Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

2 Cronicas 24:1-27

24  Pito ti tawen ni Jehoas idi nangrugi nga agturay,+ ket iti uppat a pulo a tawen nagturay idiay Jerusalem.+ Ket ti nagan ti inana Zibia manipud Beer-seba.+  Ket inar-aramid ni Jehoas+ no ania ti umiso kadagiti mata ni Jehova+ iti amin nga al-aldaw ni Jehoiada a padi.+  Ket nangala ni Jehoiada iti dua nga assawa maipaay kenkuana, ket nagbalin nga ama ti annak a lallaki ken annak a babbai.+  Ita napasamak kalpasanna a nagbalin nga asideg iti puso ni Jehoas ti panangtarimaan iti balay ni Jehova.+  Iti kasta inummongna a sangsangkamaysa ti papadi+ ken dagiti Levita ket kinunana kadakuada: “Mapankayo kadagiti siudad ti Juda ket agurnongkayo iti kuarta manipud iti intero nga Israel tapno pangtarimaan+ iti balay ti Diosyo iti tinawentawen;+ ket dakayo, iti biangyo, rebbeng nga agtignaykayo a sidadaras iti daytoy a banag.” Ket saan a nagtignay a sidadaras dagiti Levita.+  Gapuna ti ari inayabanna ni Jehoiada a pannakaulo ket kinunana kenkuana:+ “Apay a saanka a nangalikagum iti pannakikuenta kadagiti Levita maipaay iti panangyeg manipud Juda ken Jerusalem iti sagrado a buis nga imbilin ni Moises+ nga adipen ni Jehova, ti mismo nga agtaud iti kongregasion ti Israel, maipaay iti tolda ti Pammaneknek?+  Ta no maipapan ken Athalia a nadangkes a babai, sinerrek ti mismo nga annakna+ ti balay ti pudno a Dios,+ ket uray dagiti amin a nasantuan+ a banag iti balay ni Jehova indatagda kadagiti Baal.”+  Idin ti ari nagbilin, ket ngarud nangaramidda iti maysa a baul+ ket inkabilda iti ruar idiay ruangan ti balay ni Jehova.  Kalpasan dayta nangiparuarda iti awag iti intero a Juda ken Jerusalem tapno iyeg ken Jehova ti sagrado a buis+ a ni Moises+ nga adipen ti pudno a Dios imbilinna iti Israel idiay let-ang. 10  Ket nangrugi nga agrag-o+ dagiti amin a prinsipe+ ken dagiti amin nga umili, ket intultuloyda nga inyeg ken impisok dayta iti baul+ agingga a nakaitedda amin. 11  Ket naaramid nga iti umiso a tiempo iyegna ti baul iti panangaywan ti ari babaen ti ima dagiti Levita,+ ket, apaman a makitada idi nga adda aglaplapusanan a kuarta,+ immay ti sekretario+ ti ari ken ti komisionado ti panguluen a padi ket kalpasanna inikkatda ti nagyan ti baul ket binagkatda dayta ket insublida iti dissona. Kasta idi ti wagas nga inaramidda iti inaldaw-aldaw, iti kasta nakaurnongda iti naruay a kuarta. 12  Kalpasanna ti ari ken ni Jehoiada itedda dayta kadagiti managaramid+ iti trabaho ti panagserbi iti balay ni Jehova,+ ket nagbalinda a manangtangdan kadagiti agtagtaga iti bato+ ken kadagiti nasigo a trabahador+ maipaay iti panangtarimaan iti balay ni Jehova,+ ken kasta met kadagiti trabahador iti landok ken gambang a maipaay a pangtarimaan iti balay ni Jehova.+ 13  Ket dagiti managaramid iti trabaho rinugianda dagiti panagtignay,+ ket ti panagtarimaan nagtultuloy a rimmang-ay babaen iti imada, ket kamaudiananna naipatakderda ti balay ti pudno a Dios sigun iti rebbeng a pakabuklanna ket pinatibkerda. 14  Ket apaman a nalpasda inyegda iti sanguanan ti ari ken ni Jehoiada ti natedda iti kuarta, ket nangaramidda iti ar-aruaten maipaay iti balay ni Jehova, ar-aruaten maipaay iti panagserbi+ ken maipaay kadagiti panagidaton ken kopkopa+ ken ar-aruaten a naaramid iti balitok+ ken iti pirak; ket nagbalinda a managidaton kadagiti mapuoran a sakripisio+ idiay balay ni Jehova a patinayon iti amin nga al-aldaw ni Jehoiada. 15  Ket ni Jehoiada limmakay ken napneken iti tawtawen+ ket idi agangay natay, nga agtawen iti sangagasut ket tallopulo idi natay. 16  Gapuna intabonda idiay Siudad ni David a naikadua iti ar-ari,+ agsipud ta nakaaramid iti naimbag iti Israel+ ken iti pudno a Dios ken iti balayna. 17  Ket kalpasan ti ipapatay ni Jehoiada simrek dagiti prinsipe+ ti Juda ket nagruknoyda iti ari. Iti dayta a tiempo nagimdeng kadakuada ti ari.+ 18  Ket nagin-inut a binaybay-anda ti balay ni Jehova a Dios dagidi ammada ket rinugianda a nagserbian dagiti sagrado a teddek+ ken dagiti idolo,+ iti kasta naadda ti rurod maibusor iti Juda ken Jerusalem gapu itoy a pannakabasolda.+ 19  Ket nangibabaon iti tengngada kadagiti mammadto+ tapno pagsublien ida ken Jehova; ket nangsaksaksida maibusor kadakuada, ngem saanda nga immimdeng.+ 20  Ket ti met laeng espiritu ti Dios+ binalkutna+ ni Zacarias+ nga anak ni Jehoiada+ a padi, iti kasta timmakder iti ngatuen dagiti umili ket kinunana kadakuada: “Daytoy ti kinuna ti pudno a Dios, ‘Apay a salsalungasingenyo dagiti bilin ni Jehova, iti kasta saankayo a makapagballigi?+ Agsipud ta binaybay-anyo ni Jehova, isu, kalpasanna, baybay-annakayto.’”+ 21  Kamaudiananna nagkukumplotda maibusor kenkuana+ ket isu inuborda iti batbato+ sigun iti bilin ti ari idiay paraangan ti balay ni Jehova. 22  Ket ni Jehoas nga ari saanna a nalagip ti naayat a kinamanangngaasi a winatwat maipaay kenkuana ni Jehoiada nga amana,+ iti kasta pinapatayna ti anakna, nga, idi matayen, kinunana: “Kitaen koma ni Jehova dayta ket singirenna dayta.”+ 23  Ket naaramid iti panagbaliw+ ti tawen maysa a puersa militar ti Siria+ simmang-at a maibusor kenkuana,+ ket rinugianda a serreken ti Juda ken Jerusalem. Kalpasanna dinadaelda dagiti amin a prinsipe+ dagiti umili manipud tengnga dagiti umili, ket ti isuamin a samsamda impatulodda iti ari ti Damasco.+ 24  Ta babaen idi iti bassit a bilang dagiti lallaki a ti puersa militar dagiti Sirio nangaramid iti panangserrek,+ ket ni met laeng Jehova inyawatna iti imada ti maysa a puersa militar a dakkel unay ti bilangna,+ agsipud ta binaybay-anda ni Jehova a Dios dagidi ammada; ket nangipakatda ken Jehoas iti ar-aramid ti panangukom.+ 25  Ket idi pimmanawda kenkuana (ta pinanawanda nga addaan adu a sagubanit),+ nagkukumplot dagiti bukodna nga adipen+ maibusor kenkuana gapu iti dara+ ti annak ni Jehoiada+ a padi; ket pinapatayda iti rabaw ti bukodna a sopa, iti kasta natay.+ Kalpasanna intabonda iti Siudad ni David,+ ngem saanda nga intabon kadagiti lugar a pagitabonan ti ar-ari.+ 26  Ket dagitoy dagiti mannakikumplot maibusor kenkuana: ni Zabad+ nga anak ni Simeat nga Ammonita ken ni Jehozabad nga anak ni Simrit a babai a Moabita. 27  No maipapan iti annakna ken iti kinaruay ti pammakdaar maibusor kenkuana+ ken iti pannakaibangon+ ti balay ti pudno a Dios, sadiay naisuratda iti salaysay ti Libro+ ti Ar-ari. Ket ni Amazias+ nga anakna nangrugi nga agturay a mangsandi kenkuana.

Footnotes