Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Cronicas 23:1-21

23  Ket iti maikapito a tawen impakita ni Jehoiada+ nga isu natured ket dagiti panguluen ti ginasut,+ awan sabali, ni Azarias nga anak ni Jeroham, ken ni Ismael nga anak ni Jehohanan ken ni Azarias nga anak ni Obed ken ni Maasias nga anak ni Adaia ken ni Elisafat nga anak ni Zicri, inserrekna a kaduana iti tulag.  Kalpasanna naglikmutda iti intero a Juda ket inummongda a sangsangkamaysa dagiti Levita+ manipud kadagiti amin a siudad ti Juda ken dagiti pannakaulo+ ti balbalay dagiti amma+ ti Israel. Iti kasta dimtengda idiay Jerusalem.  Idin ti intero a kongregasion namatalgedda iti maysa a tulag+ iti ari idiay balay+ ti pudno a Dios, a kalpasan dayta kinunana kadakuada: “Adtoy! Agturayto+ ti mismo nga anak+ ti ari, kas iti inkari ni Jehova maipapan iti annak ni David.+  Daytoy ti banag nga aramidenyonto: kakatlo kadakayo a sumsumrek iti sabbath,+ iti papadi+ ken kadagiti Levita,+ ti agserbinto nga agay-aywan iti ruangan;+  ket kakatlo ti addanto iti balay ti ari;+ ket kakatlo ti addanto iti Ruangan ti Pamuon;+ ket amin dagiti umili addadanto kadagiti paraangan+ iti balay ni Jehova.  Ket dikay palubosan ti asinoman a sumrek iti balay ni Jehova+ no di ti papadi ken ti kamkameng dagiti Levita nga agserserbi.+ Dagitoy ti sumrekto, agsipud ta maysada a nasantuan a bunggoy,+ ket dagiti met laeng amin nga umili salimetmetandanto ti pagrebbengan ken Jehova.  Ket dagiti Levita masapul a lakubenda ti ari iti intero nga aglikmut,+ tunggal maysa a dagiti igamna adda kadagiti imana; ket no maipapan iti asinoman a sumrek iti balay, rebbeng a mapapatay. Ket agtultuloykayo a kumuyog iti ari no sumrek ken no rummuar.”  Ket dagiti Levita ken ti intero a Juda inaramidda ti maitunos iti amin nga imbilin+ ni Jehoiada+ a padi. Gapuna innalada tunggal maysa dagiti lallakina a sumsumrek idi iti sabbath agraman dagidiay rumrummuar iti sabbath,+ ta ni Jehoiada a padi saanna a winayawayaan dagiti benneg+ manipud annongen.  Kanayonanna, ni Jehoiada a padi intedna kadagiti panguluen ti ginasut+ dagiti pika ken dagiti kalasag ken dagiti nagsirkulo a kalasag+ a kukua idi ni Ari David,+ nga adda iti balay ti pudno a Dios.+ 10  Ket insaadna dagiti amin nga umili,+ ti tunggal maysa met laeng a ti pikana adda iti imana, manipud iti makannawan a sikigan ti balay agingga iti makannigid a sikigan ti balay, iti sibay ti altar ken iti sibay ti balay, iti intero nga aglikmut iti asideg ti ari. 11  Idin inruarda ti anak ti ari+ ket insaadda kenkuana ti balangat+ ken ti Pammaneknek+ ket pinagbalinda nga ari, ket ngarud isu pinulotan+ da Jehoiada ken ti annakna ket kinunada: “Agbiag koma ti ari!”+ 12  Idi nangngeg ni Athalia ti daranudor dagiti umili nga agtataray ken mangidaydayaw iti ari,+ dagus a napan kadagiti umili idiay balay ni Jehova. 13  Idin kimmita, ket sadiay sitatakder ti ari iti sibay ti adigina+ idiay serkan, ken dagiti prinsipe+ ken dagiti trumpeta+ iti sibay ti ari, ket amin dagiti umili ti daga agragrag-oda+ ken puypuyotenda+ dagiti trumpeta, ken dagiti kumakanta+ nga addaan kadagiti pagtokar iti kanta ken dagidiay mangmangted iti pagilasinan a mangidaton iti panagdayaw. Dagus a rinay-ab ni Athalia dagiti kawesna ket kinunana: “Kumplot! Kumplot!”+ 14  Ngem ni Jehoiada a padi inruarna dagiti panguluen ti ginasut, dagidiay nadutokan iti puersa militar, ket kinunana kadakuada: “Iruaryo manipud uneg dagiti intar;+ ket no maipapan iti asinoman a sumurot kenkuana, rebbeng a mapapatay babaen ti kampilan!” Ta kinuna ti padi: “Dikay papatayen iti balay ni Jehova.” 15  Gapuna impatayda kenkuana dagiti imada. Idi dimteng iti serkan ti ruangan ti kabalio iti balay ti ari, dagus a pinapatayda sadiay.+ 16  Idin namatalged ni Jehoiada iti maysa a tulag iti nagbaetanna ken dagiti amin nga umili ken ti ari nga agtultuloydanto kas ti ili+ ni Jehova. 17  Kalpasan dayta immay dagiti amin nga umili iti balay ni Baal ket rinugpoda dayta;+ ket rinumekda+ dagiti altarna+ ken dagiti ladawanna, ket pinapatayda+ ni Mattan+ a padi ni Baal iti sanguanan dagiti altar. 18  Kanayonanna, inkabil ni Jehoiada dagiti akem iti balay ni Jehova iti ima ti papadi ken dagiti Levita, nga insaad ni David+ kadagiti benneg nga agaywan iti balay ni Jehova tapno idatonda dagiti mapuoran a sakripisio ken Jehova sigun iti adda a naisurat iti linteg ni Moises,+ buyogen ti panagrag-o ken buyogen ti kanta babaen ti panangiwanwan ni David. 19  Gapuna insaadna dagiti agay-aywan iti ruangan+ iti sibay dagiti ruangan+ ti balay ni Jehova tapno awan asinoman a makastrek a narugit iti aniaman a pamay-an. 20  Innalana ita dagiti panguluen ti ginasut+ ken dagidiay natan-ok ken ti agtuturay kadagiti umili ken amin dagiti umili ti daga ket imbabana ti ari manipud iti balay ni Jehova.+ Kalpasanna immayda a nagtartarus babaen ti makinngato a ruangan ti balay ti ari ket pinagtugawda ti ari iti trono+ ti pagarian. 21  Ket amin dagiti umili ti daga nagtultuloyda nga agrag-o;+ ket ti met laeng siudad awanan pannakasinga idi, ket ni Athalia pinapatayda babaen ti kampilan.+

Footnotes