy iti sanguananda,+ ket rinugianna ti mangpataud iti asuk a sakripisio maipaay kadakuada.+ 15  Iti kasta bimmara ti unget ni Jehova maibusor ken Amazias, ket ngarud nangibaon kenkuana iti maysa a mammadto ket kinunana kenkuana: “Apay a binirokmo+ ti didios dagiti tattao+ a saan a nangispal iti bukodda nga ili manipud imam?”+ 16  Ket naaramid idi nagsao kenkuana a ti ari dagus a kinunana kenkuana: “Dakami tinudingandaka aya a maysa a manangbalakad iti ari?+ Agsardengka maipaay iti bukodmo a pagimbagan.+ Apay koma nga isuda kabilendaka?” Gapuna nagsardeng ti mammadto, ngem kinunana: “Pudno unay nga ammok nga inkeddeng ti Dios a dadaelennaka,+ agsipud ta inaramidmo daytoy+ ket saanka nga immimdeng iti pammatigmaanko.”+ 17  Idin nakinumo ni Amazias nga ari ti Juda ket nagbaon ken Jehoas nga anak ni Jehoacaz nga anak ni Jehu nga ari ti Israel,+ a kunkunana: “Umayka! Agkinnitata a rupanrupa.”+ 18  Iti kasta ni Jehoas nga ari ti Israel nagbaon ken Amazias nga ari ti Juda, a kunkunana:+ “Ti met laeng nasiit a dakes a ruot nga adda idiay Libano nagbaon iti sedro nga adda idiay Libano,+ a kunkunana, ‘Itedmo ti anakmo a babai iti anakko kas asawa.’+ Nupay kasta, limmabas ti maysa nga atap nga animal+ ti tay-ak nga adda idiay Libano ket impayatpayatna ti nasiit a dakes a ruot. 19  Kinunam iti bagim, Adtoy kinabilmo ti Edom.+ Ket intan-oknaka ti pusom+ tapno maidaydayawka.+ Ita agtultuloyka nga agnaed iti bukodmo a balay.+ Apay koma a makiringgorka a dakes ti kasasaadmo+ ket kasapulan a mapasagka, sika ken ti Juda a maikanunong kenka?”+ 20  Ngem saan nga immimdeng ni Amazias; ta manipud dayta iti pudno a Dios+ maipaay iti panggep a panangyawat kadakuada iti imana, agsipud ta binirokda ti didios ti Edom.+ 21  Gapuna simmang-at ni Jehoas nga ari ti Israel,+ ket nagkinnitada a rupanrupa,+ isu ken ni Amazias nga ari ti Juda, idiay Bet-semes,+ a kukua ti Juda. 22  Ket ti Juda naabak iti sanguanan ti Israel,+ iti kasta nagtalawda tunggal maysa nga agturong iti toldana.+ 23  Ket ni Amazias nga ari ti Juda, ti anak ni Jehoas nga anak ni Jehoacaz, ti kinemmeg ni Jehoas nga ari ti Israel+ idiay Bet-semes, a kalpasan dayta inyegna idiay Jerusalem+ ket nangaramid iti giwang iti pader ti Jerusalem, manipud Ruangan ti Efraim+ agingga idiay Makinsuli a Ruangan,+ uppat a gasut a kasiko. 24  Ket innalana ti isuamin a balitok ken pirak ken amin dagiti aruaten a masarakan idiay balay ti pudno a Dios agraman ni Obed-edom+ ken kadagiti gameng iti balay ti ari+ ken dagiti balud, ket kalpasanna nagsubli idiay Samaria.+ 25  Ket ni Amazias+ nga anak ni Jehoas nga ari ti Juda nagtultuloy nga agbiag+ kalpasan ti ipapatay ni Jehoas+ nga anak ni Jehoacaz nga ari ti Israel iti sangapulo ket lima a tawen. 26  No maipapan iti dadduma pay kadagiti pasamak ni Amazias, ti umuna ken ti maudi,+ adtoy! saanda aya a naisurat iti Libro+ ti Ar-ari ti Juda ken Israel?+ 27  Ket manipud tiempo a simiasi ni Amazias iti panangsurot ken Jehova, nangbukelda iti kumplot+ maibusor kenkuana idiay Jerusalem. Idi agangay isu nagkamang idiay Laquis;+ ngem nagbaonda iti mangsurot kenkuana idiay Laquis ket pinapatayda sadiay.+ 28  Gapuna inawitda kadagiti kabalio+ ket intabonda a kadua dagidi ammana idiay siudad ti Juda.+

Footnotes