Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Cronicas 22:1-12

22  Kalpasanna dagiti agnanaed iti Jerusalem pinagbalinda nga ari ni Ocozias+ nga inaudian nga anakna a mangsandi kenkuana, (ta ti buyot dagiti tulisan a dimteng iti pakarso a kadua dagiti Arabo+ pinapatayda amin dagidiay laklakay,)+ ket ni Ocozias nga anak ni Jehoram nangrugi nga agturay kas ari ti Juda.  Duapulo ket dua ti tawen ni Ocozias idi nangrugi nga agturay,+ ket iti makatawen nagturay idiay Jerusalem. Ket ti nagan ti inana Athalia+ nga apoko ni Omri.+  Isu nagna met iti daldalan ti balay ni Acab,+ ta ti met laeng inana+ nagbalin a manangbalakadna iti panagaramid a sidadangkes.  Ket inar-aramidna no ania ti dakes kadagiti mata ni Jehova, kas met laeng iti balay ni Acab, ta isuda nagbalinda a manangbalakad+ kenkuana kalpasan ti ipapatay ni amana, a nangiturong iti pannakadadaelna.  Kasta met a nagna iti pammatigmaanda,+ iti kasta kimmuyog ken Jehoram+ nga anak ni Acab nga ari ti Israel iti pannakigubat ken Hazael+ nga ari ti Siria idiay Ramot-galaad,+ a sadiay dagiti bumibiat nakabilda ni Jehoram.+  Gapuna nagsubli tapno mapaimbag idiay Jezrael+ manipud kadagiti sugat nga impalak-amda kenkuana idiay Rama+ idi nakirupak ken Hazael nga ari ti Siria. No maipapan ken Azarias+ nga anak ni Jehoram+ nga ari ti Juda, simmalog tapno kitaenna ni Jehoram+ nga anak ni Acab idiay Jezrael, ta masakit idi.+  Ngem manipud iti Dios+ a napasamak ti pannakatnag+ ni Ocozias babaen ti iyaayna ken Jehoram; ket idi immay, rimmuar+ a kimmuyog ken Jehoram a mapan ken Jehu+ nga apoko a lalaki ni Nimsi,+ a pinulotan ni Jehova+ a manggessat iti balay ni Acab.+  Ket naaramid nga apaman a simrek ni Jehu iti pannakisubang iti balay ni Acab,+ nasarakanna dagiti prinsipe ti Juda ken ti annak dagiti kakabsat ni Ocozias,+ dagiti ministro ni Ocozias, ket pinapatayna ida.+  Kalpasanna sinapulna ni Ocozias, ket kamaudiananna kinautiboda,+ bayat nga aglemlemmeng idi idiay Samaria,+ ket inyegda ken Jehu. Idin pinapatayda ket intabonda,+ ta kinunada: “Isu ti apoko a lalaki ni Jehosafat,+ a nangbirok ken Jehova buyogen ti isuamin a pusona.”+ Ket awan idi ti asinoman iti balay ni Ocozias a naaddaan iti pannakabalin maipaay ti pagarian. 10  No maipapan ken Athalia+ nga ina ni Ocozias, nakitana a natayen ti anakna. Gapuna timmakder ket dinadaelna ti isuamin a naarian a putot iti balay ti Juda.+ 11  Nupay kasta, ni Jehosabeat+ nga anak a babai ti ari innalana ni Jehoas+ nga anak ni Ocozias ket inlibasna nga impanaw manipud iti annak ti ari a mapapatay koma idi, ket isu ken ti manangtagibina a babai inkabilna iti makin-uneg a siled nga ayan dagiti sopa. Ket isu pinagtalinaed ni Jehosabeat nga anak a babai ni Ari Jehoram,+ ti asawa ni Jehoiada+ a padi, (ta isu idi ti kabsat a babai ni Ocozias,) a silelemmeng gapu ken Athalia, ket saanna a pinapatay.+ 12  Ket nagtalinaed a kaduada a silelemmeng iti balay ti pudno a Dios iti innem a tawen,+ bayat nga agturturay idi ni Athalia kas reyna+ iti daga.+

Footnotes